ON SOZ
Azərbaycan Respublikası Mülki hüququnun “Öhdəlik hüququ”
yanmsahəsinin - “Müqavilələrdən əmələ gələn öhdəliklər”,
“Hesablaşma öhdəlikləri”, “Müqavilədən kənar öhdəliklər”
institutlarına və “Vərəsəlik hüququ” yarımsahəsinə həsr edilən bu
kitab ali məktəblər üçün dərs vəsaitlərinə qoyulan tələblər əsasında
yazılmışdır.
Bu kitabda mülki hüquq münasibətlərinin yaranmasında aparıcı
yer tutan və həyatın müxtəlif sahələrində geniş tətbiq edilən
müqavilələrdən əmələ gələn əmlakın mülkiyyətə və ya istifadəyə
verilməsi, işlər görülməsi və xidmətlər göstərilməsi üzrə
münasibətləri tənzimləyən mülki hüquq normalarına aydınlıq
gətirilmiş, həmin müqavilələrin mahiyyəti, onları təşkil edən ünsürlər
açıqlanmışdır.
Sahibkarlıq fəaliyyətində və sərbəst bazar iqtisadiyyatının
inkişafında müstəsna əhəmiyyəti olan bu mülki hüquq normalarının
düzgün dərk edilərək qanuna uyğun tətbiq edilməsinə yardım
göstərmək üçün biz müxtəlif mənbələrə - milli və xarici
qanunvericiliklərə, Roma hüququna, elƏLo də müxtəlif elmi
ədəbiyyatlara müraciət etməklə göstərilən hüquq normalarının həm
elmi anlayışını, həm də praktiki tətbiq qaydalarını işıqlandırmağa
cəhd etmişik.
Eyni zamanda göstərilənlərlə bərabər, bəzi hallarda Azərbaycan
Respublikası Mülki Məcəlləsində yol verilmiş nöqsanların aradan
qaldırılması, mülki-hüquqi normanın düzgün anlaşılması və vahid
qaydada tətbiqi üçün bir sıra tövsiyələr vermişik.
Rüfət Göyüşov
Oxuculara təqdim etdiyimiz bu dərs vəsaitində dərslik,
monoqrafiya, kommcntariya və nəzəri məsələlərin təhlili üslubuna
riayət edildiyindən və bu məsələlər üzvi surətdə əlaqələndirildiyindən
hesab edirik ki, bu kitab həm mülki hüquq sahəsində ixtisaslaşan
mütəxəssislər üçün, həm də sahibkarlıq sahəsində çalışan şəxslər
üçün dəyərli vəsait olacaqdır.
Hazırladığımız dərs vəsaitinin ən mühüm məziyyətlərindən biri
onun qısa, konkret və sadə dildə yazılmasıdır. Məhz göstərilən
keyfiyyətləri sayəsində hesab edirik ki, oxuculara təqdim edilən bu
dərs vəsaiti həm ali məktəblərin hüquq fakültələrinin müəllimləri,
tələbələri, doktorantları üçün, həm də hüquq tətbiqi fəaliyyəti ilə
məşğul olanlar, yeni iqtisadi münasibətlər şəraitində çalışan
sahibkarlar və mülki hüquq münasibətlərinin iştirakçıları olan bütün
fiziki və hüquqi şəxslər üçün faydalı olacaq və onların stolüstü
kitabına çevriləcəkdir.
Müəllif
I fəsil. Alqı-satqı müqaviləsi
I
BOLMƏ.
ƏMLAKIN MÜLKİYYƏTƏ
VERİLMƏSİ İLƏ ƏLAQƏDAR OLAN MÜQAVİLƏLƏR
I FƏSİL. Alqı-satqı müqaviləsi
1.1.
Alqı-satqı müqaviləsinin anlayışı,
əlamətləri və mülki qanunvericilikdə yeri
Alqı-satqı müqaviləsinin tarixi aspektləri. Alqı-satqı
müqaviləsi öhdəlik hüququ yarımsahəsinin ən geniş hüquqi
tənzimləməyə məruz qalan müqavilələrindən biridir. Alqı-satqı
müqaviləsindən irəli gələn münasibətlərin tənzimlənməsinin bizə
məlum olan tarixi dörd min il əvvələ aiddir. Hələ klassik Roma
hüququnda empitio-venditio kimi adlanan alqı-satqı müqaviləsinə
görə, bir tərəf - satıcı (venditor) digər tərəfin alıcının mülkiyyətinə
əşyanı, mah (merx) verməyi, digər tərəf - alıcı (empi- tio) isə satıcıya
müəyyən pul məbləğini (premium) ödəməyi öhdəsinə götürür'.
Hüquq sistemlərinin çox əsirlik inkişaf tarixi boyunca alqı- satqı
müqaviləsi təbii seçim qaydasında təsadüfi normalardan təmizlənmiş
və daha əsaslı, keyfiyyətli normalarla əvəz olunmaqla bugünkü
inkişaf səviyyəsinə çatmışdır.
Alqı-satqı müqaviləsi, ümumiyyətlə, müqavilələrdən yaranan
öhdəliklər hüququ institutunun formalaşmasına və inkişafına böyük
təsir göstərmişdir. Bunun nəticəsi olaraq alqı-satqı müqaviləsini
tənzimləyən hüquqi normalar digər bir çox hüquqi əqdlər üçün də
ümumi xarakterli qaydalar şəklində tətbiq olunur. Tarixi as-
'
C
M
.: Римское частное право /Под ред. И.Б.Новицкого и И.С.Перетер- ского.
М.: Юрист, 2002.
5
Rüfət Göyüşov
pektdən yanaşsaq, demək olar ki, öhdəlik hüququnun xüsusi hissəsi
məhz onun inkişafı sayəsində yaranıb'.
Bu gün alqı-satqı müqaviləsi mülki dövriyyənin ən geniş
yayılmış müqaviləsidir. Maddi nemətlərin əmtəə formasında
dövriyyəsi hər bir öhdəliyin əsasını təşkil edir. Göstərilən əlamətlər
ən açıq şəkildə alqı-satqı müqaviləsində əksini tapmaqla bu
müqavilənin məzmununu formalaşdırır.
Alqı-satqı müqaviləsinin beynəlxalq hüquqi tənzimlənməsi.
Al- qı-satqı müqaviləsi beynəlxalq iqtisadi münasibətlərdə, ölkənin
xarici ticarət əlaqələrində əhəmiyyətli rol oynayır. Bu müqavilə
münasibətlərinin tənzimlənməsi üçün bir sıra beynəlxalq saziş və
konvensiyalar qəbul olunmuşdur ki, onlarında arasında əsas yeri
BMT-nin
"Əmtəələrin beynəlxalq alqı-satqısı müqavilələri
haqqında" Konvensiyası tutur. Bu Konvensiya 1980-ci ildə BMT-nin
xüsusi konfransında işlənib hazırlanmışdır. Konfrans Vyana
şəhərində keçirildiyi üçün o. Vyana Konfransı adlandırılmışdır.
Sabiq SSRİ həmin Konvensiyaya SSRİ Ali Sovetinin qərarı ilə
1990-cı ildə qoşulmuşdur.
Qeyd olunan Konvensiya dünya miqyasında alqı-satqı
proseslərinin unifikasiya olunmuş (vahid şəklə salınmış) qaydalarını
nəzərdə tutur. Bu qaydalar müxtəlif ictimai, iqtisadi və hüquqi
sistemlərə malik olan bir çox ölkələr üçün münasib olmaqla
beynəlxalq ticarətdə hüquqi maneələri aradan götürə bilər.
Vyana Konvensiyasının məqsədi beynəlxalq alqı-satqını tənzim
edən milli qanunvericiliyin unifıkasiyasma (vahid şəklə salınmasına)
kömək göstərməkdir. Konvensiya əsasən aşağıdakıları nəzərdə tutur:
- mallar üzrə beynəlxalq alqı-satqı müqavilələrinin bağlanması və
istifadə edilməsini eyni formada tənzimləyir;
' Гражданское право: Учебник / Под. ред. А.П.Сергеева, Ю.К.Толстого. Том
2. М.: Проспект, 2003, с.223.
Dostları ilə paylaş: |