34
Zakir müəllimlə də məsləhətləşdilər. Ondan xahiş
etdilər ki, dəstəyə komandir təyin etsin.
Zakir müəllim seçimini Rabilin üzərində saxla-
dı. Rabil hündür boylu, sağlam bədənli bir gəncdi.
Üstəlik, hərbi dəniz donanmasında üç il xidmət
keçmişdi, təcrübəli idi. Əsl komandirlik görkəmi də
vardı. Ona görə də Zakir müəllimin bu seçimi heç
kimdə etiraz və müzakirə doğurmadı. Artıq Rabil bu
kiçik dəstənin komandiri idi.
Bu gündən sonra qrup bir hərbi komanda kimi
fəaliyyət göstərməyə başladı. Komandirlə məslə-
hət ləş mələr aparılır, təyinatlar və tapşırıqlar müza-
kirəsiz yerinə yetirilirdi. Hər nə qədər olsa da artıq
“hərbiləşdirilmiş qrup”a dönmüşdülər.
Bu könüllü dəstədən qıraqda qalanlar da oldu.
Amma çox az sayda. Biri bəhanə gətirdi ki, bibim
icazə vermir. Digəri isə iddia etdi ki, ermənilərdən
qisasını alıb, ona görə də heç bir könüllü dəstəyə qo-
şulmaq istəmir. Onlar qınandılar, lakin heç kəs bənd
olmadı.
...Bütün bunlar baş verərkən artıq 1989-cu ilin
dekabr ayı idi. Ölkə əməlli-başlı qaynayırdı. Xalq
Cəbhəsi Bakının hüdudlarını çoxdan aşmış, rayon
mərkəzlərində, hətta kəndlərdə belə təşkilatlanmağa
35
başlamışdı. Bu isə xalqda həm də bir təşviş yaratmış-
dı ki, görəsən nə baş verəcək?
Ən böyük qorxu Xaçmaz tərəfdən gözlənilirdi.
Xalq arasında söz gəzirdi ki, rus tankları o tərəfdən
Azərbaycana daxil olacaq. Deyirdilər, ruslar Dağıs-
tanda böyük səfərbərlik işi aparır. Quzey Qafqazın
xalqlarından ibarət əlavə qüvvələr formalaşdırırlar-
mış. O da deyilirdi ki, Rusiyanın Krasnodar, Stav-
ropol, Rostov kimi bölgələrində yaşayan erməni
gənclərini əsgər çağırıblar ki, sonradan Azərbaycana
göndərib xalqa divan tutsunlar. Bunu da məqsədli
şəkildə edirdilər. Çünki bilirdilər ki, tarixən türklərə
düşmən olan ermənilər Azərbaycan xalqına qarşı
istənilən qəddarlığı həyata keçirməyə həvəsli olacaq.
Xaçmazda da Xalq Cəbhəsi getdikcə möhkəmlənir,
bu cür ehtimallara qarşı səfərbər olunurdu. Atabala
Osmanov, Müqəddəs Mehdiyev, Ramazan Əliyev
kimi yerli fəalların adları tez-tez çəkilməyə başla-
mışdı. Onlar bir tərəfdən insanları təşkilatlandırır,
digər tərəfdən də dəmiryoluyla daxil olacağı deyilən
rus qoşunlarına qarşı mümkün tədbirləri götür-qoy
edirdilər.
Bakı isə artıq inqilab şəhəri təsiri bağışlayırdı. Hər
kəs yüksək ovqatda, döyüş əzmində idi. Ortalığa bir
36
balaca hay düşsəydi insanlar küçələrə axışar, dünya-
nın ən qüdrətli ordusunun - Sovet Ordusunun önünə
yalın əllərini, çılpaq sinələrini sipər edərdilər. Lakin
hərəkatın məqsədi bu deyildi. Məqsəd milli ruhu
oyatmaq, yavaş-yavaş xalqı müstəqilliyə hazırlamaq
idi. Millətin önündə gedənlər nə qədər təhlükəli bir
oyunun içində olduqlarının fərqində idilər. Ona görə
də arzuolunmaz olaylara səbəb olmaq istəmirdilər.
Moskva isə dinc durmurdu. Azərbaycanın Ermə-
nis tanla sərhəd rayonlarında, eləcə də Dağlıq Qa-
rabağ ərazisində Azərbaycanlı əhalinin silahla-
rı əlindən alınırdı. Tez-tez elanlar verilir, silahını
təhvil verməyənlərin cəzalandırılacağı bəyan edilir-
di. Erməni əhalinin silahları isə toplanmırdı. Sanki
kimlərsə bilərəkdən Azərbaycanlıları tərksilah edir,
erməniləri silahlandırırdı. Üstəlik, Azərbaycanın ay-
rılmaz tərkib hissəsi olan Dağlıq Qarabağ ərazisində
Sovet qoşunları da ermənilər üçün əlavə müdafiə
təşkil edirdi. Belə bir şəraitdə Ermənistandakı sonun-
cu türkün belə qovulması üçün iğtişaşlar törədilir,
müxtəlif bəhanələrlə xalq arasında təşviş yaradılırdı.
Ermənistandan Azərbaycana, özəlliklə də Bakıya
gələn qaçqınların ardı-arası kəsilmirdi. Hər gələn
də başına gətirilənləri danışdıqca, insanların qəzəbi
37
aşıb-daşırdı. Dinc insanların min illərdir yaşadıqla-
rı doğma yurdlarından təhqir edilərək, döyülərək,
söyülərək qovulması Azərbaycanda Ermənistana
və ermənilərə qarşı nifrəti getdikcə körükləndirirdi.
Bakının hər tərəfində yerli ermənilərə qarşı eyni
münasibətə çağırışlar səslənir, bəzi təxribatçı qrup-
larsa sadəlövh insanları buna sövq etməyi bacarırdı.
Artıq yer-yerdən ermənilərin döyülməsi, evlərindən
çıxarılması xəbərləri gəlməyə başlamışdı. Deməli,
sadəlövh xalqın illər sonra dərk edəcəyi təxribat tam
gücüylə baş tutmaqdaydı. Azərbaycan çox dəhşətli
bir qarışıqlığa sürüklənirdi. Qarşıda necə böyük bir
faciənin olacağını kimsə fərq etmirdi.
Moskva bütün bunları seyr edir, nəzarətindəki
mətbuat və TV kanalları vasitəsilə bütün dünyada
Azərbaycan əleyhinə təbliğat aparırdı. İddia edilirdi
ki, Azərbaycan xalqı ermənilərə qarşı vəhşilik edir,
onları evlərindən çıxarır, öldürür, asır, kəsir. Halbu-
ki bütün bunlar Ermənistanda Azərbaycanlılara qar-
şı edilirdi...
Azərgilin artıq döyüşə hazırlaşmaqda olan dəs-
təsi isə ilkin tapşırıqları yerinə yetirmək üçün
səbirsizlənirdi. Onlar getdikcə həvəslənir, başqa - hər
şeyə barmaqarası baxan vecsiz tələbələrdən fərqli ol-
38
duqlarını hər addımda göstərmək istəyirdilər. Düz-
dür, texnikumun oğlan tələbələrinin çoxu təşkilat-
lanmışdı. Ancaq elələri də vardı, ətrafda baş verənlər
sanki onlara heç bir təsir etmirdi. Belə bir mühitdə
məsuliyyət, təbii ki, Azərgilin üzərinə düşürdü.
Bütün bu gəlişmələrə texnikumun əksər müəl-
limləri və direktor Arif Ağayev çox təmkinli ya-
naşırdı. Onlar üzdə tələbələrə təpinsələr də, arxa-
da şərait yaradırdılar ki, könüllü dəstələr daha da
möhkəmlənsin. Başqa cür mümkün də deyildi. Çün-
ki direktor və digər məsul şəxslər dövlətdən asılı
olduqlarına görə açıq dəstək verə bilməzdilər. Heç
buna gərək də yox idi. Əsas o idi ki, mane olmurdu-
lar. Bunun özü elə bir dəstək hesab edilə bilərdi.
***
Bir neçə gün idi ki, Kamillə Mehdi gözə dəymirdi.
Heç kəsə heç nə demədən yoxa çıxmışdılar. Heç Azər
də onların harada olduğunu bilmirdi. Tələbə dost-
ları bir-birindən soruşur, hamı deyirdi ki, xəbərim
yoxdur. Bəlkə rayona getmişdilər? - Bunu da bilən yox
idi. Gözləməkdən başqa çıxış yolu da qalmamışdı.
...Yeni ilə sayılı günlər qalırdı. Bir də bəlli oldu ki,
Kamillə Mehdini görüblər. Şəhərdə görən olmuşdu.
Dostları ilə paylaş: |