276
verilmişdir:
Tamburunu çaldıqça sən
Susdu bülbül, dindi çəmən.
Bir zamanlar nə sən, nə mən
Şad görmədik dostu, yarı. (131, 266)
Şerin ayrı-ayrı misralarında eyni soydan olan xalqlarımız arasındakı
mənəvi birlik və yaxınlıq öz əksini tapmışdır: «Səni gördüm, sinəm doldu, Dəmə
çəkdim bizim tarı», «Qanad verir dağa-daşa Ana yurdun havaları», «Tambur ilə telli
sazı Qabaqlaşıb çalaq barı» və s.
1954-cü ildə Kazan şəhərində qəhrəman tatar şairi Musa Cəlilin faşistlər
tərəfindən vəhşcəsinə öldürülməsinin 10 illiyinə həsr edilmiş təntənəli gecə keçiril-
mişdir. Həmin gecədə SSRİ Yazıçılar İttifaqı idarə heyəti adından S.Vurğun çıxış
etmişdir.
∗
Şair öz çıxışında «yalnız öz poeziyası ilə deyil, həm də bizim ümumi
xoşbəxtliyimiz, gələcək nəsillərimizin xoşbəxtliyi uğrunda axıdılan müqəddəs
qanı ilə də özünə əbədi həyat qazanmış» Musa Cəlil haqqında ən xoş səslər söyləmiş,
onun qəhrəmanlığını Bayron, Petefi, Fuçik fədakarlığı ilə müqayisə etmiş, gecəyə
toplaşanların gurultulu alqışları altında Musa Cəlilin şerini tatar dilində, özünün ona
həsr etdiyi şerini isə Azərbaycan dilində oxumuşdur. (154).
∗
O, Musa Cəlilə «şair dostum, şair qardaşım» deyə müraciət edir. Şerdə öz
əqidəsi yolundan dönməyən və bu yolda müqəddəs qanı tökülən şairin tərənnümü əsas
yer tutur.
Musa Cəlil bütün xalqları ürəkdən sevən beynəlmiləlçi kimi təqdim olunur. O
öz sazında «bizim eşqimizi, iradəmizi» çalardı. Məhz buna görə də sənətkara
ümumxalq sevgisi əbədidir. Həqiqi poeziya sərhəd tanımır. Musa Cəlil poeziyası
da belədir. Musa Cəlil özü isə təkcə tatar xalqının deyil, həm də Azərbaycan
∗
С.Вурьунун китабында сящв олараг щямин чыхыш «Муса Жялилин анадан олмасынын 50 иллик йубилейиндя чыхыш» ады иля
верилмишдир. (136, 408).
∗
С.Вурьун чыхышынын лент йазысы шаирин ев-музейиндя мцщафизя олунур.
277
xalqının «oğlu», «öz balası»dır:
Neçə sərhəd aşır, el gəzir şer,
Yurd salır neçə min ürəkdə, canda.
Sana «oğlum» deyir, «öz balam» deyir,
Mənim ana yurdum Azərbaycan da. (58)
∗∗
S.Vurğun yer üzündə baş verən müxtəlif hadisələrə diqqət yetirmiş, bu hadisələrin
mahiyyətini hərtərəfli öyrənmiş və bunlara öz münasibətini bildirmişdir.
Onu milli-azadlıq hərəkatının baş verdiyi ölkələr, xüsusən Şərq ölkələri daha
çox cəlb edirdi. «Uzaqlara doğru» (1929), «Şərqin qapısı» (1929), «Qızıl Şərq»
(1931) və s. şerlərində şair bu ölkələrin azadlıq uğrunda mübarizələrini alqışlayır və
qələbə ilə başa çatacağına inamını bildirirdi.
Şairin bu mövzuda yazılmış əsərlərindən biri «Qızıl Şərq» şeridir. Şerdə
göstərilir ki, Şərq uzun illər «çiyni zər paqonlu şahların» əlində inləmiş, var-dövləti
talanmış, dəfələrlə parçalanmışdır.
Bir xalqın var-dövləti hesabına başqa bir xalqın firavan yaşaması yolverilməzdir.
Şair özünəməxsus uzaqgörənlik və nikbinliklə deyir:
Qoy
Yaxın gələcəyi görsün
və get-gedə hirsindən ölsün!
Gecələr qayıq gəzintisinə çıxan
Yanaqları boyalı London xanımları
Bilsinlər ki, Şərqin varı
Boşalmayacaq Avropanın limanlarına. (131, 119)
Bəşəriyyəti kölə halına salmaq istəyən faşizmin ifşası şairin beynəlxalq
mövzuda yazdığı əsərlərdə də öz əksini tapmışdır.
Faşistlərin özü tərəfindən 1933-cü il fevral ayının 27-də
∗∗
Шери лент йазысы ясасында редаксийайа биз тягдим етмишик.
278
Reyxstaqda yanğın törədildi. Onlar bu yanğından mütərəqqi fikirli adamlara divan
tutmaq üçün istifadə etdilər. Almaniyada həbslər başlandı. Demokratik mətbuat
qadağan olundu. (203)
Bolqarıstanlı Georgi Dimitrov o vaxtlar siyasi fəaliyyəti ilə əlaqədar
Almaniyada mühacirətdə idi. Berlin restoranlarından birinin ofisiantının yalançı
şahidliyinə əsasən 1933-cü il mart ayının 9-da Dimitrovu həbs etdilər. (193, 27)
Bu hadisə beynəlxalq aləmdə böyük əks-səda doğurmuşdu. Leypsiq
şəhərində üç aydan artıq bir müddətdə davam edən faşist məhkəməsi Dimitrova
bəraət verməli oldu.
S.Vurğun «Ölüm kürsüsü» poemasında Leypsiq məhkəməsi ilə bağlı səhnələri
qələmə almışdır. Şair 93 gün davam edən məhkəmə prosesinin əsas məqsəd və
mahiyyətini kiçik həcmli poemada verməyə müvəffəq olmuşdur.
Əsərdən görünür ki, şair həmin hadisəyə çox həssaslıqla yanaşmış, onu də-
rindən öyrənmiş və bunun nəticəsində insanın sarsılmaz iradəsini və öz əqidəsi
yolunda dönməzliyini göstərə bilmiş, habelə faşizmin və riyakar məhkəmənin iç
üzünü açmışdır.
Poemada Dimitrov faşistlərin zülm və işgəncələrindən sarsılmayan, tutduğu
yolun doğruluğuna inanan, faşizmə qarşı inadla mübarizə aparan bütöv bir şəxsiyyət
kimi təqdim olunur.
Əsər belə başlanır:
Hakim barmağını basdı zənginə,
Boğuq bir qızartı çökdü rənginə.
O dedi: - Məhkəmə davam edəcək,
Sualı-sorğusu uzun gedəcək... (133, 133)
Şair bu sözlərlə kimin kimi mühakimə ediləcəyinin hələ məlum olmadığını
demək istəmişdir.
Məhkəmə nəyin bahasına olursa-olsun Reyxstaqın məhz Dimitrov tərəfindən
yandırıldığını sübuta yetirməli və buna görə
279
də insan günahsız olduğu halda cəzalandırılmalıdır. Lakin bu, asan deyilmiş.
Əslində Dimitrov faşist məhkəməsini ittiham edir və parlaq qələbə qazanır.
Dimitrov dünyanın tərəqqipərvər qüvvələri tərəfindən müdafiə edilir, anası isə
onun xalqların azadlığı uğrunda apardığı mübarizəni alqışlayır. Oğul öz anasının
gözündə ona görə böyüyür, ucalır ki, o, həqiqəti söyləyir, həqiqət uğrunda vuruşur.
Bu baxımdan ananın oğluna məktubu ibrətamizdir:
...Halaldır əməyim, halaldır südüm,
Qalsın qulağında bu son öyüdüm:
Günəşin yolçusu bu insanlara,
Azadlıq uğrunda axan qanlara
Hədiyyə verdiyim bir qəhrəmansan.
O zaman əllərdə oda da yansan,
Möhkəm ol hər zaman, dönmə yolundan!.. (133, 137)
Bu misralar Dimitrovun anası Paraskeva Dimitrovanın məhkəmə zamanı öz
oğluna dediyi sözlərlə səsləşir ki, bu da bir daha şairin həmin hadisələri
hərtərəfli öyrənməsi ilə izah olunur: «Mən məhkəmədə deyilənlərdən bir kəlmə
də anlamıram. Lakin sənin məhkəmənin sədri, prokuror və vəkillə necə
danışdığını görəndə hiss edirəm ki, bu adamlar səni buraxmayacaqlar. Sən bu
yolu seçmisən. Məlumdur ki, onu davam etdirməlisən. Əgər bu cür edirsənsə,
deməli bu yol doğrudur». (193, 46)
Əsərdə bir sıra səhnələr faşizmin əsl simasını açır. Restoran səhnəsi
dediklərimizə parlaq nümunədir.
Restoran yenə təmtəraqlıdır. Gümüş qədəhlər pıçıldaşır. Xanımlar musiqi sədaları
altında həvəslə rəqs edirlər. Bizə artıq tanış olan hakim də buradadır. Məlum olur ki, o,
ömrünü belə yerlərdə keçirmişdir. Onun sərxoş gözləri yenə qızarmışdır.
Şairin bu misrası hakimin şəxsində faşist nökərlərinin ifşası baxımından çox
qiymətlidir: «İnsan taleyini həll edənə bax!» Bu məclisin
Dostları ilə paylaş: |