Azərbaycan Dövlət Mədəniyyət və İncəsənət Universiteti
Azərbaycan Milli Kitabxanası
- 285 –
muğamının bədii dəyəri, onun yüksək mənalılığı 2003-cü ildə YUNESKO kimi nüfuzlu
beynəlxalq təsisat tərəfindən etiraf olunmuşdur. YUNESKO muğamı "bəşəriyyətin şifahi və
qeyri-maddi irsinin şah əsərlərindən biri" elan etmişdir. Təqdim etdiyimiz linkdəki mətndə
Mehriban xanım Əliyevanın müəllifi olduğu ―Ön Söz‖də muğam ensiklopediyasından ətraflı
şəkildə bəhs olunur. Qeyd olunur ki, iki cilddən ibarət olan bu ensiklopediya həm muğamla
bağlı ətraflı məlumatları özündə cəmləşdirir, həm də Azərbaycan muğamlarını müxtəlif
musiqiçilərin ifasında təqdim edir. Keçən əsrin əvvəllərində ilk dəfə lentə alınmış muğamlar-
dan tutmuş 2007-ci il muğam müsabiqəsinin qaliblərinin çıxışlarına qədər olan yazılar 125
diskdən ibarət bir külliyyat təşkil edərək həqiqətən də ensiklopedik xarakter daşıyır. Burada
təmsil olunan ustad və gənc xanəndələrin yaradıcılığı, muğam dəsgahları və digər əsərlər ilk
dəfədir ki, bir yerdə toplanaraq qədim muğam irsimizin dolğun mənzərəsini yaradır.―Muğam
ensiklopediyasının hər bir cildi, əslində, müstəqil ensiklopediyadır. Qeyd etmək lazımdır ki,
muğam özü-özlüyündə elmi və nəzəri təhlil üçün olduqca mürəkkəb bir obyektdir. Onun nota
alınması cəhdlərindən tutmuş, muğam ifaçılığı üzrə kanonik dərslik yaratmaq arzularının
gerçəkləşməsinədək musiqiçilərin hansı obyektiv çətinliklərlə qarşılaşdığı hamıya bəllidir.
Muğamın ovsununa düşmüş əcnəbi musiqişünasların onun rasional təhlil üsulları ilə tədqiqi-
nin mümkün olmaması barədə dönə-dönə söylədikləri fikirlər də mütəxəssislərə yaxşı məlum-
dur. Məhz bu səbəbdəndir ki, biz oxucunun diqqətinə sanki iki ensiklopediya təqdim edirik.
Onlardan biri elmi tədqiqatların bəhrəsi, digəri isə Azərbaycan muğam ustalarının yaratdığı
dəyərli musiqi xəzinəsidir‖. Ensiklopediyada muğamın bütün elementləri, muğam ustaları
barədə detallaı məlumatlar əksini tapır.
3.
http://www.mehriban-aliyeva.org/az/article/item/5169
Azərbaycan muğamının dünyaya tanıdılmasında əvəzsiz xidmətləri olan Azərbaycanın
birinci xanımı, İSESKO və YUNESKO-nun xoşməramlı səfiri Mehriban xanım Əliyevanın
şəxsi internet saytında da muğam barədə məlumatlar öz əksini tapır. Burada Qarabağ muğam
məktəbindən bəhs edilir: ―Qarabağ muğam məktəbinin nümayəndələri Azərbaycan xalqının
musiqi mədəniyyətini inkişaf etdirməklə, öz həmvətənlərinin ağıllarına, hiss və duyğular
aləminə nəcib təsir göstərmişlər. Bu yerlərin təbiətindən keçib gələn, ruhu oxşayan həmin
gözəllikdir ki, nadir musiqi mədəniyyətində öz əksini tapmışdır. Qarabağ muğam məktəbinin
rəmzinə çevrilən məşhur ―Qarabağ şikəstəsi‖ buna bariz nümunədir‖. http://azens.az/menu-
azerbaydzan/item/562-azaerbaydzana-maekhsus-moedzuzae-muzhham Bu internet resursunda
muğam sözünün etimologiyası, muğamın özü və fəlsəfəsindən bəhs edilir.
Bu linkdəki materialda qeyd edilir ki, ―Muğam – 2002-ci ildə YUNESKO tərəfindən,
ümumbəzəri olmayan bir musiqi irsinin şedevri elan edilmiş və onun vətəninin məhz
Azərbaycan olduğu qeyd edilmişdir. Muğam sözü musiqidə əsasən, 2 məna kəsb edir. Birinci,
Azərbaycan xalq musiqisində bir ahəng, düzüm mənasını daşıyır. Muğamın 7 ahəng növü
vardır : Rast, Şur, Segah, Şüştər, Çahargah, Bayatı-Şiraz, Humayun və digər bir neçə əlavə
qollara malikdir. Digər bir mənada isə, bu termin xüsusi musiqi forması deməkdir. Muğam -
ərəb məqamına, özbək maqomına, hind raqasına çox yaxın, qohum hesab edilir və ahəng
baxımından çox oxşardırlar.‖
4.
http://azerbaijans.com/content_296_az.html
“Kitabxana-İnformasiya Elmləri: tədris və təcrübədə yeni çağırışlar”
Beynəlxalq elmi konfransının materialları
- 286 -
Muğam barədə, onun şöbələri haqqında məlumatlar əksini tapır. Qeyd edilir ki, ―Şərq
xalqlarına mənsub milli musiqi formasıdır. Şifahi ənənələrə əsaslanan klassik musiqi
nümunəsidir. Muğam Azərbaycan xalq musiqisinin əsasını təşkil edir. Azərbaycan musiqisi-
nin yeddi əsas muğamı var: ―Rast‖, ―Şur‖, ―Segah‖, ―Şüştər‖, ―Çahargah‖, ―Bayatı- Şiraz‖,
―Hümayun‖.
Muğamlar orijinal mahiyyətinə və öz musiqi xarakterinə görə bir-birindən fərqlənir.
Üzeyir Hacıbəyov ―Azərbaycan xalq musiqisinin əsasları‖ adlı elmi-nəzəri kitabında
muğamların dinləyiciyə aşıladığı əhval-ruhiyyəni belə səciyyələndirir: ―Rast‖- dinləyicidə
mərdlik və gümrahlıq hissi, ―Şur‖ - şən, lirik əhval-ruhiyyə, ―Segah‖- məhəbbət hissi,
―Şüştər‖- dərin kədər, ―Çahargah‖- həyəcan və ehtiras hissi, ―Bayatı-Şiraz‖- qəmginlik,
―Hümayun‖- dərin kədər hissi oyadır‖.
5.
http://www.anl.az/down/meqale/yeni_az/2011/mart/163473.htm
―Yeni Azərbaycan‖ qəzetində çap olunmuş ―Muğam Azərbaycan xalqına xas olan ən
gözəl xüsusiyyətlərin daĢıyıcısıdır‖ sərlövhəli yazı (2011.- 16 mart.- S.2) bu internet resurs-
da da yerləşdirilib. Yazının müəllifi Ramil Vəlibəyovdur.
6.
http://kayzen.az/blog/musiqi/3821/mu%C4%9Fam-n%C9%99dir.html
―Muğam nədir‖ sərlövhəli yazıda muağm barədə geniş məlumat verilir. Eyni zamanda
Mədəniyyət və turizm Nazirliyinin sifarişi ilə ―Yaddaş‖ Sənədli Filmlər Studiyası tərəfindən
―Azərbaycan muğamı – Əsrlərin dərinliklərindən gələn sədalar‖ sənədli filmi təqdim edilir.
Təbii ki, internet şəbəkəsində muğamla bağlı mövcud olan məlumatlar bu təqdim
etdiklərimizlə məhdudlaşmır. Bu sahə ilə bağlı müxtəlif internet saytlarda xeyli sayda və
dolğun materiallar yerləşdirilib. Muğamla, muğam sənəti ilə bağlı baş verən hər bir yenilik
xəbər saytlarında əksini tapır. Bu informasiyaların da hər biri muğamla bağlı bilgi
mənbəyidir. Ölkənin bütün aparıcı portallarında, KİV-lərin elektron versiyalarının daxili
axtarış sistemlərində ―Muğam‖ sözünü axtarışa verməklə kifayət qədər çox informasiya
qarşılaşa bilərik.
ƏDƏBĠYYAT
1.
Vikipediya.az
2.
Muğam ensiklopediyası
3.
[http://mugam.musigi-dunya.az/r/rast.html]
4.
Azərbaycanın birinci xanımı, Heydər Əliyev Fondunun prezidenti Mehriban Əliye-
vanın şəxsi internet səhifəsi [http://www.mehriban-aliyeva.org/az/main]
5.
AZENS - Azərbaycanın ilk elektron ensiklopediyası [http://azens.az/menu-
azerbaydzan/item/562-azaerbaydzana-maekhsus-moedzuzae-muzhham]
azerbai-
jans.com[http://azerbaijans.com/content_296_az.html]
6.
anl.az[http://www.anl.az/down/meqale/yeni_az/2011/mart/163473.html]
7.
kayzen.az[http://kayzen.az/blog/musiqi/3821/mu%C4%9Fam-n%C9%99dir.html]
8.
―Bizim yol‖ qəzetinin elektron versiyası [http://bizimyol.info/news/22515.html]
Dostları ilə paylaş: |