Şəfəq dolu bir nəğmə 1

Əyyub Sabiroğlu 

 

 

62 

 

                    Yeni il 

 

Yenə ömrümüzə güldü yeni il! 

Yaşımız üstünə bir il də gəldi. 

Əziz dost,  gül,  oyna,  qəm yeri deyil,  

Çox da ki,  ömrümüz bir il gödəldi. 

 

İllər gəlib -keçər,  dolarıq yaşa. 

Bir də görəcəksən ömrün qışıdır. 

Qəmdən uzaq dolan,  firəvan yaşa,  

Həyat həm sevincdir,  həm göz yaşıdır. 

 

                                            01.01.1979 

 

            

               

 

                   

 

 

 

 

 

---

Şəfəq dolu bir nəğmə 

 

 

63 

 

Bahar 

 

Bir azdan kürkünün ətəklərini  

Dağların başına qış çəkəcəkdir. 

Ilin bahar  adlı gözəl  gəlini  

 Yeri nəfəsiylə isidəcəkdir. 

 

Yenidən bozumtul dağ yamacları  

Öz yaşıl donuna bürünəcəkdir. 

Dağların döşüylə zirvəyə sarı 

Bulud karvanları sürünəcəkdir. 

 

Özgə don geyəcək bütün kainat,  

Hər şey gözümüzdə  gözəlləşəcək. 

 Nəğməyə dönəcək  büsbütün həyat  

Yaşmaq eşqimiz tüğyan edəcək.  

 

 

 

 

  

 

 

---

Əyyub Sabiroğlu 

 

 

64 

 

                 Keçdimi 

 

Samur çayı,  səndən sual eylərəm: 

Bu körpüdən dağlar qızı keçdimi? 

Qara gözlü,   qara zəncir hörüklü 

Dağıstanın ağlar qızı keçdimi? 

 

Uşaqlıqdan mən o gülü sevmişəm,  

Öz dərdimə onu dərman bilmişəm,  

Bu  yerlərə yarı deyib gəlmişəm,  

Söylə,  burdan dağlar qızı keçdimi? 

                                                              1979 

         

 

         

 

                       

 

 

 

 

              

            

---

Şəfəq dolu bir nəğmə 

 

 

65 

 

             Ġlk nəğmə 

 

Günlərin bir günü nalə çəkərək,  

Sevirəm söyləyib inlədi ürək. 

Özüm də bilmədən bir nazlı sənəm 

Qayğısız  könlümə bağışladı qəm. 

 

O nazlı sənəmin baxışlarıyla  

Eşqin hədəfinə dönəndə sinəm,  

İnləyən könlümün göz yaşlarıyla  

Yazmağa başladım ilk nəğməmi mən. 

                                  

                            1980 

  

 

 

 

 

 

 

 

 

 

---

Əyyub Sabiroğlu 

 

 

66 

                       

Məni 

 

Qəlbi qırıq bir aşiqəm,  

Düz qəddimi əyibdi qəm. 

Niyə seçib görən həmdəm 

Qüssə məni,  kədər məni?.. 

 

İllər gəlib ötüşəcək,  

Saçlarıma dən düşəcək,  

Ömrüm boyu üşüdəcək  

Hicran məni,  qəhər məni. 

                                        

                                                     1994 

                                                           

 

 

         

 

 

 

 

 

---

Şəfəq dolu bir nəğmə 

 

 

67 

 

                  Olar 

 

Ürəyimi çəkib dara,  

Getmə məndən uzaqlara. 

Ahım dönər buludlara,  

Göz yaşlarım neysan olar. 

 

Sən mənim nazlı yarımsan,  

Gül üzlüm, vəfadarımsan,  

Bu dünyada qərarımsan,  

Sənsiz ömrüm tufan olar. 

                                 

                              1994    

 

 

           

       

 

 

 

  

 

 

---

Əyyub Sabiroğlu 

 

 

68 

 

     Səni sevən bir ürək var 

 

Aylı,  nurlu gecələrdə ulduzlara  

                              baxıb hərdən,  

Köks ötürmə sən dərindən. 

Ağırdısa xatırlamaq,   

                 xatırlama məni,  gülüm,  

xatırlama məni,  gülüm. 

Amma birdən çətinliyə,  dara düşsən,  

                    səslə məni. 

Mənim nazlı qızılgülüm,  

                     səslə məni! 

Mən yetərəm harayına  harda olsam,  

               Özüm belə darda olsam. 

Bil,  hardasa səni sevən bir ürək var,  

                     Sənə səadət arzular,  

                     Sənə səadət arzular. 

                        

16.07.1988 

 

---