96
turşusundan burada təkcə qlütamin iştirak etmir. Hər
bir amin turşusu ölçüsünün 3
A
0
olmasını nəzərə alsaq
aydın olar ki, bir neçə yüz amin turşusu halqasından
ibarət olan zülal makromolekulu uzun bir zəncirdən
ibarət olmalı idi. Həqiqətdə isə bu zülal molekulu
qlobulalar (kürəciklər) şəklində olur. Deməli, nativ
zülallda (təbii) polipeptid zəncir müəyyən bir qaydada
burulmuşdur. Tədqiqatçılar göstərir ki, polipeptid
zəncirin burulmasında heç bir xaos, təsadüflük yoxdur.
Hər bir zülalın müəyyən, həmişə sabit düzülmə
xarakteri vardır. Zülal molekulunun mürəkkəb
strukturunda bir neçə quruluş səviyyəsi ayırd edirlər.
Zülalın quruluş səviyyəsinin ilk dəfə Lindenştrem-
Lanq rentgen-struktur analiz üsulundan istifadə edərək
müəyyənləşdirmişdir. Zülalın
ilkin quruluş səviyyəsi
polipeptid zəncirin özüdür. Yəni öz aralarında
polipeptid rabitə ilə birləşmiş amin turşuları zənciridir.
Buradakı bütün rabitələr çox möhkəm kovalent
rabitələrdir. Quruluşun nisbətən yüksək səviyyəsi
ikinci
quruluş səviyyəsi adlanır. Burada polipeptid zəncir
spiral halında burulur. Spiralın burumları sıx yerləşir və
qonşu burumlardakı atomlar və amin turşuları
radikalları arasında cazibə qüvvəsi yaranır. O cümlədən
qonşu burumlarda yerləşmiş peptid rabitələri arasında
hidrogen rabitələri yaranır (NH və CO qrupları
arasında). Hidrogen rabitələri kovalent rabitələrdən
xeyli zəifdir. Lakin təkrarlarla birləşdikdə möhkəm
spiral yaradır. Zülalın ikinci quruluşu sonra hər bir zülal
üçün sırf özünəməxsus, lakin qəribə bir şəkildə
bükülür. Bunun nəticəsində zülal molekulunda