55
Bakı tapşırıq verdi ki, nəyin bahasına olursa ol-
sun, o qatar hərəkət etməməlidir. “Özünüzü qatarın
altına atın, relsləri sökün, nə bacarırsınız edin ki, qa-
tar yerindən tərpənə bilməsin”, - deyə tapşırıq ver-
mişdi xəttin o başındakı adam.
Elə də olacaqdı. Xudatdakı yerli fəallar qətiyyətlə
dirəniş göstərməyə hazır idilər. Xaçmazdan da əlavə
qüvvə gəlib çıxmışdı. Hər keçən dəqiqə stansiyadakı
insanların sayı artırdı. Bu qələbəliyin qarşısında rus
əsgərləri də getdikcə qorxmağa başlayırdılar. Ancaq
silahlı olduqları üçün hələlik qaçmırdılar.
Arada əsgərlərlə söz atışması da olurdu. Belə atış-
malardan birini Ramazan başlatdı. Daha doğrusu,
o, bir anlıq əsəblərini cilovlaya bilməyib əsgərlərin
üzərinə yürüdü. Bunu görən əsgərlər dərhal avto-
mat silahlarını ona sarı yönəltdilər. Bir az da belə
davam etsəydi, artıq ilk atəş açılacaqdı. Ancaq milis
rəisi Sultan Sultanov bir ağsaqqal müdrikliyilə araya
girib tərəfləri sakitləşdirə bildi. Ramazanı vurmaq
üçün hazırlaşan rus əsgərinə üzünü tutan rəis onu
da, Ramazanı da təmkinli olmağa dəvət etdi. Rəisin
əynində uniformanın olması da işə yaradı. Görünür,
rus əsgəri elə sandı ki, Sultan da onların adamı ola
bilər və bu hal onu sakitləşdirdi.
56
...Artıq gecə saat 12-ni keçmişdi. 17 yanvar arxada
qalmışdı. İndi yanvarın 18-i saat 2 radələri idi. Xaç-
mazla yanaşı Quba, Dəvəçi, Siyəzən və Qusardan
da əlavə dəstək gəlmişdi. İndi təkcə Xudat camaatı
deyil, Bakıyla Rusiya sərhədi arasında yerləşən bü-
tün rayonların camaatı bir olub işğalçıların qarşısı-
nı kəsmişdi. Rus əsgərləri üçün çətin olacaqdı. Bu
qədər insanı tapdalayıb keçə bilməyəcəkdilər onlar.
Ortadakı gərginlik, durumun qeyri-müəyyən ol-
ması şəraitində etirazçılar hərbçilərlə danışıqlara
qərar verdi. Bu gərginlikdən yorulmuş hərbçilər də
sanki belə bir təklif gözləyirmiş kimi, dərhal danışıq-
lara razılıq verdi.
Arxasında xalqın dəstəyini görən fəallar indi rus-
ları danışıqlar yoluyla geri qaytarmaq haqqında dü-
şünürdü. Gərginlik, hansısa qanlı olay nə etirazçıla-
ra, nə də əsgərlərə yaxşı heç nə vəd etmirdi. Ona görə
də qarşılıqlı anlaşmayla tərəflər danışıqlara başladı.
Danışıqlarda artıq Xaçmazdan gəlib çıxmış
Müqəddəs Mehdiyev, Atabala Osmanov, DTK, mi-
lis, şəhər soveti nümayəndələri, Ramazan və bir neçə
nəfər iştirak edirdi. Rus əsgərlərinin komandiri də
ağıllı adama bənzəyirdi. Çünki o, ətrafdakı qələ-
bəliyin, insanların üzündən tökülən nifrətin fərqin-
57
dəydi və buna görə də danışıqlarda həvəslə iştirak
edirdi.
...İlkin razılıq bu oldu ki, etirazçılar qatardan ara-
lansınlar. Komandir bunu onunla əsaslandırdı ki,
kimsə əsgərlərə söz atar, daş atar, onlar da gənc və
təcrübəsizdir, çaşıb silahla cavab verərlər. “Gərəksiz
yerə qan tökülməsin”, dedi komandir. Ağlabatan
idi. Ona görə də bu razılıq mümkün hesab edildi və
dərhal gerçəkləşdirildi. İndi etirazçılar qatarı daha
aralı məsafədən mühasirədə saxlayacaqdılar.
Bu danışıqlar davam etməkdəykən xəbər gəldi
ki, aşağıda, Lenin parkında Xudat ovçuları silah-
larıyla birlikdə toplaşıblar. Düzdür, əllərindəki ov
tüfəngləri idi. Lakin belə bir şəraitdə onların səfərbər
olunmasının özü də hər nəyə desən dəyərdi. Atıb-
tutmağı bacaran bu kəsim avtomatla silahlanmış sü-
tül rus gənclərini bir andaca tərksilah edə bilərdi.
Daha bir xəbər isə dəmiryol relslərinin sökülməsi
üçün səfərbər edilmiş texnika və canlı qüvvəylə bağ-
lı idi. Gələn xəbərdə deyilirdi ki, bir dəstə peşəkar
fəal qatarın qarşısındakı relsləri sökmək üçün hazır
gözləyir. Komanda veriləcəyi təqdirdə onlar bir neçə
dəqiqənin içində ilk relsi yerindən qoparacaqdılar.
Sadəcə komanda verilməsi lazım idi.
58
Hələlik nə silahlı ovçuların, nə də rels sökənlərin
həmləsinə gərək yox idi. Danışıqlar davam edir-
di. Yerli heyət rus komandiri inandırmağa çalışırdı
ki, onlar gəldikləri yolla da geri qayıtmalıdır. Əks
təqdirdə qarşısıalınmaz proseslər baş verə bilər.
Bütün bunlar baş verməkdəykən qələbəlik də
getdikcə artırdı. Ətraf kəndlərdən belə insanlar kö-
nüllü şəkildə səfərbər edilib Xudat stansiyasına top-
laşırdı. İndi ətrafda minlərlə insan vardı. Bapbalaca
Xudat şəhəri yəqin ki, heç vaxt bu qədər insanın bir
araya toplaşmasına səhnə olmamışdı.
...Bir azdan hava işıqlaşacaq, gec xəbər tutanlar da
onlara qoşulacaqdı.
***
Hava qaralmışdı. 17 yanvarı 18 yanvara bağla-
yan gecə Azərgilin “Salyan kazarmaları” ətrafında
ilk növbəsi idi. Onlar bütün gecəni burada keçirə-
cəkdilər. Hələ nəyin necə olacağını tam anlamırdılar.
Çünki heç bir plan, heç bir proqram yox idi. Sadəcə
deyilmişdi ki, səhərə kimi kazarmaların ətrafında
olun. Heç bu tapşırığı kimin verdiyini də düz-əməlli
bilmirdilər. Bütün bunlara baxmayaraq “döyüşə”
tam hazır idilər. Gündüz yaxşıca dincəlmişdilər.
Yemək lərini yeyib, hazır gəlmişdilər.
59
...Növbəyə “Xəzər” kinoteatrı tərəfdən başladılar.
Bura “Salyan kazarmaları”nın düz yanında idi. Haq-
verdiyev küçəsilə üzüaşağı gedəndə yolun solunda
kazarmalar, sağında isə kinoteatr qalırdı. Azər bura-
ları çox yaxşı tanıyırdı. Çünki həm texnikuma yaxın
idi, həm də tez-tez burada hind filmlərinə baxır-
dı. Ətrafdakı bütün küçələri, dalanları ovcunun içi
kimi bilirdi. “Salyan kazarmaları”nın alt tərəfindəki
məhəlləni də yaxşıca öyrənmişdi. Əsas növbə yeri də
buralar olacaqdı.
Nazimlə onun birlikdə növbə çəkməsi darıxdırıcı
olmayacaqdı. Həm də Kamillə Mehdi də onlarla idi.
Buna görə də gecənin tez keçəcəyi şübhəsizdi.
...“Xəzər” kinoteatrı səmtindən irəliləməyə baş-
layıb, kazarmaların alt tərəfindəki küçəyə doğru
hərəkət etdilər. Ətrafda onlar kimi növbə çəkən in-
sanlar çox idi. Gənclər də vardı, yaşlılar da. Arabir
uşaqlar da gözə dəyirdi, bəzən qadınlar da. Ətraf
evlərin sakinləri növbədəkilərə çay, qoğal, şirniyyat-
lar gətirir, onlara dəstək olurdular. Ciddi nizam-in-
tizam vardı; heç kim heç bir artıq hərəkətə yol ver-
mirdi. İnsanlar bir-birilərini tanımasa da, hamı can
deyib, can eşidirdi. Sanki yüzillərin doğmalarıydılar.
Dostları ilə paylaş: |