Andijon davlat universiteti psixologiya kafedrasi umumiy psixologiya

O’quv materiallari:
“Yosh va pedagogik psixologiya” fanidan mashg’ulotlarning mavzular va soatlar bo’yicha taqsimlanishi:

№	Mo’dullar	soati
1	Yosh va pedagogik psixologiya fanining tadqiqot sohasi va muammolari	6
2	Ontogenezning ilk bosqichlarida insonning psixik rivojlanishiga xos xususiyatlar	2
3	Maktabgacha yosh davrida psixik rivojlanish xususiyatlari	4
4	Kichik maktab yoshi davrida psixik rivojlanish xususiyatlar	4
5	O`smirlik davrida psixik rivojlanish xususiyatlari	2
6	Ilk o`spirinlik davrida psixik rivojlanish xususiyatlari	2
7	Oila psixologiyasi	4
8	Yoshlik, yetuklik va keksalik davrining psixologik xususiyatlari	4
9	Ta`lim va tarbiyaning psixologik asoslari	2
10	O‘qituvchi psixologiyasi.	2
	Jami	32

MA’RUZA MATN.

1-Mavzu: YOSH DAVRLARI PSIXOLOGIYASI FANINING PREDMETI VA VAZIFALARI.
Reja:
1. Yosh davrlari psixologiyasi fanining predmeti va vazifalari
2. Yosh va pedagogik psixologiya faniga oid ilmiy bilimlarning vujudga kelish tarixi,fanning asosiy sohalari, yosh va pedagogik psixologiya fanining boshqa fanlar bilan aloqasi
3. Yosh va pedagogik psixologiyaning o„qituvchi faoliyatida tutgan o‟rni, yosh
va pedagogik psixologiya fanining tadqiqot metodlari haqida tushuncha va ilmiy
tasavvurlar hosil qilish.
Tayanch so’z iboralar:Yosh davrlar psixologiyasi va pedagogic psixologiya, ontogenez,filogenez,inson psixikasi, yosh va pedagogik psixologiya fanining tadqiqot metodlari
1. Yosh davrlari psixologiyasi fanining predmeti va vazifalari
Mamlakatimizdagi mavjud barcha o’quv yurtlari Ta’lim-Ta’limni to’g’ri, ilmiy asosda tashkil etish uchun bu jarayonning o’ziga xos psixologik qonuniyatlarini, uning mexanizmlarini, shuningdek, faol, mustaqil hamda ijodiy tafakkur jarayonini zamonaviy bilimlar asosida tarkib toptirishning samarali usullarini bilishi lozim bo’ladi. Bu borada, yosh davrlari psixologiyasi va pedagogik psixologiya - hozirgi zamon psixologiya fanining rivojlangan sohalaridan bo’lib, bu o’rinda muhim o’rin egallaydi, zero u inson ruhiy olamining tabiati va uning qonuniyatlarini o’rganuvchi sohadir.
Yosh davrlari psixologiyasi va pedagogik psixologiya fanlari mushtarak, bir-biriga uzviy bog’liqdir, chunki ularning har ikkisi, bitta, umumiy jarayonni - ulg’ayib borayotgan insonning psixik faoliyati hamda uning xulq-atvorini tadqiq etadi. Biroq, shunday bo’lsa-da, bu ikki fan psixologiya ilmining mustaqil sohalari hisoblanib, ularning har biri o’z predmeti va tadqiqot vazifalariga egadir.
Yosh davrlari psixologiyasi ontogenezdagi turli yosh davrlari psixik taraqqiyotining umumiy qonuniyatlarini, psixik rivojlanishini hamda psixologik xususiyatlarini o’rganadi,