Uilyam Şekspir
DÜNYA ƏDƏBİYYATI KLASSİKLƏRİ
M a kdu f. Yaxşı, varis kimdir?
M a lko lm .
O mən özüməm.
İçimdə gizlənib saysız qüsurlar.
Onlar üzə çıxıb aşkar olanda O vaxt
qara Maqbet mənim yanımda Qar
təkin ağappaq görünəcəkdir. Mənim
törətdiyim hədsiz-hüdudsuz Ağır
bəlalarla müqayisədə Bir quzu sanacaq
xalqımız onu.
Yox, yox, müdhiş, qorxunc cəhənnəmdə də
Maqbet kimi rəzil, alçaq, yaramaz,
Bir lənətə gəlmiş iblis tapılmaz.
Elədir, o acgöz, kinli, qaniçən,
Riyakar, saxtakar, xain, azğındır.
Onda cəmləşibdir bütün nöqsanlar.
Lakin daha pisdir mənim şəhvətim,
Onun nə həddi var, nə də sonu var.
Sizin xanım-xatın qadınlarınız,
Məsum qızlarınız, gəlinləriniz Mənim
alovlanan ehtirasımın Dərin dərəsini
doldura bilməz.
Bu yolda qarşıya çıxan sədləri Tamam
dağıdaram, alt-üst edərəm. Beləsinin
kral olmasındansa Maqbet öz yerində
qalsa yaxşıdır.
Həddən artıq şəhvət təbiətincə
Dünyada dözülməz bir istibdaddır.
Şəhvət də boş qoyub çox sarayları,
Neçə kralları salıb taxtından.
Ancaq qorxmayınız bundan qətiyyən,
Ala bilərsiniz öz haqqınızı.
Qəlbinizi yaxıb-yandıran odu Xəlvətcə,
gizlicə söndürərsiniz.
M a kdu f.
M a lko lm .
M a kdu f.
744
downloaded from KitabYurdu.org
Sizin arzunuzla gül aça bilən Nə çoxdur
nazənin gözəllərimiz.
Şəhvət tərlanınız bu kəkliklərin Heç də
hamısını ovlaya bilməz.
M a lko lm .
Bundan başqa, mənim həris qəlbimdə
Heç zaman doymayan tamah da vardır.
Əgər kral olsam, öldürərdim mən Bütün
kübarları, zadəganları.
Alardım birinin torpaqlarını,
Birinin evini, daş-qaşlarını.
Nə qədər çox yığsam varı-dövləti,
O qədər artardı hərisliyim də.
Səmimi, xeyirxah, düz adamları Yalnız
sərvət üçün, qənimət üçün Min cür
bəhanəylə məhv eyləyərdim.
Nə qanun, nə insaf, nə də ədalət - Heç nə
saxlamazdı yolumdan məni.
M a kdu f.
Təhlükəli olur tamah şəhvətdən,
İnsanın qəlbində bu müdhiş bəla Çox
yaman, çox dərin rişələr atır.
Bizim kralları qana bələyən,
Köksünə sancılan qılıncdır tamah.
Lakin qorxmayınız zərrəcən ondan.
Çünki Şotlandiya öz sərvətiylə Bu yanar
odu da söndürə bilər.
Başqa ləyaqətlər əhatəsində Belə
qüsurlara dözmək mümkündür.
M a lko lm .
Fəqət yoxdur mənim bir ləyaqətim.
Kral olmaq üçün insana mütləq Ədalət,
həqiqət, səbir, iradə,
Mərdlik, xeyirxahlıq, təvazökarlıq,
Məhəbbət, mərhəmət, dözüm gərəkdir.
Bunların heç biri tapılmaz məndə.
Bunlara əks olan, təzad yaranan
745
downloaded from KitabYurdu.org
Ullyam Şekspir
DÜNYA ƏDƏBİYYATI KLASSİKLƏRİ
Hər cür cinayətlər girdabıyam mən.
Əlimdə ixtiyar olsaydı əgər,
Birliyi, dostluğu, səmimiyyəti
Atardım cəhənnəm alovlarına.
Sülhü, rahatlığı alt-üst eyləyib,
Bütün yer üzünə nifaq salardım.
M a kdu f. Ah, yazıq vətənim! Ah, Şotlandiya!
M a lko lm .
Bəli, mən beləyəm. Belə bir adam,
Deyin, layiqdirmi kral olmağa?
M a kdu f.
Kral olmağamı? Belə bir adam
Hətta layiq deyil yaşamağa da.
Mənim bədbəxt xalqım, zavallı xalqım!
Qanlı müstəbidin zülmü altında
Sən nə vaxta kimi inləyəcəksən?
Haçan qayıdacaq xoşbəxt günlərin?
Taxtının-tacının əsl varisi
Etiraf eyləyib qüsurlarını,
Tamam ləkələdi kral nəslini.
Vəliəhd, bilin ki, sizin atanız
Ən ali, müqəddəs bir kral idi.
Ananız - o mömin, o məsum qadın
Ömrü başa vurdu ibadət ilə.
Sizinsə dəhşətdir günahlarınız.
Onları birbəbir danışmaqla siz
Əziz vətənimdən - Şotlandiyadan
Məni əbədilik sürgün etdiniz.
Of, artıq əlvida! Of, qəlbim, qəlbim!
Bütün ümidlərim puç oldu mənim.
M a lko lm .
Makduf, qəlbinizin təmizliyindən
Yaranmış bu coşqun, bu haqlı qəzəb
Çirkin şübhələri sildi könlümdən.
Siz doğru, namuslu, vicdanlısınız.
Məni dəfələrlə hiyləgər Maqbet İstəyib
kələklə toruna salsın.
746
downloaded from KitabYurdu.org
Hər dəfə iblisin tələsindən mən Ağılla-
kamalla xilas olmuşam.
Odur ki, heç kəsə yoxdu inamım. Fəqət
inanıram sizə bu gündən,
Allah aramızda qoy şahid olsun.
Mən sizə verirəm ixtiyarımı.
Geri götürürəm özüm barədə Dediyim
eybəcər iftiraları.
Özümə yaxdığım qara ləkələr Yaddır
namusuma, təbiətimə.
Mən üzüpərdəli bakir oğlanam,
Hələ bir qadına dəyməyib əlim.
Yalandan heç zaman and içməmişəm.
Dünyada heç nədə olmayıb gözüm.
Mənə aid olan indi nə varsa,
Heç vaxt heç birinə can atmamışam.
İlqarım saf olub, dostluğum möhkəm,
Şeytanı şeytana satmamışam heç.
Sevmişəm düzlüyü həyatım qədər.
Bu gün öz haqqımda həm də ilk dəfə
Mən yalan söylədim, yalan danışdım.
Əsl-həqiqətdə olduğu kimi Bütün bu
varlığım sənindir, sənin.
Bu gündən özümü, öz həyatımı
Bədbəxt vətənimə həsr eləyirəm.
Sən bura gəlməmiş, doğrudan da, biz
Qərara almışıq qoca Sivardla On minlik
orduyla hücum eyləyək.
İndi bir gedərik düşmən üstünə.
Haqq bizə yar olsun! Niyə susursan?
M a kdu f.
Səadət görüşdü fəlakət ilə,
Bu yaman çaşdırdı, sarsıtdı məni.
Həkim daxil olur.
M a lko lm .
Yaxşı, danışarıq sonra bu haqda.
Bu gün əlahəzrət gəlirmi, həkim?
747
downloaded from KitabYurdu.org
Dostları ilə paylaş: |