Allahi Razi Salan İman
Yüklə 367,03 Kb. Pdf görüntüsü
|
44 belə fürsətlərdən istifadə edin. Fəal olun! Hərəkət edin! Hələ neçə- neçə “Qırmızı dənizlər” sizin önünüzdə yarılacaq, neçə-neçə “quru səhralarda” sular axacaq, kor gözlər açılacaq və qoxumuş “Lazarlar” qəbirlərindən çıxacaqlar! “Əvvəlki şeyləri yada salmayın, köhnə hadisələr barəsində düşünməyin. Budur, Mən təzə bir şey edirəm, O artıq baş verir, məgər siz bunu başa düşmürsünüz? Bəli, Mən çöllükdə yol salacağam, quru torpaqda çaylar yaradacağam... Bu xalqı Mən Özüm üçün yaratdım ki, Mənə həmdlər söyləsin...” [128]
[128] Yeşaya 43:18–21 45 Müasir iman qəhrəmanları “Allahın kəlamını sizə danışan rəhbərlərinizi yada salın.
[129]
. İsa Məsih Nuhun, Musanın, Həvarilərin dövrlərində olduğu kimi, indiki dövrdə də eynidir və əbədi olaraq eyni olacaqdır. İsanın iman yolunu tutan, bizə nümunə olan iman qəhrəmanları təkcə keçmişdə yaşamamışlar, indi də yaşayırlar. Buna görə də bu kitabın son hissəsini bizim dövrümüzdə, yəni keçən əsrdə yaşamış iman qəhrəmanlarına həsr edirəm. Onlardan bəziləri indi, XXI əsrin ilk illərində hələ də yaşayırlar. Müxtəlif ölkələrdə anadan olmuş, ayrı-ayrı məsihçi məzhəblərinə mənsub olan bu insanların bir ümumi xüsusiyyəti Məsihə iman edərək Allaha yaxınlaşması və Allahı şəxsən tanımasıdır. Mən çoxlu müasir iman qəhrəmanlarının həyatı barədə oxumuşam, lakin bir neçəsi məni dərindən təsir etmişdir. Burada mən XX əsrdə xidmət etmiş və XXI əsrin ilk illərində dünyasını dəyişmiş baptist rus imanlısı Mixail Xorev, lüteran rumıniyalı pastor Riçard Vurmbrand və şəxsən tanımaq şərəfinə nail olduğum, hələ də sağ olan misirli presviterian ağsaqqal doktor Menis Əbdünnurun həyatından bir neçə səhifə yazacağam. Biz bu imanlı qardaşların “həyat tərzinin nəticəsinə baxıb” imanlarını nümunə olaraq götürə bilərik. Bizdən əvvəl iman yolunda yerimiş bu imanlıların estafeti bizə keçir, onların bizə ötürdükləri “iman məşəlini” gələcək nəslə layiqincə ötürməkdən biz məsuliyyət daşıyırıq. Gəlin, onlardan iman dərsi götürək: 1. Mixail Xorev və atası Həvari Paul Timoteyə “Səndəki riyasız imanı yadıma salıram.
[130]
— yazmışdır. Rus baptist cəmiyyətinin [129]
İbranilərə 13:7–8 [130]
2-ci Timoteyə 1:5 46 üzvü Mixail Xorev də öz atasının saxladığı imanı saxlayıb, onun tutduğu yolu tutub. Atasının bu dünyada ömrü nisbətən qısa oldu. İmanla yaşayan bu adam ölümü də imanla qarşıladı. 1939-cu ildə Rusiyanın Sverdlovsk vilayətinin Tavda şəhərindəki həbsxanada vəfat etdi. O dövrdə Stalin rejimi möminləri təqib edirdi. Mixail Xorevin ata-anasının pasportlarını əllərindən aldılar. Dörd uşaq atası olan bu adam Rəbbə saf ürəklə etibar edərək çətin vaxtlarda dəfələrlə Rəbbin möcüzəli köməyinin şahidi olmuşdu. Dörd uşağın ən kiçiyi olan Mixail doğulanda həkimlər onun gözlərinin çox zəif görəcəyini, yaxud tamamilə kor olacağını söylədilər. Bunu öyrənən ata körpəni qucağına götürüb dedi:
— İndi biz Rəbbin ailəmizə verdiyi bu gözəl hədiyyəyə görə şükür edəcəyik! Ana etiraz etdi:
— Düzdür, amma bir yandan bu bizim üçün sevinc deyil, kədərdir. Axı oğlumuz xəstədir... Hələ bilmək olmur, bəlkə kor oldu!
— Əzizim, sən razısanmı ki, Rəbb heç vaxt səhv etməz? — Sözsüz. Səhv etməz, amma...
— Doğrudan, bizim oğlumuz başqa uşaqlar kimi sağlam deyildir, lakin xəstəliyi istisnadır. Elə deyil?
— Elədir, amma... Ata ananın etiraz etməsinə imkan vermirdi:
— Əgər Allahın iradəsi olmadan başımızdan bir tük belə düşmürsə, onda bu işdə də Allahın bir planı var. Biz də bu gözəl planına görə Allahımızı izzətləndirəcəyik. Mixailin valideynləri diz çöküb dua etdilər, gözəl planı üçün Allaha şükür etdilər. Mixailin atası İvan Xorev imanla gələcəyə baxıb oğlunun həyat yolu üçün şükür etdi.
47 Mixail Xorev hələ balaca ikən atasının etdiyi bir söhbət ürəyində dərin iz buraxmışdır. Onlar Leninqrad (hazırda Sankt-Peterburq) şəhərində yaşayırdılar. Bütün imanlı rəhbərlər və fəal xidmətçilər həbs edilmişdilər. Mixailin atası da gec və ya tez həbs ediləcəyini gözləyirdi. O, Rəbb İsa Məsihin yolunda əzablara və ölümə hazır idi. Bir gün o, uşaqlarına belə dedi:
— Uşaqlar, mən uzaq yola çıxıram. Evə qayıdıb-qayıtmayacağımı da bilmirəm. Yalnız Rəbb bilir, bu yolda məni nə gözləyir. İndi bu yola çıxmamışdan qabaq sizinlə danışmaq istəyirəm ki, harada görüşəcəyik. İstəyirəm, biz bir-birimizi itirməyək, həmişə birlikdə olaq. İnsanlar univermağa, bazara, vağzala, yaxud başqa bir izdihamlı yerə gedəndə əvvəlcədən danışırlatr ki, işdir, bir-birini itirsələr, harada görüşəcəklər. Misal üçün, bazarın girişində, vağzalın məlumat bürosunun yanında və sairə. Güman ki, biz də qısa müddət üçün bir-birimizi itirərik. Buna görə mən təklif edirəm, “Ağ Taxt”ın yanında görüşək. Səmavi Yerusəlimə girən kimi İsa Məsihin oturduğu Ağ Taxtın yanına gəlin. Orada mən sizi gözləyəcəyəm. Biz orada görüşəndən sonra artıq heç vaxt bir-birimizdən ayrılmayacağıq. O söhbətdən üç-beş gün keçmiş onların evlərinə Rusiyanın “Daxili işlər xalq komissarlığı”ndan (NKVD) adamlar gəldilər və Mixailin atasını apardılar. O getməmişdən əvvəl ailəsi ilə birlikdə son dəfə dua etdi:
— Ya Rəbb, mən həyat yoldaşımı və uşaqlarımı çox sevirəm. Ailə ocağım mənə çox əzizdir. Amma dünyada ən çox Səni sevirəm, ona görə də əzablı dar yolu seçmişəm. İndi öz ailəmi, onların bütün ehtiyaclarını Sənə tapşırıram. Allahım, Sən sadiqsən, vədlərini həmişə yerinə yetirirsən. Bu qürbətimin vaxtı sona çatandan sonra Sənə izzət vermək üçün Sənin taxtının qarşısında duracağam və ailəmi də orada görəcəyəm. Bu gün mənə verdiyin bu ümidə görə Sənə şükür edirəm. Qoy bu ayrılığımızda Sənin adın izzətlənsin! Bundan sonra uşaqlar öz atalarını bircə dəfə gördülər. Sovet hökuməti onların həbsxanada ataları ilə qısa görüş keçirmələrinə icazə verdi. Dörd uşaqla ana həbsxanaya çatanda anaya belə dedilər: Yüklə 367,03 Kb. Dostları ilə paylaş:
|