26. Lisenziyanın növləri
Lisenziyanın növləri.
- tam lisenziya, bu formada lisenziat patentin mövcud olduğu bütün müddət ərzində və bütün ərazilərdə məhdudiyyətsiz olaraq bütün patent hüquqlarından istifadə etmək hüququ alır. Əslində bü iqtisadi cəhətdən patentin satın alınması deməkdir.
- müstəsna lisenziya, lisenziatın lisenziyalaşma obyektindən göstərilən ərazidə və müəyyən olunmuş müddət ərzində istifadə etmək hüququ vardır.
- sadə lisenziya, lisenziar və digərləri eyni lisenziya obyektindən həmin və ya digər ərazilərdə, eyni vaxtda onun icazəsi ilə istifadə edə bilər;
- açıq lisenziya, patent sahibinin ərizəsi əsasında patent idarəsinə bu obyektə maraq göstərənlərə ondan istifadə etmək hüququnu verir;
- sublisenziya, lisenziarın razılığı əsasında lisenziatın müqavilə əsasında obyektdən istifadə etməklə əlaqədar malik olduğu hüququn hamısını və ya müəyyən hissəsini üçüncü şəxsə verə bilməsidir.
27. Lisenziya hesablaşmaları
Hesablaşmaların əsas formaları - royalti, pauşal və kombinə edilmiş ödənişlərdir.
Royalti lisenziya mübadiləsində ən geniş yayılmış ödəniş formasıdır. Royalti lisenziya müqaviləsində göstərilən həcmdə mənfəətin müəyyən hissəsinin lisenziat tərəfindən dövrü olaraq ödənilməsini nəzərdə tutur ki, onun da səviyyəsi alınmış texnologiyanın səmərəli istifadə edilməsindən asılıdır.
Ödənişlərin pauşal forması əvvəlcədən lisenziar tərəfindən müəyyən olunmuş məbləğin lisenziat tərəfindən birdəfəlik ödənilməsini nəzərdə tutur. Ödəniş mərhələlər üzrə də həyata keçirilə bilər. Pauşal ödənişin həcmi təyin olunanda, onun həcminin analoji royalti məbləğinə bərabər olması əsas götürülür.
Kombinə edilmiş ödəniş forması, royalti kimi geniş tətbiq edilir. Burada həm birdəfəlik, həmdə dövri ödənişlər həyata keçirilməsi nəzərdə tutulur.
Lisenziya mübadiləsinin maliyyə təminatı özündə belə müqavilələrin kreditləşməsini və sığortasını da birləşdirir.
Texnoloji mübadilə, intellektual mülkiyyət anlayışı və beynəlxalq mübadilənin xarakterik xüsusiyyətləri.
Dostları ilə paylaş: |
