Giriş
Biznesin idarəedilməsi müasir çağrışlara uyğun olaraq çevik şəkildə dəyişməkdədir.
İqtisadiyyatın fərqli sektorlarında rəqabətin gücləndirilməsi
də məhz innovativ və çevik
idarəetmə formalardan istifadəni alternativsiz etmişdir. Biznesin idarəedilməsi fəlsəfəsi məhz
iqtisadi-rasional yanaşmaya əsaslanmaqla uzun müddətli dövr üçün planlaşdırma
və strateji
hədəfləri müəyyənləşdirməyə imkan verməlidir.
Hər bir biznes qurumunun inkişafı onun biznes strategiyasının doğru tətbiqindən asılıdır. Lakin
bəzən biznes sahibləri, bizneslərinin idarəedilməsində
çətinliklərlə üzləşir, gəlir əldə etmək
əvəzinə borclanma ilə üzləşməli olurlar. Bu kimi hallar çox zaman sahibkarların mövcud bazar
araşdırmasını doğru
təhlil edə bilməmələrindən, uyğun strategiya və taktikaların tətbiq
etməmələrindən, eləcə də idarəetmə bacarıqların zəif olmalarından qaynaqlanır.
Sahibkarlığın inkişafı hər bir ölkə üçün prioritetdir.
Çünki bu, bir tərəfdən inovasiyanın cəlb
edilməsi, eyni zamanda rəqabətin gücləndiriliməsi baxımında vacibdir, həm də dayanıqlı
məşğulluqda kiçik və orta biznesin payı çox böyükdür.
Biznesdə korporativ idarəetmənin formalaşdırılması və inkişaf
etdirilməsi istiqamətində
fəaliyyətlərin genişləndirilməsi priroitetdir. Eyni zamanda biznesin idarəedilməsi də məhz
müasir çağrışlara və innovative mexanizmlərinin tətbiqinə uyğun olmalı
və buna imkan
verməlidir.
Biznesin inkişafı üzrə hazırlanan bu kitabçada da məqsəd,
biznesə yeni başlayanalar, eləcə də
bizneslərini inkişaf etdirmək istəyənlər üçün biznesin idarəedilməsi və inkişafı ilə bağlı anlayış
və bacarıqların inkişaf etdirilməsində bələdçilik etməkdir. Bu kitabça
vasitəsilə sahibkarlar
bizneslərini idarə edən zaman etməli və etməməli olduqları fəaliyyətlərini öyrənəcəklər.
Dostları ilə paylaş: