Rüblük ädäbiyyat därgisi
5
Yazıçı kimdir?
Sosialist realizminə görə yazıçı “formaca mil-
li, məzmunca sosialist” ədəbiyyatın yaradıcısı və
ölkəsinin ideologiyasına xidmət edən bir şəxs idi. Bun-
dan kənara çıxan xalq düşməniydi.
Soljinitsin kimi,
Pasternak kimi, Brodski kimi... İndi bu çevrəni yara
bildikləri üçün əslində yazıçı da onlar hesab olunur.
Bizdə bu nümunə yox kimidi, demək... Daha bunun
deməyi, filanı yox ki. (Hər zaman olduğu kimi istisna
var: Cavid Əfəndimim timsalında. İstisna isə zülmətin
boğa bildiyi ulduz axınına bənzər.)
Ruslar bizə işğalçı kimi gəlmişdilər, fəqət özləri
də bilmədən Şimali
Azərbaycanda maarif, elm qapı-
sına düşən açar salıb getdilər. M.F.Axundovun onlara
sədaqətlə xidmət etməsinin səbəbini biz bax bu yöndən
görəndə başa düşürük. Sənin totpağını işğal edən
səndən yüz il qabaqdadırsa, demək səni özü ilə yüz il
irəli sürüyəcəkdir. Bu gün Güney Azərbaycana bax-
maq kifayətdir ki, sözümüzün doğruluğunu anlayaq.
(Əlbəttə, bunun yüz cürə pislikləri, mənfilikləri də var,
amma tərəqqinin qabağında onlar xırda məsələdir.)
Böyük Nerudanın söz haqqında yazısı var. Həmin
yazıdan kiçik bir sitat fikrimizi isbatlayır: “...Barbar-
lar isə çəkmələrindən, saqqallarından, dəbilqələrindən,
atlarının nallarından bərq
vuran sözlər töküb gedirdilər,
onlar bizdə qalır və işarırdı… Bu dil idi… Biz məğlub
olduq… Biz qələbə çaldıq… Onlar bizdən qızıl alıb
apardılar, amma elə qızıl da qoyub getdilər… Onlar
bizim hər şeyimizi aldılar, ancaq elə hər şey də qoyub
getdilər. Onlar bizə sözləri qoyub getdilər...”
Əslində yazıçının heç kim qarşısında heç bir
öhdəliyi-filanı yoxdur. O bir özünə, bir allahına (əgər
onunçün o da varsa), bir də qələminə (indi kompüterinə)
cavabdehdir. Ona görə yazıçı öz hücrəsinə çəkilib yaz-
mağa başlayanda heç kimlə məsləhətləşmir, heç kimdən
icazə almır, demək sonda
bu azad adamdan nəsə um-
maq absurddur. Ah-ha. Demək yazıçı hər mənada azad
adamdır, nədən ki, onun heç hansı ölkənin vətəndaşı
olduğu da bəlli olmaz. Əgər onun əsərindəki ölkənin
adı tamam ayrı bir yerdirsə, qəhrəmanı tamam başqa
bir fərddirsə, təbir caizsə yazıçının milliyyəti də bəlli
olmaz. (Orası da var ki, yeri gələndə yazıçı qədər
milli, yazıçı qədər bəşəri ikinci birisini tapmaq qeyri-
mümkündür. Ortada Sabir, Mirzə Cəlil nümunəsi var!)
Bu palitranı bir az da tündləşdirmək olardı,
nə demək
istədiyimi bilənlər bildi. Amma ki bir məsələ açıq qa-
lır: biz şərqlilər hər mənada yazıçıdan öz umduğumuz
əsəri ala bilməyəndə onu ya oxumuruq, bu cəhənnəmə,
onu ya söyürük, ya da linc edirik. Dərisinin soyulub
soyulmamasından asılı olmayaraq ortada “soyun ey
murdar sallaxlar Nəsiminin tənini” deyən bir Nəsimi
nümunəsi var. M.F.Axundovun, Sabirin başına açdıq-
larımızı allah heç bir qələm sahibinə göstərməsin.
Burası da var ki, yazıçılar (bura digər yaradıcı
adamları da əlavə edə bilərik) bəzən özü öz azadlığı-
nı məhdudlaşdıran addımlar atır. Buna daxili senzura
deyirlər ki, belədə onun iç dünyasının tələbatı kimi bu
da qəbul ediləndir – hər mənada riyakarlıq faktı ortada
olsa da.
Amma
o da var ki, bəzən HÜCRƏ-nin qanunlarıy-
la sənətkarın yaşadığı MÜHİT baş-başa gələndə anla-
şılmazlıqlar, hətta katostrafik nəsnələr baş verir.Necə?
Gətirdiyimiz nümunələr bunu yaxşı əks etdirəcək,
etdirməyəcək, bilmirəm. Bir onu bilirəm ki, yazı adamın-
dan olduğundan artıq şey ummaq hər mənada zor işidir.
Sartr haqqında bir yazı oxumuşdum çox-çox illər
əvvəl. Onun məşhur humanizm məktəbinin müdavimi
olan amerikan tələbəsi bir gün böyük humanistin yanı-
na gəlib deyir:
-Atam vəfat edib, mən icazə verin, gedim okeanın
o tayına, atamın dəfnində iştirak edim.
Böyük filosof təəssüflə deyir:
-Gedin və bir daha qayıtmayın.
Tələbə təəccüblə filosofa baxır. Onda Sartr deyir:
-Siz neçə ildir
humanizm məktəbinin müdavi-
misiniz. Amma başa düşməmisiniz ki, atanın dəfninə
getmək üçün icazə almaq humanizm prinsiplərinə yad-
dır. Sizdən humanist çıxmaz.
Baş redaktordan
YAZIЧI AZADLIĞI, ƏDƏBİ HƏRİSLİK,
SƏNƏTKAR RAHATLIĞI VƏ ANTİ-HUMANİZM
N1(6) mart 2013
6
***
L.N.Tolstoy xəstə yatan Çexova baş çəkməyə
gəlir. Bu o zamandır ki, yazıçı çan verir. Yazıçı marağı
insani duyğulara üstün gəlir. Oturub insanın necə öl-
düyünü, ölümqabağı hansı əzablar çəkdiyini müşahidə
etməyə başlayır. Qarşısında
can verənin bir həkim, bir
yazıçı olduğunu unudur, ona sadəcə obyekt kimi ba-
xır.
***
Mirzə Cəlil yazı yazanda, əsər üzərində düşünəndə
heç nə eşitmək istəmirmiş. Hətta doğma balasının da
səsi yazıçıya mane olduğundan az qala körpəni quyu-
ya atmaq istəyib.
***
Saytlarda getmiş bir şəkilli xəbər bütün oxucular-
da şok effekti yaratmışdı.
Gördüyünüz fotonu çəkən insan,
foto sərgisində
birinci yerə çıxıb və külli miqdarda pul əldə edib.
Üstündən bir müddət sonra o intihar edib və ölümündən
öncə yazdığı məktubda belə yazılıb: "O zənсi uşaq
ac və susuz, köməksiz vəziyyətdə idi. Mən bunu gö-
rürdüm və anbaan bu mənzərəninşəklini çəkirdim,
mənimlə yanaşı bir quzğun da onu izləyirdi. BMT-nin
kampına 100 metr qalmışuşaq taqətdən düşdü və canı-
nı tapşırdı. Quzgun isə onun cansız bədənini parçaladı.
Mən onu kampa çatdıra bilərdim, amma insanlığımı
sənətimə qurban verdim. Vicdanım
imkan vermir ya-
şayım. Buna görə insanlardan üzr istəyirəm...."
***
Və Əkrəm Əylisli “Daş yuxular”ı yazdı. Düzmü
elədi, ya səhvmi, bu barədə başı çıxan da, başı çıx-
mayan da yazıb, mən yazıb bir az da köhnə palan içi
tökməyəcəyəm. Sadəcə Əkrəm Əylisli bir şeyi qarış-
dırmışdı: boynuna xalq yazıçısı adını götürən şəxs,
özünün bir sıra hüquq və azadlıqlarından imtina etməli
olduğunu bilməliydi. Bax, bu çox vacib şərtdir.