49
öyrənmişdir. Belə ki, o, İbn Əbil Fəth Bəli (709 h.q ildə vəfat edib) və
Məcduddin Tunisinin (818 h.q ildə vəfat edib) huzurunda ərəb
ədəbiyatını, o cümlədən Əbul Bədanın “Əl-müləxxəs”ini, İbn Malikin
“Əlfiyyə”sini, İbn Usfurun “Kafiyətuş-şafiyə” və “Əl-müqərrib”
kitabının bəzi hissələrini Məcduddin Sərrafinin yanında (729 h.q ildə
vəfat edib) oxumuş, fiqhi kitablardan Əbül Qasim Hərəqinin “Müxtəsər”,
İbn Qüdamənin “Əl-muğni” kitablarını öyrənmiş, üsul və kəlamı
Səfiyuddin Hindidən dərs almışdır. Eləcə də Fəxri Razinin “Əl-ərbəinu
vəl-mühəssəl” kitabını onun yanında oxumuşdur... İbn Şirazidən, İbn
Məktumdan, ibn Əbdid Daimdən, Təqiyuddin Süleyman Mütimdən,
Şahabuddin Nablusidən və İbrahim ibn Məhəmməd ibn Cövhərin qızı
Fatimədən hədis eşitmişdir. Əgər Mərağinin dedikləri düzgün olsa, İbn
Qəyyim İbn Teymiyyənin hüzuruna çatmazdan əvvəl, yəni 712-ci hicri
ilindən əvvəl sufiliklə də tanış idi və sufiliyə meyl göstərirdi. Bütün
bunlarla belə, İbn Qəyyimin öz yazılarından və başqalarının onun
barəsindəki uzun və ya qısa söhbətlərinin məcmusundan aydın olur ki,
onun
təhsili cavanlığının sonlarına yaxın dövrdə çiçəklənib
təkmilləşmişdir. Yəni İbn Qəyyim 21 yaşında ikən İbn Teymiyyənin
Qahirədən Dəməşqə qayıtdığı 712-ci ildə ona qoşulmuş və onunla 16 il
bir yerdə olmuş və ondan çox faydalanmışdır...
1
Həqiqətdə İbn Qəyyim, İbn Teymiyyənin ən fəal və işgüzar
şagirdlərindən sayılırdı. Hətta bəziləri onu İbn Teymiyyənin
səhabələrinin başçısı hesab etmişlər
2
. O, öz ustadının bütün fikir və
əqidələrini qeydsiz-şərtsiz qəbul etmiş və onun xüsusi şəxsiyyətini
qorumaqla yanaşı, həm də onun sözlərini nəql edərək yaymışdı. O da
ustadı kimi dövrünün bütün elmlərində (təfsir, hədis, üsul və firui-fiqh)
məharətli idi və “onun kimi, İbn Ərəbinin təlimlərindən qaynaqlanan
ittihadiyyə yolu ilə qəti şəkildə müxalif idi. Lakin onun əksinə olaraq
sufilikdən çox təsirlənmişdi və o dövrdə İslam ölkələrində çox şöhrətə
malik olan Xacə Əbdüllah Ənsarinin “Mənazilüz-zairin” kitabına xüsusi
maraq göstərirdi. İbn Qəyyim öz ustadına nisbətən çox az mübahisə
edirdi. Lakin o əksər hallarda mövizə edərdi.”
3
Şagirdin ustadından (İbn Qəyyimin İbn Teymiyyədən) təsirlənməsi
barəsində “Əd-dürərul-Kaminətu” kitabında belə nəql olunur: İbn
Teymiyyənin məhəbbəti İbn Qəyyimə o qədər təsir etmişdi ki, onun
sözlərindən heç bir vəchlə kənara çıxmır, bütün işlərdə onun sözü ilə
kifayətlənirdi. Məhz o, ustadının kitablarını təhzib edərək (müəyyən
1
“Böyük İslam Enskilopediyası”, 4-cü cild, səh.498-499
2
Həmin mənbə, səh.499
3
Himməti, Həmayun, “Vəhhabigəri”, səh.76
50
qədər xülasələndirərək) elmini yayırdı.” Bu barədə doktor Nəzar Rza,
İbn Qəyyimin yazdığı “Əxbarun-nisa” kitabının müqəddiməsində belə
yazır: “O İbn Teymiyyədən ən çox bəhrələnmiş, onun sözlərini və
təfəkürünü qəbul etmiş və fikirlərini yaymağa başlamışdı. O, ustadı ilə
əməl və rəydə şərik idi.”
1
İbn Qəyyim İbn Teymiyyənin düşüncələri, rəyləri və təlimatı ilə tanış
olduqdan sonra onun sözlərindən təsirləndiyinə görə Xəlilullahın (ə)
məqbərəsinin ziyarətinə getmək səfərini inkar etdi və buna görə də həbs
edildi. Bu hadisə 726-cı ildən qabaq baş verməliydi. Çünki, bu dövrdə
bir daha olaraq ustadı İbn Teymiyyənin təəssübkeş fikir və rəyləri
xatirinə Dəməşq qalasında həbs edilmişdi “və məhz həmin zindanda İbn
Qəyyim Quran ayələrində dərindən fikirləşməyə başlamışdır.”
2
728-ci hicri ilində İbn Teymiyyə öldükdən sonra İbn Qəyyim də
zindandan azad edildi. Onun zindandan azad olduğu dövrdən Şam
karvanı ilə həcc səfərinə getdiyi 731-ci ilə qədər mövcud şərait barəsində
dəqiq məlumat yoxdur.
3
Amma aydındır ki, “ona maneçilik törədilirdi.
Çünki, ölkənin dövlət adamları İbn Teymiyyənin yeni hənbəli məzhəbi
müqabilində maneçilik törədirdilər.”
4
Bu maneçiliklərə baxmayaraq
hənbəlilər onu İbn Teymiyyənin ən vəfalı və doğruçu nümayəndəsi hesab
edərək “Covziyyə” mədrəsəsində onun imaməti ilə namaz qılırdılar.
Bundan əlavə, İbn Qəyyim bu illərdə özünün bəzi əsərlərini yazmağa səy
göstərirdi. İbn Teymiyyənin ardıcılları olan bəzi hənbəlilər də onun
fətvalarını aşkar etmək üçün ona müraciət edirdilər. Ehtimal verilir ki,
həmin illərdə onun dərs məclisləri də bərqərar olurdu.”
5
Belə ki, 736-cı il
rəcəbin 2-də ilk dəfə olaraq Nəcmuddin ibn Xalixanın Dəməşqin Ğutə
bağlarında “Tuma” və “Şərqi” qapısının darvazasının kənarında tikdiyi
məsciddə xitabə söylədi.
6
Şübhəsiz, İbn Teymiyyənin dərsləri 743-cü qəməri ilində daha ümumi
və rəsmi xarakter aldı. “Çünki, həmin ilin səfər ayından etibarən, onu
hənbəlilərin Dəməşqdəki mədrəsələrindən digər bir mühümü sayılan
“Sədriyyə” mədrəsəsində tədrislə məşğul olduğunu görürük.”
7
O, bu
mədrəsədə tədris etdiyi vaxt İbn Teymiyyənin fətvalarının bəzilərini
xatırladırdı. Bu da onun Təqiyuddin Səbki kimi ən böyük
1
Həmin mənbə, səfh9
2
“Böyük İslam Enskilopediyası”, 4-cü cild, səh.494
3
Demişlər ki, Əmir İzzuddin Abikin rəhbərliyi ilə Şamın həcc karvanında bir çox
fəqihlər və mühəddislər də onlarla yanaşı idi. (“Vəhhabigəri”, Himməti, səh.77)
4
Himməti Həmayun, “Vəhhabigəri”, səh.77
5
“Böyük İslam Enskilopediyası”, 4-cü cild, səh.499
6
Himməti Həmayun, “Vəhhabigəri”, səh.77
7
“Böyük İslam Enskilopediyası”, 4-cü cild, səh.499
Dostları ilə paylaş: |