41
İbranilərə Məktubun başqa bir yerində “təsdiq etdiyimiz ümidi
möhkəm qoruyub saxlayaq, axı vəd verən Allah sadiqdir”
[118]
deyə yazılmışdır. Burada biz yenə təsdiq etdiyimizi (amma bu dəfə
imanı deyil ümidi) möhkəm qoruyub saxlamaq barədə oxuyuruq.
Demək, bu ümidimizi, bu imanımızı itirə bilərik ki, onu qoruyub
saxlamaq vacibdir. Bu ayə ən önəmli həqiqəti yadımıza salır: Vəd
verən Allah sadiqdir! Bilirsiniz, bu nə deməkdir? Bu deməkdir
ki, siz Allahı axtarsanız, Allahla görüşmək üçün Onu səsləsəniz, O
mütləq sizinlə görüşəcək! Siz
tam etimadla Allahın hüzuruna
daxil olmağa çalışsanız, Allahın hüzurundan başqa bir yerə
düşməyəcəksiniz! Vəd verən Allah sadiqdir! Onun vədi nədir?
Əbədi həyat, Ən Müqəddəs yerə aparan yolun açıq olması, Müqəddəs
Ruhun verilməsi və s. Allah sizə vəd verib ki, siz Onu yaxından
tanıyacaqsınız!
Sadiq olan Allahımız bizə təsdiq etdiyimiz imanı qoruyub
saxlamağqda kömək olacaq, amma biz də gərək Ona imanla tabe
olaq. O bizə Onunla ünsiyyətdə olmağı öyrədir, lakin eyni zamanda
başqa imanlılarla ünsiyyətdə olmağı da buyurur. Oxuduğumuz
parçanın davamı belədir: “Bir-birimizi məhəbbətə və xeyirxah
əməllər etmək üçün necə həvəsləndirmək haqqında fikirləşək.
Bəzi adamların vərdiş etdiyi kimi birgə yığışmağımızı tərk
etməyək. Lakin qiyamət gününün yaxınlaşdığını gördükcə bir-
birimizi daha çox ruhlandıraq”
[119]
. Demək, Allaha yaxınlaşarkən
unutmayaq ki, O bizə Tövrat, Zəbur və İncildə yazılmış Kəlamı
vasitəsilə və eləcə də başqa imanlıların dili ilə danışır.
Yaşadığımız indiki şər dövrdə yeganə ümid işığı, Müqəddəs
Kitabda yazılan peyğəmbərlik sözləri, Allahın vədləridir:
“Peyğəmbərlərin sözləri bizim üçün daha inandırıcıdır. Bu
sözlərə diqqət verirsinizsə, yaxşı edirsiniz. Onlar səhər açılıb
dan ulduzu ürəklərinizdə doğana qədər qaranlıq yerdə işıq
saçan bir çırağa bənzəyirlər”
[120]
. Bu vədlər “
müəyyən vaxt
üçündür, başa çatmağa tələsir və yalan deyil. Sanki gecikir,
[118]
İbranilərə 10:23
[119]
İbranilərə 10:24–25
[120]
2-ci Peter 1:19
42
amma gözləyin, çünki hökmən gələcək, gecikməyəcək. Budur,
məğrurların niyyətləri düzgün deyil, amma saleh adam imanı ilə
yaşayacaq...”
[121]
Həmin vədlərin ən böyüyü, Məsihin ikinci gəlişi,
dünyanın axırı və “salehliyin sakin olacağı yeni göylər və yeni
yer”dir
[122]
. Məhz buna görə İbranilərə Məktubda Habaqququn bu
qədim peyğəmbərliyi təkrarlanır: “Bir az müddətdən sonra Gələn
gələcək, gecikməyəcək. Amma saleh adamım imanla yaşayacaq.
Əgər geri çəkilsə, ondan razı qalmayacağam”
[123]
. İnanın, vaxt
az qalıb, ancaq “Allahın iradəsini yerinə yetirib vəd olunan şeyi
almaq üçün sizin tab gətirməyə ehtiyacınız var”
[124]
.
Bir az da bu
dünyada imanla yaşayaq, şərə, haqsızlığa, əziyyətlərə dözək. Hər
şeyə qadir olan və hər şeyi bilən Allah bizə deyir ki, O nə etdiyini
bilir və hər şey yaxşı olacaq. Biz də Ona ümid bağlayacağıq, sadiq
olduğuna axıradək tam əmin olacağıq. Vəd Edəni sadiq sayanlar
xilas, saymayanlar isə həlak yolundadırlar. Bu kitabı yazmaqda əsas
məqsədim budur ki, biz İbranilərə Məktubun müəllifi ilə birlikdə
elan edək: “Biz isə geri çəkilib həlak olanlardan deyilik;
iman edib canlarının xilasına nail olanlardanıq”
[125]
.
[121]
Habaqquq 2:3–4
[122]
2-ci Peter 3:13
[123]
İbranilərə 10:37–38
[124]
İbranilərə 10:36
[125]
İbranilərə 10:39
43
İmanla yeni həyata doğru
“Budur, Mən təzə bir şey edirəm...”
[126]
İmanla yaşamaq istəyiriksə, həmişə yeni şeylərə hazır olmalıyıq.
Bizim Allahımız qeyri-məhduddur, möcüzələri də təkraredilməzdir.
Əsrlər boyu yaşamış mömin insanlar Allahın etdiyi təzə şeylərin
şahidi olmuşlar. Biz Allahın keçmişdə gördüyü işlərin eynisini bu
gün edəcəyini gözləməməliyik. Allahın bizim dövrümüzdə, bizim
həyatımızda, bizim nəslimiz üçün yeni şeylər edəcəyini gözləməliyik.
Xanoka qədər bütün insanlar ölmüşdü, Xanok isə diri-diri Allahın
yanına aparıldı. Nuh Xanok kimi Allahı sevən saleh adam olsa da,
Xanok kimi ölməyəcəyini gözləmədi. O, Allahın şəxsən ona dediyi
sözə diqqət yetirib gəmi tikdi və ailəsi ilə birlikdə xilas oldu. Bəlkə,
İbrahim də Xanok kimi ölmədən Allahın yanına gedəcəyini və ya
Nuh kimi bir gəmi tikəcəyini zənn edə bilərdi. Lakin o, bunu etmədi,
əksinə, Allahdan təzə vədlər, təzə əmrlər, təzə iman aldı.
İman, Allahın əvvəl heç vaxt olmamış təzə şeylər edəcəyinə
inanmaq deməkdir. İmanımız bizi Allahdan yeni, qeyri-adi şeylər,
inanılmaz möcüzələr, indiyədək insanın ağlına gəlməmiş işlər
edəcəyini gözləməyə vadar edir.
İsa dedi: “Sizə doğrusunu deyirəm: əgər siz yolunuzdan dönüb
uşaqlar kimi olmasanız, Səmavi Padşahlığa əsla daxil ola
bilməzsiniz. Beləliklə, kim bu uşaq kimi özünü aşağı tutarsa,
Səmavi Padşahlıqda ən böyüyüdür”
[127]
. Əziz qacı-qardaşlarım,
imansızlıq, qorxu və şübhədən əl çəkin! Rəbbin sözlərini uşaq kimi
qəbul edin! Saf ürəklə Rəbbə inanın! İnanın ki, Rəbb sizin vasitənizlə
Öz qüdrətini göstərəcək və siz Onun fövqəltəbii işlərinin şahidi və
hətta iştirakçısı olarsınız. Bunun üçün dua edin, oruc tutun, Allahı
axtarın, Ona yaxınlaşın; O sizə bir şey buyuranda və yol verəndə,
[126]
Yeşaya 43:19
[127]
Matta 18:3–4