202
2.
Tələbatın müəyyən edilməsi;
Bazarın əsas prinsipi nəyi, kim üçün, nə qədər istehsal etməyi
müəyyən etməkdir. Adətən məhsulun alıcısının seçilməsi qiymətqoymada
mühüm rol oynayır. Bu da çox zaman bazarın növündən və alıcıların
qiymətə qarşı həssaslığından asılı olur. Alıcı həssaslığını müəyyən edən
faktorlara da aşağıdakılar daxildir.
-
Məhsulun əvəedicisinin olması və onun qiyməti;
-
Məhsulun nadirliyi;
-
Məhsulun müqayisəsinin çətinliyi;
-
Məhsulun sonrakı xərcləri;
-
Məhsulun bahalılığı;
-
Qiymət vasitəsilə keyfiyyətin müəyyənliyi;
-
Məhsulun əldə edilməsi nə çəkilən xərclər.
3.
Xərclərin təhlili;
Məlumdur ki, qiymətin yuxarı həddini tələbat müəyyən edir, aşağı
həddini isə sabit və dəyişən xərclər. Bunların da üstünə mənfəəti gəlmək
lazımdır ki, optimal qiyməti müəyyən etmək mümkün olsun.
4.
Rəqiblərin qiymətlərinin təhlili;
Rəqibləri və onların əmtəələrinin qiymətinin fərqli xüsusiyyətlərini,
çatışmayan mənfi və müsbət cəhətləri müəyyən edilməlidir.
5.
Qiymətqoyma metodunun seçilməsi;
Adətən üç səviyyədən biri - minimal, maksimal, optimal seçilir.
6.
İlkin qiymətin qoyulması.
Yuxarıdakı mərhələlər, firmanın qiymət siyasətinə və strategiyasına
uyğun olaraq reallaşdırılır.
203
Məhsulun qiyməti müəyyən edildikdən sonra onun idarə edilməsi
mərhələsi başlayır. Bu zaman yuxarıda qeyd edilən amillərə yanaşı, kənar
təsirləri və məhsulun həyat dövrü nəzərə alınmalıdır ki, bunların hər
birində risk və qeyri-müəyyənlik vardır.
Sahibkar daim qiymətin səviyyəsinin dəyişməsinin mənfəətə
təsirini diqqətdə saxlamalı və buna uyğun olaraq, maliyyə, marketinq
siyasətini həyata keçirməlidir.
Çünki məhsulun qiymətinə təsir edən amillər - dəyər, alıcı, rəqib,
bazar kanalları, satış coğrafiyası müxtəlifdir.
Məhsulun həyat tsiklinin xarakterlərinə baxaq.
-
Məhsulun yaradılması (bu zaman sınaqc üçün qiymətlər qoyulur);
-
Bazara
çıxarılması (məhsula tələbatın yüksək olduğu
aşkarlanarsa, qiymətlər qaldırılır);
-
Məhsulun satış dairəsinin genişlənməsi və artımı (stimul
yaratmaq məqsədilə ikinci mərhələdəkinə nisbətən aşağı qiymət qoyulur);
-
Bazarın basılması (məhsuldan bazarda o qədər çox olur ki,
məhsulun anbarda yığılıb qalmaması üçün daha aşağı qiymət qoyulur);
-
Tənəzzül, köhnəlik (bu mərhələdə marketinqə heç bir xərc
çəkilmir, konservativ alıcılar üçün qalıq məhsullar satılır, rəqiblərin
müəssisəni sıxışdırıb çıxarmaması üçün paralel olaraq bazara yeni məhsul
buraxılır).
Rəqabətli bazarda gələcəyin qeyri-müəyyən olması qiymətqoyma
prosesinin hər pilləsində xarici və daxili amillərin diqqətlə nəzərdən
keçirilməsini və yarana biləcək kənarlaşmaların əvvəlcədən nəzərə
alınmasını tələb edir.
204
Məhsulun qiymətinin müəyyən edilməsi və bazara çıxarılması
üçün SWOT təhlilin aparılması gələcəkdə qarşıya çıxa biləcək risklərin
əvvəəlcədən müəyyən edilməsinə kömək edir. Bu üsuldan bir sıra
məsələlərdə, o cümlədən məhsulun qiymətqoyma prosesində istifadə
edirlər. Bununla, firma özünün həm güclü, həm zəif tərəflərini bilməklə,
gələcəkdə riskləri proqnoz etmək imkanına malik olur. Proqnoz mümkün
olduğu təqdirdə gələcəkdə itkilərin azaldılması üçün alternativlətin
indidən hazırlanması mümkün olur.
SWOT təhlili zamanı aşağıdakı bir sıra cavab verilməli və bu
zaman firmanın bütün tərəflərini tanıyan ekspertlərinin, əmkdaşlarının
iştirakı ilə beyin hücumunun aparılması şərtdir. Bu zaman aşağıdakı
suallar cavablandırılır.
-
Güclülük (strongness) - firmanın və xüsusi halda isə məhsula
qiymət qoyularkən əldə olunmuş güclü tərəflər axtarılıb tapılır.
Bunu rəqiblərlə müqayisədə etmək daha effektiv olur. Bu
xüsusiyyətləri daim nəzərdə saxlamaq və yeri gəldikdə bazarda
istifadə etmək gərəkdir. Güclü tərəflərə firmanın sahib olduğu işçi
qüvvəsini, xammal ehtiyatını, malik olduğu digər resursları daxil
etmək mümkündür.
-
Zəiflik (weakness) - firmanın zəif tərəfləri, xüsusi halda
gələcəkdə əldə etmək istədiyi xüsusiyyətlər daxildir. Bunları
rəqiblərdən gizlətmək, gələcəkdə isə güclü tərəfə çevirməyə
çalışmaq lazımdır. Zəif tərəflər firmanın strategiyasının
olmaması, və ya işçilərinin hansısa səbəbdən işdən ayrılmasını və
s. göstərmək olar.
205
-
Imkanlar (opportunities) – firmanın həmin qiymətdə məhsulu
bazara çıxarmaqla əldə etdiyi imkanlar daxildir. Yen hazırda
onun malik olduğu xüsusiyyətlər deyildir, lakin firmanın imkanı
var ki, mövcud imkandan istifadə etməklə məqsədinə çatsın.
Məsələn marketinq təhlili aparan şirkət hansısa bazarda onun
məhsuluna olan boşluğu görür və bunu istehsal etməyə başlayır.
-
Maneələr, təhkükələr (threats) – buraya firmanın zəif
cəhətlərindən doğa biləcək, və ya proqnozlaşdıra və idarə edə
bilmədiyi məsələlər, o cümlədən risklər daxildir. Bu bölmədə
firma cari və gələcək riskləri müəyyən etməli və onların
azaldılması üçün plan qurmalı və hazırlıqlı olmalıdır.
Göründüyü kimi, bu təhlil metodundan istifadə etməklə firma
gələcəkdə yarana biləcək riskləri görə və onların nəticələrinin
yumşaldılmasına çalışa bilər. Lakin əgər risk istehsal olunmuş məhsulun
qiymətinin idarə olunması ilə bağlı olduqda firma marketinqdə istifadə
olunan qiymət siyasətindən istifadə edə bilər. Bunlardan bir neçəsinə
baxaq.
Əgər firma istehsal etdiyi məhsula olan tələbi təyin edə bilmirsə,
bu
zaman
qeyri-müəyyənliklə
üzləşir.
Qeyri-müəyyənliyin
modelləşdirilməsi üçün ən çox istifadə edilən üsullardan biri potensial
müştərilərin tiplərinin ayrılmasıdır. Məsələn, divar saatı istehsal edən
firma marketinq tədqiqatı aparır və məlum olur ki, onun iki tip
istehlakçısı vardır: məhsulun hər ədədinə 8 manat verməklə yüksək dəyər
verən müştəri və 5 manatla aşağı dəyər verən müştəri. O da məlumdur ki,
hər tip müştərinin sayı eynidir. Bu zaman firmanın iki seçimi olur.
Dostları ilə paylaş: |