Bağırov Əlisalam başlanğICDAN başlanğica və ya ruhun keçDİYİ yol
Yüklə 2,64 Kb. Pdf görüntüsü
|
193 hiss edəcək. Əslində sonsuzluq yoxdur, nüfuz dairəsinin hara qədər gedib çıxması var. Sonsuzluq – hər hansı bir idrak sahibinin dərk səviyyəsindən yaranan nüfuz dairəsinin əhatə etdiyi məhdudiyyətdən o yanadır. Yəqin bu o deməkdir ki, nüfuz dairəsinin əhatə etdiyi məh- dudiyyət kök altında 3(üç) bərabərliyinə bənzəyir. Təkrarlanan rəqəmlərlə bu cavabın həlli istənilən qədər uzana bilər. 9 (doqquz) rəqəmli sistemdə bu belə də olmalıdır. Başqa bir hesablama sistemi yaradılsa, vəziyyət dəyişər. Onun da öz problemləri ola bilər, ancaq başqa cür. Bizim kainat haqqında biliklərimiz də buna bənzəyir. Bizim dü- şüncə dairəmiz nə qədər ki, üç ölçülü həyat prinsipləri üzərində qurulub, bundan o yana getmək olmur. Ölçüsüzlük mövcud olduğu həyat prinsipləri varsa, idrakımız o prinsiplərlə silahlansa vəziyyət başqa cür olar. Sonsuzluq anlayışı nisbidir. Sonsuzluq hər idrak sahibinin qav- rayş dairəsinin məhsuludur. İnsan üçün kainat var və o kainat son- suzdur. İnsan üçün Allah var və o, daha böyük idrak sahibidir. İn- san üçün üçölçülü həyat var, o bu həyatın məhsuludur. Hər hansı bir varlığın fiziki quruluşunun imkanlılığı onun dər- rakəlik həddini tamamlayır. Hökmən hər hansı bir nəticəni yaradan səbəblər toplusunun sistemli cəmi yaratdığı nəticədən güclüdür. Nəticəni yaradan səbəblər isə nəticədən daha ilkin olduğu üçün ilk səbəbə doğru səbəb-nəticə ardıcıllığı ilə bir yol keçir. Deməli, ilk səbəb ən güclü və ən yaradıcıdır və o həm də ilk nəticədir. İlkin başlanğıcda bunlar ayrılmazdır. Ən böyük idrak nə doğulmayıb, nə də yox olmayacaq. O, bütün kainatın halını yaşayır və onu idarə edir. İnsanın yaranması ən böyük idrakın özünə bəlli məqsədli ya- radıcılığının bir pilləsidir. Ən böyük ruh bütün kainatın halını ya- şayır. Kainatda olan bütün varlıqlar xarici qıcıqlara cavab reaksi- yaları ilə öz imkanları səviyyəsində hal yaşantılarını kodlaşdırılmış şəkildə idrak məhsulu kimi ətraf mühitə ötürürlər. Bütün bu idrak məhsulları kainatın ümumi idrakını yaradır. İnsan nə qədər ki, yaşayır, hər an üçün öz düşüncələrini kainatın ümumi tutumunda kodlaşdırır. Elə ki insan dünyasını dəyişdi, bu 194 kodlaşdırılmış idrak məhsulundan başqa adamdan heç bir şey qal- mır. Bu məhsul insan haqqında sanki bir arxiv materialıdır. Həm də bu ümumi kainatda toplanan həyat təcrübələrinə bir əlavədir. Belə hesab edək ki, bizi əhatə edən aləmə 300 000 km/san sürə- tinə bərabər hərəkət sürəti verdik. Bu zaman bizi əhatə edən aləmi təşkil edən bəsit birnövlülər arasında cazibə qüvvəsini qoparan bir hal yaranacaq və bizi əhatə edən aləm ilk bəsit birnövlülərə parça- lanacaq. Lakin tam sükunət halından fərqli olaraq bu bəsit birnöv- lülər 300 000 km/san sürət həddində hərəkət edən bir halda ola- caq. Bu da bəsit birnövlülərin varlıq kimi mövcudluğunun belə bir halda yaşantısıdır. Lakin bəsit, bir-biri ilə birləşmək imkanı olan birnövlülərin başqa bir cür yaşam halı da vardır ki, o, xüsusilik təşkil edir və bizim materiya qanunlarına tabe deyil. Bu hal bir-biri ilə birləşmək imkanı olan bəsit birnövlülərin hər hansı birinin yal- nız bir növünün başqaları ilə deyil ancaq özü ilə birləşməsindən alınan mövcudluğun hal yaşantısıdır. Bu cür mövcudluqlar nüfuz olunan ruhun mayası ilə birlikdə yalnız iki növdən ibarət olur və bizi əhatə edən aləmin materiya qanunlarına tabe olmur. Onlar bu şəkildə 300 000 km/saniyədən kiçik sürətlərdə belə bizi əhatə edən aləmi keçib gedə bilərlər. Belə varlıqlar insandan daha çox dərkə malikdirlər. Onlarda maddiliyə demək olar ki, meyil yoxdur, əgər olsa da öz hisslərini boğmağı bacarırlar. Əks təqdirdə maddiliklə hər hansı bir yaxınlaşma onun quruluşunu mürəkkəbləşdirir ki, bu hal da onların mövcudluq kimi varlıqlarının səviyyəsinin enməsi deməkdir. Bizim maddilikdən kənarda bizim maddiliyin, hər bir insan həyatında yaxşı əməlin nəticəsi olan sintezin – parlaq nurun toplanması prosesi gedir. Bu hal bizi əhatə edən aləmin nizamlı, məqsədli, təkamülə doğru inkişafında, bizim maddilikdən yaranan yeni bir doğumun mövcudluq formasında təzahürüdür. Bu ruhun mayasının daha mükəmməl quruluşu yeni bir varlıqdan əbədi həyat yolunda bir vasitə kimi istifadə etməsidir. Ən ali varlığa daha yaxın olan bu varlıq ən ali varlığa qovuşuq mərhələsindədir. Mövcudluqlar tərkiblərə bölünməyən materiya növləridir ki, onlar kainatın təbii durumunu təşkil edirlər. Mövcudluqlar po- tensial enerjidirlər. Mövcudluqlar bir-biri ilə birləşərək varlıqlar 195 əmələ gətirirlər. Varlıqlar – ilk sistemli birləşmələrdir. Sistemli ta- mamlanmış quruluş həmin həcmdə aid olduğu potensial enerjiyə – müəyyən qüvvəyə malikdir. Qeyri-üzvi maddələrdə bu qüvvə yenə də potensial haldadır. Nəhayət ki, qeyri-üzvi maddələrin müəyyən şəraitdəki halından üzvi maddələr əmələ gələndə sistemli varlıqların potensial enerji şəklində olan qüvvəsində bir aktivlik əmələ gəlir. Aktivlik dərəcəsi varlığı qeyri-üzvi maddələrdəki kimi dözə biləcəyi qədər müqavimət göstərməkdənsə, təzyiqdən yayınmaqla mümkün qədər öz varlığını saxlamağa, yəni ideal rahatlıq halına doğru meyilləndirir. Bu elmdə şərtsiz reflekslər kimi qeyd edilir. Bu üsul istər-istəməz həyat təcrübəsi toplanmasının səbəbidir. Beləliklə, üzvi maddələrdə mühitə uyğunlaşma nəticəsində xarak- terdə formalaşma getdiyindən, artıq xüsusi bir varlığın ayrıca xa- rakteri yaranır, yəni şəxsiləşmə gedir. Hər hansı tamamlanmış varlığın aktivlik dərəcəsindən doğan və həmin varlığı həyati fəaliyyətə təhrik edən qüvvə, topladığı hə- yat təcrübəsi ilə həmin tamamlanmış varlığın imkanı səviyyəsində onun idrakıdır. Qeyri-üzvi maddələr həyatın bir mərhələsi olduğu kimi, üzvi maddələr də daha böyük bir səbəbdən yaranan bir nəticə kimi həyatın başqa bir mərhələsidir. Lakin həyat bu mərhələlərlə bitmir. Həyatın daha başqa bir mərhələsi də vardır ki, bu mərhələ irəli getmiş formada özündən əvvəlki mərhələlərdən fərqlənir. Bu mərhələni ideal üzvi maddələrdən yaranmış mərhələ kimi şərtlən- dirmək olar. Bu mərhələlər arasındakı əsas fərqə baxaq. Qeyri-üzvi maddələr xarici mühitin fiziki təsirlərinə dözümlülük həddi daxi- lində müqavimət göstərirlər. Onlar zərbədən yayınmaq imkanından məhrumdurlar. Üzvi maddələr isə quruluşları səviyyəsində ideal rahatlıq halına meyillənmək imkanlıdırlar. Onlar xarici mühitin fiziki təsirlərindən imkanları daxilində yayına bilərlər. İdeal üzvi maddələr isə öz quruluşlarına görə həmişə ideal rahatlıq halında olurlar. Xarici mühitin fiziki təsirləri onları özlərindən asılı olma- yaraq ideal rahatlıq halında qərarlaşdırır. İdeal üzvi maddələr ibti- dai formada enerji şəklində olurlar. Lakin bu müəyyən quruluşlu Yüklə 2,64 Kb. Dostları ilə paylaş:
|