45
lar səsləndirirdi. Artıq qəzəbli kütlənin ehtiraslarını
heç nəylə soyutmaq mümkün deyildi.
Bir müddət belə davam etdi. Qarşıdurma yaran-
masa da, etirazçılar çılğın şəkildə şüarlar səsləndirir,
rus əsgərlərini şəhərə hücumdan çəkinməyə çağırır-
dılar.
İnsanlar ürəklərini beləcə boşaltdıqdan sonra
doğrudan da heç nə baş vermədiyi üçün yavaş-yavaş
dağılışmağa başladılar. Azərgil də oradan uzaqlaş-
dılar. Uzaqlaşdılar ki, axşam kazarmaların ətrafında
yenidən növbə çəkmək üçün hazırlaşsınlar.
***
Yanvarın 17-si günü Xaçmazda kütləvi mitinq ke-
çirilirdi. Bakı şəhərindəki hərəkətlilik buraya da ciddi
sirayət edirdi. Xaçmaz, Respublikanın quzey qapısı
olduğu üçün daha çox diqqət çəkirdi və təbii olaraq
ən böyük təhlükə də buradan gözlənirdi. İndi heç kim
şübhə etmirdi ki, ruslar məhz bu bölgədən keçərək
Bakıya əlavə qüvvə və texnika göndərəcəklər. Ona
görə də xalq səfərbər edilmişdi. Milli ruhun ayaqda
tutulması, birlik üçün çalışmalar gerçəkləşdirilirdi.
Xaçmazdakı mitinqin önündə cəbhəçilər idi.
Müqəddəs Mehdiyev, Atabala Osmanov adlı bu
46
fəallar, demək olar, bütün proseslərə başçılıq edirdi.
Onlar diqqəti daha da quzeyə - Xudata yönəltməyin
tərəfdarı idi. Çünki rus əsgərlərinin gələcəyi dəmir-
yo lunun Yalamadan sonrakı əsas stansiyası bu şə-
hərdə idi.
Mitinqdə Xudatdan da xeyli fəal iştirak edirdi.
Təşkil edilmiş şəkildə dörd avtobus adam, bundan
başqa özü gələnlər də vardı burada.
...Coşqu və həyəcan dolu mitinqin sonunda qə-
rara alındı ki, Xudat dəmiryolunda növbə təşkil edil-
sin. Adamlar səfərbər ediləcək, qatar gələrsə, onun
qarşısı kəsiləcəkdi. Bəs necə? Bunu sonradan qərar-
laşdıracaqdılar.
İlkin məsləhətləşmələrdən sonra növbə üçün
dörd nəfər fəala tapşırıqlar verildi.
...Fəal cəbhəçilərdən Ramazan Əliyev və daha üç
nəfər 17 yanvar günü günortadan sonra Xudatda
növbəyə başladı.
Ramazanla birlikdə İlham Şahbazov, Vidadi Ba-
bayi və ləzgi balası Ağbil həmin gün ərzində və ya
sonrakı günlərdə gəlməsi ehtimal edilən rus hərbi
qatarının qarşısının kəsilməsini təşkil etməli idi.
Qatarın qarşısının kəsiləcəyi haqqında xəbər Xu-
datda bir anda quş olub uçmuş, hər kəsə çatdırılmış-
47
dı. Əsl həyəcanlı anlar başlamışdı indi. Sakinlərin
kimisi maraqdan, kimisi də “şorbada mənim də du-
zum olsun” düşüncəsilə stansiyaya toplaşmağa baş-
lamışdı. Vaxt keçdikcə gələnlərin sayı artır, qələbəlik
yaranırdı. Bu isə yeni insanların daha kütləvi şəkildə
toplaşmasına səbəb olurdu.
Qatarsa hələ gözə dəymirdi. Lakin xəbəri gəlib
çatmışdı. Bilgi sızdırılmışdı ki, hərbi texnika və canlı
qüvvəylə yüklü qatar artıq Dərbənd ərazisini keçərək
Azərbaycana doğru yönəlib.
Axşama yavuq qatarın haradasa lap yaxınlıqda
olduğu deyilirdi. Bu xəbər şayiə şəklində sızdırılırdı.
Hər halda, sonrakı hadisələr nə qədər doğru oldu-
ğunu göstərəcəkdi. Hələliksə xəbəri eşidən-duyan
yeni insanlar da Xudat dəmiryol stansiyasına topla-
şırdı. Onların sayı durmadan artır, yerli hakimiyyət
nümayəndələri isə nə edəcəklərini bilmirdi. Tapşırı-
ğa və plana uyğun olaraq, buradakı proseslərə Ra-
mazan və dostları nəzarət edirdi.
Bir neçə saat sonra həyəcan daha da artdı. Bu
dəfə artıq iddia edilirdi ki, qatar Xudat stansiyasına
yaxınlaşır. Əsl məsuliyyət anı indi başlayırdı. Etiraz-
çılar və onlara başçılıq edənlər ya bu qatarı durdurub
tarixə dəyanətli insanlar kimi düşəcək, ya da Bakını
48
işğal etmək üçün gedən qatarın qarşısından çəkilib
bir ömürlük qınaq yiyəsi olacaqdılar. Qərar vermək
və hərəkət etmək lazım idi. Özü də çox çevik. Bir
saniyə belə itirmək olmazdı. Kimsə önə çıxmalı idi.
Məsuliyyətin önündə getməli olan şəxs də bəlli idi
zatən.
Durumun belə olduğunu görən Ramazan və si-
lahdaşları tez stansiya növbətçisinin otağına yön
aldı. Sanki yoldan keçən bir taksini dayandıracaq
kimi qatarın dayandırılmasını tələb edəcəkdilər.
- Hacı dayı, qatar gəlir, tez onu saxla!
Stansiyanın növbə rəisi Hacı dayı təlaş və təəccüb
içində dilləndi:
- Ay bala, mənim ixtiyarım yoxdur axı. Necə sax-
layım? Olmaz. Buna görə adamı bilirsiniz, nə edər-
lər?
- Əşi, nə edirlər, etsinlər! Tez onu saxlamaq la-
zımdır! Rus əsgərləridir, tanklardır! Bakıya gedirlər
e! Camaatı qıracaqlar axı orada!
- Yox, a bala, yox. Olmaz, mən saxlaya bilmərəm.
- Bilməzsən, çəkil geri görüm! Özümüz şaxlarıq!
Haradadır bunun düyməsi?
Bir göz qırpımında Ramazan stansiyanın idarəet-
mə pultuna yaxınlaşıb əlinə keçən düymələri bas-
49
mağa başladı. Digərləri də ona qoşuldu. Nə onun,
nə də dostlarının dəmiryolundan, bu pultdan anla-
yışı olmadığı üçün “nə olar, olar” deyib son imkan
kimi pultun üstünə düşmüşdülər. Hacı dayını isə
dəhşət götürmüşdü. Gözləri hədəqəsindən çıxmış,
həyəcan içində quruyub qalmışdı. Ayaqları sanki
yerə pərçimlənmişdi. Gücü yalnız səsinə çatırdı. O,
bu dörd gəncə bir şey edə bilməsə də, yerində daya-
nıb çığırırdı:
- Ay bala, indi qəza törədəcəksiniz! Etməyin
bunu!
- Qoy, nə olur, olsun! Əsas odur, qatar buradan
keçə bilməsin! Biz buna izn verə bilmərik e, ay Hacı
dayı! İzn verə bilmərik!
- Vallah, qurd ürəyi yemisiniz! Bu axı cinayətdir,
ay bala, cinayət!
- Cinayət? Nə cinayət? Bəs rusların üstümüzə
əsgər, top-tüfəng göndərməsi cinayət deyil?! Olmaz!
Bu qatar bu stansiyadan keçməyəcək! Keçəcəksə,
yalnız bizim meyitimizin üstündən keçəcək!
Ramazanın bu qətiyyətli mövqeyi qarşısında Hacı
dayının edə biləcəyi bir şey qalmamışdı artıq. Gücü
yalnız ona çatırdı ki, bu dəliqanlı gəncləri sakitcə
seyr etsin. Hətta onlara tabe olsun...
Dostları ilə paylaş: |