8
Təlim nəticəsi 1: İş yerində əməl ediləcək təhlükəsizlik tədbirlərini bilir və qaydaları tətbiq etməyi
bacarır
1.1.1.
Əməyin təhlükəsizliyi və əmək fəaliyyəti ilə bağlı ümumi faktorları və təlimatları şərh edir
Əməyin təhlükəsizliyi termini
Əmək — fərdin və cəmiyyətin tələbatını ödəmək üçün insanın
məqsədyönlü,
maddi (fiziki əmək) və qeyri-maddi (əqli əmək) fəaliyyəti. Əmək vasitəsi ilə insan
özü ilə təbiət arasında münasibətləri tənzimləyir.
Əmək prosesində təbiəti
dəyişməklə insan özünü də dəyişir, yeni imkanlarını üzə çıxardır. Əmək insanı
təbiətdən təcrid etsə də, təbiətlə xüsusi münasibətlərini daima saxlayır.
Əmək iqtisadi kateqoriya kimi istehsalat faktorlarından biri sayılır. Həmçinin əmək prosesində
xüsusi münasibətlər - istehsal münasibətləri yaranır. Əmək kollektiv fəaliyyət
olduğundan onu təşkil
etmək üçün əlaqə vasitələri lazım olur.
Əməyin təhlükəsizliyi – işçi yerlərində zərərli və
təhlükəli istehsalat amilləri,
işçilərin
sağlamlığına təsir olmayan əmək şəraitinin vəziyyəti nəzərdə tutulur.
Şəkil 1.1 Əmək şəraitiylə tanışlıq
Şəkil 1.2 Əmək təhlükəsizlik qaydaları
İşəgötürən iş yerinin əməyin mühafizəsi normaları və qaydalarının tələblərinə uyğun olmasına,
işçi üçün sağlam və təhlükəsiz əmək şəraitinin təmin olunmasına cavabdehlik daşıyır və işçinin həyatı,
sağlamlığı müəssisənin iqtisadi mənafeyindən yüksək tutulmalıdır.
Əmək müəssislərində təhlükəsizlik qaydalarına dair təlimatın
keçirilməsi,
müəssisədə ümumi
təhlükəsizlik qaydalarını öyrətmək, xüsusilə də istehsalatın təhlükəsizlik dərəcəsindən, xarakterindən,
işçilərin peşələri və dərəcələrindən asılı
olmayaraq, bütün işçilərin əməyin təhlükəsizliyi qaydalarını
aşılamaq, təhlükəsiz iş metodları üzrə təlimatları təlqin etmək məqsədilə aparılır. Əmək müəssisələrində
aparılan təlimatlandırma giriş təlimatı, iş yerində ilkin təlimat, dövrü təkrar təlimat və növbədən kənar
təlimat kimi növlər əsasında təşkil olunur.
Dostları ilə paylaş: 
