Təhsil sistemində təhsil müəssisələrinin bir qismi azkomplektli kənd
məktəbləridir. Azərbaycan Respublikasının Təhsil haqqında Qanununun 14.7.
bəndində göstərilir ki, ibtidai, ümumi və tam orta təhsil müəssisələri azkomplektli
formada da fəaliyyət göstərə bilər. Bu gün azkomplektli məktəblərin
mövcudluğunun özünəməxsus problemlərini həll etmək məsələsi meydana
gəlmişdir. Bu problemlərin həlli yollarını müəyyənləşdirmək, məktəblərin
fəaliyyətini modernləşdirmək üçün xüsusi tədqiqat işləri aparmaq lazımdır. Bu
baxımdan qeyd olunan aşağıdakı istiqamətlərdə araşdırılmalar məqsədəuyğun
bilinmişdir:
1) azkomplektli məktəblərin xüsusi şəbəkə infrastrukturu;
2) kadr hazırlığı;
3) azkomplektli məktəblərin yenidən qurulması və prinsiplər sistemi;
4) azkomplektli məktəblər haqqında tədqiqat işləri;
5) azkomplektli məktəblərin respublika üzrə hazırkı vəziyyəti;
6) tabelilik və maliyyələşdirilməsi məsələləri;
7) dərsliklər, əyani vəsaitlər, metodik vəsaitlər yeni kontekstdə;
8) respublika üzrə azkomplektli məktəblərin coğrafi baxımdan (ərazi üzrə)
qruplaşdırılması və statistikası;
9) azkomplektli məktəblərdə təlim prosesinin təşkili, xüsusiyyətləri;
10) azkomplektli məktəblərdə təşkilati, tərbiyəvi tədbirlərin həyata
keçirilməsi yolları;
11) azkomplektli məktəblərin maddi-texniki təchizatı;
12) azkomplektli məktəblərin hüquqi - normativ sənədləri;
13) azkomplektli məktəblərin metodik xüsusiyyətləri;
14) azkomplektli məktəblərin təlim - metodik təminatı;
15) azkomplektli məktəblərin idarə edilməsi.
Müşahidələr göstərir ki, ayrı-ayrı bölgələrdə, xüsusən də dağlıq ərazilərdə,
əhalinin az məskunlaşdığı yerlərdə 1336 azkomplektli məktəb fəaliyyət göstərir.
Kiçik kəndlərdə fəaliyyət göstərən məktəblərdə azkomplektlilik həmin əraziyə xas
olan xüsusiyyətlərdəndir. Bu tip məktəblər əsasən əlverişsiz coğrafi mövqedə
yerləşən, ucqar, miqrasiya axını çox, əhalinin artım səviyyəsi aşağı, ümumiyyətlə,
əhalisinin sayı az olan kəndlərdə fəaliyyət göstərir.
Tədqiqat prosesində respublikamızın Neftçala, Cəlilabad, Daşkəsən, Göygöl
və s. rayonlarında azkomplektli məktəblərdə təhsil şöbələrinin müdiri, məktəb
direktorları, müəllimlər, valideynlər və şagirdlərlə müsahibə aparılmış, anket
sorğuları keçirilmişdir. Sorğular nəticəsində müəyyən edilmişdir ki, məktəb
direktorları, təhsil şöbəsi müdirlərinin azkomplektli məktəblərin mərkəzləşməsinə
münasibəti birmənalı deyildir. Valideynlərin, kənd ağsaqqallarının və
tədqiqatçıların müşahidələrinə əsaslanaraq azkomplektli məktəbləri üç qrupa
bölmək olar:
1. Yuxarı dağ kəndlərində yolların qaneedici olmadığına, nəqliyyat vasitələri
ilə çətin təmin olunduğuna görə orada azkomplektli məktəblərin maddi - texniki
bazasını gücləndirmək və pedaqoji kadrlara olan ehtiyaclarını ödəməklə saxlamaq
olar;
2. Dağətəyi regionlarda yerləşən, əhatə dairəsi üç kilometrdən çox olan
məktəbləri yataqxanalarla təmin etməklə mərkəzləşdirilməsi mümkündür;
3. Aran ərazilərdə yerləşən məktəblərin mərkəzləşdirilməsi nəqliyyat
vasitələrindən istifadə etməklə asanlıqla və az maliyyə xərcləri sərf etməklə həll
oluna bilər.
Problemlə bağlı mövcud ədəbiyyatı araşdırarkən aydın oldu ki, bu
istiqamətdə bəzi tədqiqatlar aparılsa da, bu gün ciddi tədqiqatların dərinləşdirlməsi
vacibdir.
Prof. Y.Ş.Kərimovun “Azkomplektli məktəblərə diqqəti artıraq”
məqaləsində azkomplektli məktəblərin fəaliyyətindən bəhs edilir, nöqsanlar
aşkarlanır və bunların aradan qaldırılması üçün yollar göstərilir. Professor qeyd
edir ki, “Nəzərdən qaçırmaq olmaz ki, kənddə təhsilin ən mürəkkəb və çətin sahəsi
azkomplektli məktəblər olmuş və olaraq qalmaqdadır. Azkomplektli məktəblərdə
müəllim iki, üç, hətta, dörd müxtəlif siniflərdə eyni vaxtda işləməli olur.
Azkomplektli məktəblərdə qarşıya çıxan çətinliklər hamıya məlumdur. Bununla
belə azkomplektli məktəblərdə işləyən yüzlərlə müəllim uşaqların təlim
tərbiyəsində yüksək nailiyyətlər də əldə edir” .
S.H.Məmmədovun tərtib etdiyi tövsiyədə isə təlimin təşkili məsələlərinəı
toxunulmuşdur. Müəllif azkomplektli məktəblərdə təlim prosesində müstəqil
işlərin rolu və yerindən bəhs edir ki, bu da sözügedən məktəblər üçün
xarakterikdir.
S.H.Məmmədov yazır: “Hər şeydən əvvəl, azkomplektli məktəblərdə
təlimdə müstəqil işlərin təşkilinin “xüsusi çəkisi” xeyli artıqdır. Bu işləri dərsin
yalnız müəyyən hissəsində deyil, bütün dərs boyu təşkil etmək mümkündür, lakin
təlimdə müstəqil işlər müəllimin komplekt tərkibli siniflərlə bilavasitə işi ilə
uzlaşmalı, biri digərinin zəruri ünsürünə çevrilməli, biri digərini tamamlamalıdır.
Bununla yanaşı, azkomplektli məktəblərdə şagirdlərin müstəqil işlərinə müəllim
nəzarəti zəif olur, işin icrasına az nüfuz edilir, onun yoxlanmasına diqqət azalır. Bu
hal, şagirdləri müstəqil işlərin icrasına daha yaxşı hazırlamağı, onlarda
müşahidəçilik
qabiliyyəti
yaratmağı,
şagirdlərin
özünənəzarətini
və
özünüyoxlamasını gücləndirməyi tələb edir”.
İ.Hacıyev “Xalq maarifinin iqtisadiyyatı, planlaşdırılması, təşkili və idarə
edilməsi məsələləri” kitabında kənd məktəbləri şəbəkəsinin səmərələşdirilməsi
yollarından bəhs edərkən təşkilati-pedaqoji məsələləri, demoqrafik, ictimai, təbii-
coğrafi faktorları şərh edir və bir sıra təkliflər irəli sürsə də, lakin araşdırmalar
göstərir ki, respublikamızda azkomplektli məktəblərin problemləri xüsusi tədqiqat
obyekti olmamışdır.
Q.Suvorova “Azkomplektli məktəblərdə ekran və səs vasitələri”
adlı
məqaləsində azkomplektli məktəblərin iş şəraitinin dərsdə diafilmlərin və
qrammofon yazılarının zəngin fondundan tez-tez, həm də yüksək səviyyədə
istifadə edilməsinə imkan verməməsindən bəhs edir. Bir sinif üçün diafilm
nümayiş etdirilməsi, o biri sinfin işində mütləq fasilə yaranmasına səbəb
olur. Bəzən siniflərdən birisini qonşu otağa keçirir, bəzən də bu işi dərsdən
sonra görməyə çalışırlar. Ekran və səs vasitələrindən istifadə edilməsi bu işi
mahiyyət etibarilə tədris prosesi çərçivəsindən kənara çıxarır, onların köməyi
Dostları ilə paylaş: |