Rüfət Göyüşov
Əgər vərəsələrdən heç biri təsərrüfatla məşğul olmaq istəməzsə,
onların razılaşması üzrə torpaq orada yerləşən təsərrüfatla birlikdə
satıla bilər və vərəsələr öz paylarını pul şəklində ala bilərlər (bax. AR
MM, mad. 1282.2).
Miras əmlak kimi, sadəcə, kənd təsərrüfatı təyinatlı torpaq deyil,
bütövlükdə kəndli təsərrüfatı ola bilər. Bu cür əmlaka mürəkkəb
əmlak haqqında qaydalar tətbiq olunur. AR MM-in 135.9-cu
maddəsində göstərildiyi kimi, əgər müxtəlif növlü əşyalar ümumi
təyinat üzrə istifadə edilməsini nəzərdə tutan vahid tam yaradırlarsa,
bir əmlak (mürəkkəb əmlak) sayılırlar. Mürəkkəb əmlak barəsində
bağlanmış əqdin qüvvəsi, əgər müqavilədə ayrı qayda nəzərdə
tutulmayıbsa, onun bütün tərkib hissələrinə şamil edilir. Qanunverici
aqrar sahədə sahibkarlıq fəaliyyətini dəstəkləmək məqsədilə bu cür
mürəkkəb əmlakların dağılmasının qarşısını alan qaydalar nəzərdə
tutur. Belə ki, əgər kəndli təsərrüfatı həyət təsər- rüfatıdırsa və
həyətin sonuncu üzvü vəsiyyətnamə qoymamışdırsa, həyətin ümumi
əmlakı qanun üzrə vərəsələrə həyət təsərrüfatının dağılmaması şərti
ilə keçir (bax. AR MM, mad. 1285.1). Həyətin sonuncu üzvünün
vəsiyyətnamə ilə bir neçə vərəsə təyin etdiyi halda, ümumiyyətlə,
torpaq təsərrüfatına aid olan qayda tətbiq edilməlidir, yəni bölgü
nəticəsində vərəsələrdən hər birinə keçən torpaq sahəsi həyat
qabiliyyətli təsərrüfatın mövcudluğunu təmin etməlidir. Miras
şəriklərinin razılaşması üzrə torpaq və orada yerləşən kəndli
təsərrüfatı onların ümumi mülkiyyətində qala bilər.
Əgər miras əmlak bölünə bilərsə, o zaman vərəsələr hər bir halda
miras paylarının ayrılmasını tələb edə bilərlər. AR MM- in 1276-cı
maddəsində göstərildiyi kimi, hər bir vərəsə həm daşmar, həm də
daşınmaz əmlakdan öz payının naturada ayrılmasını tələb edə bilər,
bir şərtlə ki, bu şəkildə ayırma mümkün olsun və ya qanunla qadağan
edilməsin.
Mirasın bölüşdürülməsi ilə əlaqədar miras şəriklərinin üzərinə
qanunvericiliklə müəyyən subyektiv vəzifələr də qoyulmuş
486
XXY fəsil. Mirasın qəbulu, qorunması və kreditorların təmin olunması
dur. Bu vəzifələr olduqları yer məlum olmayan vərəsələrin yerinin
müəyyən olunması və onların paylarının ayrılması ilə əlaqədardır.
Belə ki, AR MM-in 1300-cü maddəsində əksini tapan qaydaya görə,
əgər vərəsələr arasında olduqları yer məlum olmayan şəxslər
vardırsa, qalan vərəsələr onların olduqları yerin müəyyənləşdirilməsi
və vərəsəliyə çağırılması üçün ağlabatan tədbirlər görməyə
borcludurlar. Ağlabatan tədbirlər dedikdə, vərəsənin bütün mümkün
yaşayış yerlərinə, iş yerinə, yaxın qohumlarına, vərəsənin olduğu yer
barədə məlumat verə biləcək ünvanlara bildirişlərin göndərilməsi
nəzərdə tutulur.
Əgər vərəsəliyə çağırılmış, yerində olmayan, lakin olduğu yer
müəyyənləşdirilmiş vərəsə mirasdan üç ay ərzində imtina etməzsə,
digər vərəsələr mirası bölüşdürmək niyyətləri barəsində ona bildiriş
göndərməlidirlər. Bu cür vərəsə bildirişdən sonra üç ay ərzində
özünün əmlak bölgüsü haqqında razılaşmada iştirak etmək arzusu
barəsində digər vərəsələrə məlumat verməzsə, digər vərəsələr
qarşılıqlı razılaşma üzrə əmlakı bölüşdürə bilər və yerində olmayan
vərəsənin payını ayıra bilərlər. Miras açıldıqdan sonra altı ay ərzində
qaib vərəsənin olduğu yer müəyyənləşdirilməzsə, yəni göndərilmiş
bildirişlər bir nəticə verməzsə və mirasın qəbulundan imtina
barəsində ondan bir xəbər alınmazsa, digər vərəsələr AR Mülki
Məcəlləsinin 1301.2-ci maddəsində müəyyənləşdirilmiş qaydada
əmlakı bölüşdürə bilərlər. Göstərilən müddətlər mirasın qəbulu üçün,
AR MM-in 1246-cı maddəsində müəyyən olunmuş müddətlərə
uyğundur.
Miras əmlakın bərabərləşdirilməsi ilə əlaqədar vərəsələrin
subyektiv hüquq və vəzifələri bizim qanunvericilikdə çox məhdud
şəkildə təqdim olunmuşdur. Iş ondadır ki, AR MM-in cəmi üç
maddəsində (1297-1299) miras əmlakın bərabərləşdirilməsi ilə
əlaqədar qaydalar əksini tapır və bu da həmin institutun mahiyyətini
açıqlamağa imkan vermir. Bu münasibətlərə aid olan 1295 və 1296-cı
maddələr isə hər hansı bir səbəbdənsə qüvvədən düşmüşdür.
487
Rüfət Göyüşov
Bu məsələnin təhlili məqsədilə Almaniya Mülki Nizamnaməsinə
müraciət edilməsinin zəruri olduğunu düşünürük. Almaniya Mülki
Nizamnaməsinin 5-ci kitabının 2050-2057-ci paraqrafları' məhz
miras əmlakın bərabərləşdirilməsi ilə əlaqədar məsələlərin təhlilinə
həsr olunub. Həmin qanunvericiliyin 2050-ci paraqra- fmda əksini
tapan qaydaya görə, qanun üzrə vərəsəliyə çağrılan vərəsələr miras
əmlak onlar arasında bölüşdürülərkən miras qoyandan sağlığında
ayırma şəklində aldıqları əmlakı nəzərə almalıdırlar. Nəzərə
almalıdırlar dedikdə, yəni bu əmlakın miras əmlak kütləsinə daxil
edilməsi başa düşülür. Lakin miras qoyan sağlığında bu ayırmalar
haqqında ayrı qayda nəzərdə tuta bilər.
Ayırma şəklində alınan əmlak dedikdə, adətən, təhsil və ya
müalicə üçün verilən pul, gəlirin əldə olunması üçün verilən
subsidiyalar, övladının evinin təmiri üçün verilən pul və s, başa
düşülür. Sadalanan əmlaklar miras əmlaka o zaman daxil edilə bilər
ki, onlar miras qoyanın ümumi əmlak vəziyyətinə təsir etmiş olsun və
bu vəziyyətə adekvat olan həddi aşmış olsun. Miras qoyanın
sağlığında verilmiş digər əmlak ayırmaları hesaba alınmalı və onların
siyahısı aparılmalıdır.
Almaniya Mülki Nizamnaməsinin 2052-ci paraqrafımn
qaydalarına əsasən, əgər miras qoyan vəsiyyətnaməsində vərəsələrin
paylarını qanun üzrə vərəsəlikdə müəyyən olunan paylar şəklində
müəyyən edərsə, o zaman vəsiyyət üzrə vərəsələr də eyni vəzifələri
daşıyırlar. Yəni bu halda vəsiyyət üzrə vərəsələr də yuxarıda
göstərilən qaydalara uyğun olaraq miras əmlakın bərabərləşdirilməsi
məqsədilə ayırma şəklində əldə etdikləri əmlakı mirasa daxil
etməlidirlər.
Bu prosesin əksi də ola bilər, belə ki, miras qoyanın vərəsələri
uzun müddət ərzində miras qoyanın peşə və kommersiya fəa-
' Гражданское уложение Германии. Пер. с. Нем. В.Бергман, науч. редактор -
А.Л.Маковский и.др. - М.: Волтере Клувер, 2006, стр.512-513.
488
Dostları ilə paylaş: |