196
enerjilər hər bir mərhələnin ləzzətini duymaq üçün o mərhələlər-
də sərbəst yaşaya bilərlər. Ona görə də yeri gələndə məcburdurlar
ki, bu mərhələlər üçün formalaşan quruluşlardan alət kimi istifadə
etsinlər. Yeni formalaşan insan bədəni isə onun gələcək ruhunun,
yəni bu quruluşlu enerjinin yaşantısı üçün ən yaxşı alətdir. Necə ki,
insan qeyri-üzvi maddələrdən özünə sığınacaq kimi istifadə edir,
paltar, ev, kosmik gəmi və s. İdeal üzvi maddələr də yeri gələndə
insandan belə istifadə edir.
Hər hansı bir varlığın yaranan andan onun öz yaşantısına uy-
ğun potensial enerjisi yaranır. Bu potensial enerji qeyri üzvi mad-
dələrdə dözümlülük həddinin ölçüsüdür. Üzvi maddələrdə isə, yəni
hərəkət edən canlılarda dözümlülük həddi, təzyiqlərdən qorunmaq,
yəni dözə biləcəyi qədər müqavimət göstərməkdənsə, təzyiqdən
yayınmaqla öz varlığını saxlayır. Yəni ideal rahatlıq halına meyil,
bu üsul istər-istəməz həyat təcrübəsi toplanmasının səbəbidir. Üzvi
maddələrdə mühitə uyğunlaşma nəticəsində xarakterdə formalaş-
ma getdiyindən, artıq xüsusi bir varlığın ayrıca xarakteri yaranır,
yəni şəxsiləşmə gedir.
Potensial enerji varlığın ümumi ruh anlayışıdır, yəni ruhun ma-
yasıdır. Qeyri-üzvi maddələrin hər birinin yaranışına uyğun bu
enerji sabitdir. Üzvi maddələrdə isə göründüyü kimi, bu potensial
enerjilər sabitlikdən çıxır, yeni bir inkişaf mərhələsinə qədəm qo-
yur və beləliklə şəxsiləşir. Bu şəxsiləşmiş enerjilər ruhdur.
Ruh – varlığın potensial enerjisinin, həmin varlığın mühitə uy-
ğunlaşması nəticəsində formalaşan xarakterinin topladığı həyat təc-
rübəsinə əsasən yeni inkişaf mərhələsidir, şəxsiləşmiş bir varlıqdır.
İnsan öz yaratdıqları içərisində müxtəlif işləri yerinə yetirə bilən ro-
botları ən uğurlu işi saya bilər. Lakin robotlar nə qədər mükəmməl
quruluşa malik olsa da, minerallardan təşkil olunmuşdur və yalnız
mineralların ən müxtəlif sistemli quruluşundan yaranan mükəm-
məllik səviyyəsində ola bilərlər. Robotların nümayiş etdirilən
cəhətləri həmişə onların maksimum imkanları olur. Bu isə adicə
bir bitki toxumunun potensial imkanından da zəifdir. İnsan yaratdı-
ğı sistemli quruluşlarda həyat eşqi çatışmır. Həyat eşqi yalnız üzvi
197
maddələrdə var. İnsan üzvi maddələrdən nə isə məqsədli bir quruluş
yarada bilərsə bu quruluşun ən sadəsi minerallardan yaranmış ən
mükəmməl quruluşlardan üstün olar. Çünki qeyri-üzvi maddələrlə
üzvi maddələrin sərhədləri daha böyük bir mərhələylə – səbəblər
toplusu ilə daha böyük bir səbəblər toplusu arasındakı sərhəddir.
İnsan Yer kürəsində üzvi maddələrin ən mükəmməl quruluşlu
varlığıdır. Üzvi maddələr məhv olarkən birinci itirdikləri həyat təc-
rübəsi toplamaq imkanıdır.
Məzmununu itirib yalnız formasını saxlayan bədən, qeyri-üzvi
maddələr kimi, yalnız dözümlülük həddi hesabına formasını saxla-
mağa çalışır.
Aydındır ki, həyat təcrübəsi toplamaq imkanını itirən bədən
həm də bu müddətə qədər topladığı həyat təcrübəsini də itirir. Hə-
yat təcrübəsi toplamaq imkanının itirilməsi varlığın canlı olmaq
imkanının itirilməsidir ki, bu da varlığın fiziki imkanlarının hara-
dasa tükənməsinin nəticəsidir, varlıq öz formasında müqəvvaya
çevrilir. Bu müddətə qədər toplanan həyat təcrübəsinin itirilməsi
isə onun ağlının itirilməsidir. Ağıl, bilik isə itməyən xəzinə oldu-
ğundan, yəni ən sadə formada varlığın ruhu onun yaratdığı hər han-
sı bir nəticəni yaşayır. Fiziki imkanlar tükənəndə birinci növbədə
həyat təcrübəsi toplamaq imkanı və toplanmış həyat təcrübəsi itir.
Beləliklə, məzmununu itirən bədənin forması sürətli bir proseslə
görünüşünü dəyişib qeyri-üzvi maddə qalığına çevrilir.
Həyat təcrübəsi toplamaq imkanı və toplanmış həyat təcrü-
bələri, bəs bunlar nə deməkdir? Bunu kobud olsa da maqnitofon-
la müqayisə edək. Maqnitofon boş kaseti ilə birlikdə işlədilsə, səs
yazmaq imkanına malikdir. Biz onu işlətdik və nə isə yazdıq. Sonra
maqnitofon xarab oldu, yəni səs yazmaq imkanını itirdi. Yazılmış
səs isə kasetdə qaldı. Ya maqnitofonu təmir elətdirmək, ya da kase-
ti başqa maqnitofona qoymaqla kasetin içindəkiləri dinləmək olar.
Bu misal kobuddur, ancaq qismən həyat təcrübəsi toplamaq imka-
nına və toplanmış həyat təcrübələrinə uyğundur.
Üzvi maddələrdən yaranmış varlıqlar həyatdan gedəndə hə-
yat təcrübəsi toplamaq imkanını itirir, ancaq onun topladığı həyat
198
təcrübələri hər hansı bir şəkildə yaşayır. Birincisi belə olmasaydı,
həyatın inkişafı da kəsirli görünərdi. İkincisi, bu toplanmış həyat
təcrübələri hər halda insan beynində ali materiya şəklində bir yerə
toplanır ki, lazım olanda onlardan istifadə olunur.
Hər hansı bir materiya növü bir yerə yığışanda bu istər-istəməz
toplantı şəklində özünü göstərməlidir. Buradan belə nəticə çıxır ki,
toplanan həyat təcrübəsi materiyanın hansı bir formasındasa, həyat
təcrübəsi toplamaq imkanlı bədəndən ayrı mövcuddur, lakin onun-
la birgə fəaliyyət göstərir və sıx yaxınlıq təşkil edir. Onda buradan
belə bir nəticə çıxır, həyat təcrübəsi toplamaq imkanlı bədənin fizi-
ki imkanları tükənəndə, yəni məhv olanda, toplanan həyat təcrübə-
si qalır və bədənlə birgə fəaliyyətini dayandırıb təkbaşına fəaliyyət
göstərir.
Bu təkbaşına fəaliyyət göstərən toplanan həyat təcrübəsi – ağıl-
dır, yəni ruhdur. Hər hansı materiya növü bir yerə yığılanda kütlə
yaradır ki, bu kütlə də hökmən müəyyən forma və məzmuna ma-
lik olur. Həyat təcrübəsini də, hər hansı bir varlıq, öz yaranışından
sonra əldə etdiyindən materiya növü kimi qəbul etməliyik. Deməli,
həyat təcrübəsi müəyyən forma və məzmuna malik kütlədir. Həyat
təcrübəsi – ağıl – ruhdur. Deməli, ruh kütləyə malikdir. Kütləyə
malik olan şey labüdlüyünü təsdiqləyir. Kütləyə malik olan şey
yaşantıdır. Yaşantının isə doğumu var. Doğumu olan şeyin ölümü
labüddür. Deməli, ruh da əbədi deyildir. Əbədi olan yeganə bir şey
var o da mövcudluqdur, çünki, o doğulmayıb, elə labüdlükdür.
Qeyri-üzvi maddələrdən yaranmış tamamlanmış quruluşlu sis-
temli varlıqlar yalnız potensial qüvvəyə malikdirlər. Üzvi mad-
dələrdən yaranan sistemli varlıqlar isə aktivlik dərəcəsinə malik-
dirlər. Aktivlik dərəcəsi isə idrakı yaradır. Qeyri-üzvi maddələrlə
üzvi maddələr arasındakı fərqlərdən biri də odur ki, birincilər zər-
bəyə dözümlülük həddi daxilində müqavimət göstərirlər. İkincilər
zərbədən yayınmaqla öz varlıqlarını qorumağa çalışırlar.
Hər hansı bir varlığın hal yaşantısı həmin hal yaşantısını du-
yan duyğu üzvi vasitəsilə qəbul edilə bilər. Hal yaşantısı – varlığın
daxilində gedən proseslərin gərginlik ölçüsüdür.
Dostları ilə paylaş: |