Allahi Razi Salan İman
Yüklə 367,03 Kb. Pdf görüntüsü
|
28 “Bunların hamısı... özlərinin yer üzündə yad və qərib olduqlarını təsdiq etdilər. Axı belə sözləri deyənlər bir vətən axtardıqlarını göstərirlər. Əgər onlar çıxdıqları ölkə barəsində düşünsəydilər, qayıtmağa imkanları olardı. Amma əslində onlar daha yaxşı bir ölkəni, yəni səmavi vətəni arzu edirdilər. Buna görə Allah Özünü onların Allahı adlandırmaqdan utanmır, çünki O onlar üçün şəhər hazırlamışdır” [83]
. Ey iman yolu ilə gedənlər, cəsur olun! Bu dünyada əziyyət çəkirsiniz, insanlar sizi başa düşmür, rədd edir, söyür, gülürlər, siz isə daha yaxşı bir ölkəni arzu edirsiniz. Allahdan utanmayın, imanla danışın, şəhadət edin! O da sizdən utanmayacaq, sizin haqqınızda “Mən onun Allahıyam” deyəcək. Arxayın olun! Rəbb sizə dünyəvi insanların yuxusunda belə görmədiyi şəhər hazırlamışdır! Lazım olsa evinizi, şəhərinizi, ölkənizi tərk etməyə hazır olun. Dua edin, Allahın məsləhətini öyrənin. Ehtimal var ki, Allah sizi harasa getməyə, Müjdəsini başqa yerlərdə yaymağa çağırar. İman adamının çamadanı həmişə hazırdır! İbrahim “hara getdiyini bilməyərək” yola çıxdı. Allaha yaxınlaşan insan çox vaxt hara getdiyini bilmir, ancaq Rəbbə inanır və Rəbbin göstərdiyi yerə addımbaaddım irəliləyir. Hər kəs əmin-amanlıq arzulayır. Öz gələcəyini planlaşdırmaq, büdcəsini hazırlamaq, təmin olunmuş həyat sürmək arzusu hamımıza tanışdır. Lakin adamın təminatı olanda Rəbbə ehtiyacı qalmır. O, bank hesabına, iş yerinə, planlarına və s. ümid bağlayır. Allah isə bizimlə inam və sədaqət münasibəti qurmaq istəyir. O bizi bilərəkdən elə vəziyyətlərə salır ki, biz Ondan yapışaq, sədaqətinə inanaq, Ona ümid bağlayaq. Biz hara getdiyimizi bilməyərək İsa Məsihin ardınca getməyə məcbur oluruq. Allah sadiqdir. Allaha ümid bağlamaq olar. Elə buna görə İbrahimin həyat yoldaşı Sara qocalığında İshaqı dünyaya gətirməyə qadir oldu. “Sara özü sonsuz və yaşı ötmüş olduğu halda iman vasitəsilə nəsil yaratmaq üçün güc aldı, çünki vəd Edəni sadiq saydı” [84]
. İmanın sirrini açan [83]
İbranilərə 11:13–16 [84]
İbranilərə 11:11 29 “açar” bu sözlərdə tapılır: vəd Edəni sadiq saymaq. Allahı sadiq sayanlar, ilahi vədlərinə ümid bağlayan möminlər mütləq ehtişamını görürlər. Allahın sədaqətindən, vədlərini yerinə yetirəcəyindən şübhə edənlər isə imanla yaşaya bilmirlər və Allahın ehtişamını görmürlər. “Musa doğulanda anası və atası iman vasitəsilə onu üç ay gizlətdilər. Çünki onlar uşağın gözəl olduğunu görüb padşahın fərmanından qorxmadılar. Musa böyüyəndən sonra firon qızının oğlu adlanmaqdan iman vasitəsilə imtina etdi. Günahdan müvəqqəti zövq almaqdansa Allahın xalqı ilə birlikdə əzab çəkməyi üstün tutdu. Məsih naminə çəkdiyi təhqiri Misir xəzinələrindən daha böyük var-dövlət saydı, çünki alacağı mükafata gözünü dikmişdi. İman vasitəsilə padşahın qəzəbindən qorxmayıb Misirdən çıxdı, çünki o, gözə Görünməyəni sanki görmüş kimi möhkəm dayandı. İman vasitəsilə Musa Pasxa qurbanının kəsilməsini və onun qanının çilənməsini həyata keçirtdi ki, ilk doğulanları öldürən məhvedici mələk İsraillilərə toxunmasın. İman vasitəsilə İsraillilər Qırmızı dənizdən qurudan keçən kimi keçdilər. Misirlilər də bunu etməyə cəhd etdilər, amma boğuldular” [85]
. Musa qorxmadı; Musa müvəqqəti zövq almaqdan imtina etdi; Musa möhkəm dayanıb böyük möcüzələr gördü. Niyə? Çünki “alacağı mükafata gözünü dikmişdi”. Çünki “gözə
Əziz bacı-qardaşlar, ürəyinizi yoxlayın: siz bizi yaradan gözəl Şəxsə zövq verməyi arzu etmisinizmi? “Ya Rəbb, Səni çox sevirəm və razı salmaq istəyirəm” — deyə dua etmisinizmi? İncildən sizə aydın cavab verilir. Musa kimi saf ürəklə Allaha iman edin. Alacağınız mükafata gözünüzü dikərək bütün qorxulara qalib gəlin. Əziyyətdən qorxmayın, səlahiyyətli adamların qəzəbindən qorxmayın, Allahın dediyini cəsarətlə yerinə yetirin. Ona imanla yaxınlaşın. Gözünüzlə görmədiyiniz həqiqətlərə əmin olun. İnanın ki, izzətli Yaradan Özü sizə yaxınlaşır. Onu görmədiyiniz halda Ona imanla yaxınlaşın, sanki Onu öz gözünüzlə görürsünüz. Onda siz iman qəhrəmanı olacaqsınız və Rəbbin izzətini, inanılmaz möcüzələrini mütləq görəcəksiniz. [85] İbranilərə 11:23–29 30 “İman vasitəsilə İsraillilər yeddi gün Yerixonun ətrafında gəzdikdən sonra onun divarları yıxıldı. İman vasitəsilə fahişə Raxav casusları dostcasına qarşıladığı üçün itaətli olmayanlarla birgə həlak olmadı” [86]
. Tövratda Yeşua kitabının 6-cı fəslində iki İsrailli casusun gizlicə Yerixo şəhərinə gələndə Raxav adında bir fahişənin evində qaldığını oxuyuruq. Sonra Yerixo padşahına İsrail xalqının casuslarının gəldikləri xəbər verildi və o, Raxavdan həmin adamları çıxartmağı tələb etdi. Əvvəllər özünü pula satan Raxav bu vaxt ona bir quruş pul verməyən casusları gizlətmişdi və padşahdan belə qorxmamışdı. Çünki ürəyində iman yaranmışdı. Raxav israilli casusları buraxmazdan əvvəl onlara belə dedi: “Mən bilirəm ki, Rəbb bu torpağı sizə verib. Siz bizi dəhşətə saldınız və bu torpağın bütün sakinləri sizin qarşınızda əsir. Çünki Misirdən çıxdığınız zaman Rəbb Qırmızı dənizin sularını qarşınızda necə qurutduğunu ...eşitmişik. Biz bunları eşidəndə ürəyimiz qorxuya düşdü və vahimənizdən heç kimin taqəti qalmadı; çünki Allahınız Rəbb yuxarıda göyün və aşağıda yerin Allahıdır...” [87]
Bundan sonra Raxav israillilərdən ona xeyirxahlıq etməyi xahiş etdi. 6-cı fəsildə israillilərin Yerixo şəhərini ələ keçirdiyini və Raxavla ailəsindən başqa bütün xalqı məhv etdiklərini oxuyuruq. Bütün Yerixo əhalisi israillilərin Allahı haqqında eşitmiş və qorxuya düşmüşdü. Lakin Raxavdan başqa heç kimin Allaha imanı olmadı. Heç kim İsraillilərin Allahı qarşısında diz çöküb günahlarından tövbə edərək İsrail xalqına təslim olmaq istəmədi. Bir yandan Raxavın hərəkətini xəyanət hesab etmək olar. Ancaq onun öz millətinə qarşı işləyən casusları qəbul etməsi şərəfsizliyindən deyil idi. Əksinə, bu qadın bütün millətləri yaradan Rəbbi öz millətindən üstün saydı və Ona sadiq qalmaq istədi. Öz xalqını, millətini sevən, onun yolunda canını verməyə hazır olan adam tərifə layiqdir. Lakin millətin öz yeri var, Allahın da Öz yeri. Millət insandır. İnsana pərəstiş etmək isə günahdır. Əgər xalqınızla Yaradanınız arasında seçməli olsanız, Rəbbə iman etdiyiniz üçün millətinizə qarşı durmalı olsanız, nə [86] İbranilərə 11:30–31 [87] Yeşua 2:9–11 Yüklə 367,03 Kb. Dostları ilə paylaş:
|