63
məcmu kapitalı isə 66% artaraq 294 mln. manata çatmışdır. Bu isə Azərbaycan
Respublikasının Mərkəzi Bankının kommersiya bankları qarşısında məcmu kapitalla
bağlı qoyduğu minimal tələbdən (50 mln. manat) təxminən 5 dəfə çox olmaqla,
bankın yüksək səviyyədə kapitallaşdığını, öz müştəriləri qarşısında öhdəlilərini
istənilən şəraitdə tam yerinə yetirə biləcəyini göstərir. Bununla bağlı, “Fitch”
Beynəlxalq Reytinq Agentliyi 2014-cü ildə Bankda baş verən davamlı inkişaf
prosesləri və güclü kapitallaşma ilə əlaqədar Kapital Bankın dayanıqlıq reytinqi “b”
səviyyəsinə qədər yüksəltmişdir.
Kapital Bank 2014-cü ildə ölkənin gəlirli banklarının siyahısında ən üst
pillələrdə qərarlaşmışdır. Hesabat ilində bankın faiz gəlirləri 2 dəfə artaraq 128 mln.
manat, qeyri-faiz gəlirləri isə 65 mln. manat təşkil etmişdir. Nəticədə Kapital Bank
2014-cü ildə özünün tarixi rekorduna imza ataraq 68 mln. manat mənfəət əldə
etmişdir. Onu da qeyd edək ki, bu göstərici 2013-cü ilin müvafiq göstəricisindən 2
dəfə çoxdur.
2014-cü ildə Bank əsasən parəkəndə bank xidmətlərinin inkişafı istiqamətində
fokuslansa da, iqtisadiyyatın real sektorunun maliyyələşdirilməsinə də böyuk önəm
vermişdir. Bank ötən il ərzində ölkədə sahibkarlığın inkişafına 355 mln. manat vəsait
ayırmışdır. Eyni zamanda 2014-cü ilin sonuna Kapital Bankın Sahibkarlığa Kömək
Milli Fondunun vəsaitləri hesabına real sektora ayırdığı kreditlərin ümumi portfeli 47
mln. manat təşkil etmişdir. Verilmiş kommersiya kreditləri iqtisadiyyatın müxtəlif
sektorları, o cümlədən tikinti, istehsal, ticarət, xidmət və s. fəaliyyət göstərən kiçik və
iri biznes təmsilçilərinin inkişafına yönəldilmişdir.
Pərakəndə bankçılıq sektoruna gəlincə isə, Bank il ərzində məhsul və
xidmətlərin kəmiyyət və keyfiyyətinin artırılmasında ciddi irəliləyişə nail olmuşdur.
Xüsusilə Bankın kredit və əmanət məhsullarının çeşidi artırılmış, müştərilərin istək
və sorğularına cavab verən mütəmadi kampaniyalar həyata keçirilmişdir. 2014-cü ilin
noyabr ayında isə Bank özünün yeni məhsulu olan Kapital kart taksit kartını
müştərilərinə təqdim etmişdir. İstifadə olunan kredit limitinin əlavə faiz
hesablanmadan hissə-hissə ödənilməsi prinsipinə əsaslanan bu məhsul qısa müddətdə
64
populyarlıq qazanaraq hazırda bu seqmentdə ən dinamik inkişaf edən brendlərdən
birinə çevrilmişdir.
İstənilən biznesdə strateji hədəflərə çatmaq üçün əsas sayılan amillərdən biri
kimi daxili nəzarət sisteminin beynəlxalq aləmdə qəbul olunmuş standartlara uyğun
yaradılması və bu sahədə uğur qazanmış aparıcı dövlətlərin təcrübəsindən istifadə
olunması vacibdir. Qeyd etmək lazımdır ki, Azərbaycan sığorta bazarında da ildən-ilə
artan rəqabət muhiti şirkətlər tərəfindən təqdim olunan məhsulların çeşidinin və
xidmət keyfiyyətinin artırılması ilə yanaşı, şirkətlərin daxilində güclü korporativ
strukturun və daxili nəzarət sisteminin formalaşmasını da tələb edir. Xüsusilə qeyd
etmək lazımdır ki, “Risklərin qiymətləndirilməsi və idarə olunması prosesi” daxili
nəzarət sisteminin əsas 5 tərkib hissəsindən biri hesab olunur ki, bunlara da nəzarət
mühiti və şirkətin korporativ mədəniyyəti, risklərin qiymətləndirilməsi və idarə
olunması prosesi, informasiya və kommunikasiya sistemləri, nəzarət proseduraları və
monitorinq sistemi daxildir. Daxili Nəzarət sistemi şirkətdə davamlı şəkildə aparılan
bir prosesdir ki, bu da özündə həm nəzarət obyektlərini, həm də nəzarət subyektlərini
birləşdirir. Beynəlxalq təcrübə göstərir ki, daxili nəzarət sisteminin effektiv fəaliyyəti
üçün onun əsas iştirakçılarının, o cümlədən menecmentin, funksional nəzarətin, daxili
auditin və risklərin idarə olunması bölməsinin parallel olaraq öz funksiya və
səlahiyyətləri
çərçivəsində
fəaliyyət
göstərməsi
vacib
hesab
olunur.
Onu da qeyd etmək lazımdır ki, şirkətlərdə hətta daxili nəzarət sisteminin əsas
iştirakçılarından hesab olunan daxili audit bölməsinin fəaliyyətinin son illərdə daha
çox risk yönümlü audit istiqamətində aparılması beynəlxalq maliyyə institutları
tərəfindən tələb kimi qoyulub. Eyni zamanda, korporativ idarəetmədə daha bir
prinsipə əməl olunması da vacib hesab olunur ki, bu da ilkin olaraq risklərin idarə
olunması bölməsi tərəfindən müxtəlif xarakterli risklərin müəyyən olunması və
onların tənzimlənməsi üzrə nəzarət mexanizmlərinin yaradılmasına təkan verməsi,
sonrakı mərhələdə isə daxili nəzarət sisteminin digər əsas iştirakçısı sayılan daxili
audit
tərəfindən
yaradılmış
nəzarət
mexanizmlərinin
adekvatlığının
qiymətləndirilməsidir.
65
Ümumiyyətlə, dünya iqtisadiyyatının qloballaşması fonunda “Risklərin İdarə
Olunması” bölməsi korporativ idarəetmənin tərkib hissəsi kimi nəinki təkcə maliyyə
sektorunda, hətta iqtisadiyyatın digər sektorlarında da yaranmaqda davam edir.
Hazırda dünyada baş verən bütün iqtisadi proseslər onu göstərir ki, böyük biznes
qurumları rəqabətli biznes mühitində davamlı fəaliyyət göstərmək, biznesi inkişaf
etdirmək və ya şirkətin maliyyə stabilliyini qoruyub saxlamaq üçün müxtəlif sayda
kompleks tədbirlər proqramı işləyib hazırlayırlar. O cümlədən, biznes qurumları
tərəfindən bütün daxili və xarici amillərin təsirindən doğan risklərin vaxtında aşkar
edilməsi və həmin risklərin rasional idarə olunması məqsədilə daxili nəzarət
mexanizmlərinin yaradılmasına hər il milyonlarla vəsait sərf olunur.
Şirkətlərdə mövcud güclü daxili nəzarət sisteminin vacibliyi ilə bağlı bir
araşdırma faktını qeyd etmək yerinə düşər. Belə ki, tədqiqatçı şirkətlərin biri
tərəfindən aparılan araşdırmada 17 ölkədə 20 müxtəlif sahələrdə fəaliyyət göstərən
140 böyük həcmli şirkətlər sorğuya cəlb olunub və respondentlər əsasən şirkətin
daxili nəzarət sisteminin əsas iştirakçılarından ibarət olub (daxili audit rəhbərləri,
risklərin idarə olunması bölməsinin rəhbərləri, maliyyə nəzarətçiləri və s.).Nəticəyə
uyğun olaraq, respondentlərin 75%-i daxili nəzarət sisteminin gücləndirilməsi üçün
investisiyaların artırılmasınınplanlaşdırıldığını qeyd ediblər.
Bir sıra aparıcı ölkələr tərəfindən 1990-2005-ci illər ərzində daxili nəzarət
sisteminin rolunu gücləndirən və səlahiyyətlərini genişləndirən müxtəlif normativ
sənədlər qəbul edilib. Buna misal olaraq, ABŞ-da “Sarbanes-Oxley Akt” (2002),
Böyük Britaniyada “Cadbury Report” (1991), “Greenbury Code” (1995), “Combined
Code” (1998-2003), “Turnbull Report” (1999) kimi sənədlər qəbul edilib. Bu
sənədlər bu gün də öz aktuallığını saxlayır və beynəlxalq aləmdə nümunəvi sənədlər
kimi tanınmaqdadır.
Hazırda Azərbaycanın maliyyə bazarının ildən-ilə inkişaf etdiyini, qlobal dünya
iqtisadiyyatına uğurlu inteqrasiyasını nəzərə alsaq, qeyd edə bilər olar ki, Azərbaycan
bank sistemi digər iqtisadi institutlardan fərqli olaraq göstərilən sahədə, o cümlədən
Dostları ilə paylaş: |