52
• Ölkə daxilində kifayət qədər istehsal olunan xammal və materiallar,
metallar, onların yarımfabrikatları, telekommunikasiya avadanlığı nisbətən aşağı
rüsumlarla idxal olunmalıdır.
• Tikinti materiallarına, ticarət avadanlığına, teleradio, kino, foto aparatlara,
minik
avtomobillərinə,
istehlak
sənaye
mallarına,
elektrik
məişət
avadanlıqlarına,musiqi alətlərinə daha yüksək rüsum normaları tətbiq olunmalıdır.
• Ən yüksək rüsum normaları zinət əşyalarına, tütün və tütün məmulatlarına,
spirtli içkilərə, parfumeriyaya, xəz-dəri məmulatlarına, xalçalara tətbiq olunmalıdır.
Onu da qeyd etmək lazımdır ki, yuxarıda deyilənlər heç də ehkam deyil və
sadəcə olaraq beynəlxalq təcrübədə gömrük rüsum normaları müəyyən edilərkən
daha çox istifadə olunan meyarlardır.Təcrübədə hər bir ölkə gömrük tarif tənzimləmə
tədbirlərini işləyərkən öz xarici iqtisadi siyasətinin prioritetlərini nəzərə alaraq
ölkənin iqtisadi maraqları mövqeyindən çıxış etməli, gömrük tarif tənzimləməsinin
nəzəri aspektləri və beynəlxalq təcrübədən istifadə etməklə ölkə üçün optimal
normaları müəyyənləşdirməlidir.
qtisadiyyat daim inkişaf etməkdə olan vahid orqanizm olduğundan, onun
tənzimlənməsi də kompleks xarakter daşımalıdır. nkişaf prosesinin nəticələrindən
asılı olaraq milli iqtisadiyyatın dünya təsərrüfatında yeri labüd olaraq dəyişir.
Gömrük-tarif tənzimlənməsinin əsasını gömrük tarifi təşkil edir. Gömrük tarifi hər
hansı ölkənin dünya bazarı ilə qarşılıqlı əlaqələrində onun daxili əmtəə bazarının
dövlət tənzimlənməsinin və xarici ticarət-iqtisadi siyasətinin əsas vasitəsidir. Dünya
təcrübəsində tənzimlənməyən bazar münasibətləri mövcud deyil. Dövlət həmişə bu
və ya digər dərəcədə bu prosesi tənzimləyir. Belə tənzimlənmənin intensivliyi
konkret milli şərtlər daxilində müxtəlif olur. Milli iqtisadiyyatın xarici rəqabətdən
müdafiəsi məqsədi ilə həyata keçirilən ən mühüm tənzimlənmə formalarından biri də
gömrük-tarif tənzimlənməsidir.
Gömrük tarifinin bir-birini tamamlayan bir neçə müəyyənliyi mövcuddur:
- əmtəələrə tətbiq edilən, gömrük sərhədindən keçirilən, xarici iqtisadi
fəaliyyətin əmtəə nomenklaturasına uyğun olaraq sistemləşdirilən gömrük rüsumları
dərəcələri toplusu;
53
- ölkənin gömrük sərhədindən müəyyən əmtəənin aparılması və ya gətirilməsi
zamanı ödənişə məruz qalan gömrük rüsumunun konkret dərəcəsi.
Gömrük-tarif
tənzimlənməsi
mexanizminin
yaradılması
Azərbaycan
iqtisadiyyatının keçid halında olması və milli bazarın formalaşdırılması zərurətindən
irəli gəlir. Yeni iqtisadi münasibətlərə keçirilməsi, gömrük tarif siyasətində islahatlar
bu vasitədən milli iqtisadiyyatın və isehsalçıların mənafeləri naminə istifadə etməyə
şə
rait yaradır.
Fəaliyyət sahəsi Azərbaycan Respublikasının vahid gömrük ərazisi olan
gömrük tarifinin tətbiq edilməsi aşağıdakı əsas məqsədləri güdür:
1. dxalın əmtəə strukturunun səmərəliləşdirilməsi;
2. Əmtəələrin ixrac və idxalının, valyuta gəlirlərinin və xərclənmələrinin
optimal vəziyyətinin saxlanılması;
3. stehsal strukturunda və əmtəə istehlakında mütərəqqi dəyişikliklər üçün
şə
rait yaradılma;
4. Milli iqtisadiyyatı xarici rəqabətin mənfi təsirindən qorumaq;
5. Azərbaycan iqtisadiyyatının dünya təsərrüfat əlaqələri sisteminə
səmərəli inteqrasiyası üçün lazımi şəraitin təmin edilməsi.
Gömrük-tarif tənzimlənməsi öz hüquqi mahiyyətini gömrük-tarif qanunverici-
liyində tapır. Gömrük-tarif qanunvericiliyinə iki müstəqil blok daxildir:
Birinci blok: ölkənin dövlət sərhədindən keçirilən əmtəələrə və nəqliyyat
vasitələrinə gömrük vergisi qoyulmasını tənzimləyən, gömrük vergisi metodologiya-
sını və bununla bağlı xarici iqtisadi əlaqə subyektlərinin hərəkətlərini müəyyən edən
qanun («Gömrük tarifi haqqında» qanun);
kinci blok: gömrük xidmətlərin fəaliyyətini, onların hüquq və vəzifələrini,
gömrük nəzarəti qaydasını və bu xarakterdə olan digər məsələləri, məsələn, gömrük
nəzarəti sahəsində qanunverici və icraedici funksiyaların bölgüsünü tənzimləyən
qanun («Gömrük Məcəlləsi»). ki müstəqil, lakin bir-birilə əlaqəli qanunvericilik
aktlarının mövcudluğu bir sıra şərtlərlə diktə olunur. Hər şeydən əvvəl, bu qanunların
müxtəlif təsir sahələridir: birinci qanunun tənzimlədiyi obyekt gömrük tarifi, onun
«arxitekturası», rüsumların təyin edilmə və tutulma metodları, gömrük güzəştlərinin
54
verilməsidir; ikinci qanun, başlıca olaraq, milli gömrük nəzarəti xidmətinin fəaliyyəti
ilə bağlı məsələləri tənzim edir. Gömrük məcəlləsinin tənzim etdiyi məsələlər ölkənin
mili qanunlarının təsir sahəsinə aiddir. Bu məsələlər, bir qaya olaraq, beynəlxalq
danışıqların predmeti olmur. Bununla yanaşı, müxtəlif ölkələrin gömrük xidmətləri
işinin milli qaydalarının unifikasiya olunması və onların gömrük prosedurlarını
sadələşdirən çoxtərəfli dövlətlərarası və digər sazişlərə əsaslanması imkanı istisna
olunmur. Gömrük tarifi (gömrük məcəlləsindən fərqli olaraq), onun tətbiqi qaydaları,
rüsum dərəcələri səviyyəsi, tarif pozisiyalarının strukturu, siyahısı çox tez-tez
beynəlxalq danışıqların obyektinə çevrilir. Bu sahə çoxtərəfli dövlətlərarası sazişlərlə
tənzimlənir
1
.
Deyilənlərə onu da əlavə etmək olar ki, gömrük məcəlləsi sabit hüquqi vasitə
olmalı, gömrük tarifi isə daxili və xarici iqtisadi vəziyyətdə baş verən dyəişikliklərə
operativ reaksiya verməlidir. Gömrük tarifində konkret rüsum normaları olur ki, bu
da idxal olunan malların qiymətinə, ölkədə daxili qiymət səviyyələrinə birbaşa təsir
edir. Ona görə də qanunverici hakimiyyət tərəfindən müəyyən edilən rüsum
normaları, onların təyin olunma və hesablanma metodikası mümkün qədər aydın,
sabit və səlis olmalıdır.
Qanunverici hakimiyyət inkişaf etmiş dövlətlərdə gömrük sistemlərinin
formalaşmasına və inkişafına həmişə həlledici təsir göstərmişdir. Lakin son on
illiklərdə tariflərin tətbiqində çox funksiyaların, qismən dəyişdirilməsi, rüsum
dərəcələri ilə manevretməni icra orqanlarının əlində cəmləşdirilməsi meyli müşahidə
olunur. Tarifin «aparıcı konstruksiyası» - onun əmtəə siyahısı (nomenklatura), idxal
malların gömrük dəyərini təyinetmə və rüsumların tutulma metodları, rüsumları
tətbiq etmə, dəyişmə və ya ləğv etmə mexanizmi, malın mənşə ölkəsinin təyini
qaydaları, icra hakimiyyəti orqanlarının səlahiyyət çərçivəsidir. Başqa sözlə desək
idxal gömrük tarifinin aktiv hissəsi - gömrük rüsumları norması, xarici malı ölkəyə
idxal etmək hüququna görə vergilərdir. dxal gömrük tarifi adətən aşağıdakı əsas
funksiyaları yerinə yetirir:
1
Nuriyev C. Beynəlxalq iqtisadi əlaqələrin hüquqi tənzimlənməsi, Bakı, 2000
Dostları ilə paylaş: |