Qafqaz müSƏlmanlari idarəSİ

Məqalələr toplusu 
 
 
11 
feinin (r.a.) aşağıdakı sözləri bu hörmət və sevgini ifadə etmək 
üçün kifayətdir: 
“Ey  Allahın  elçisinin  Əhli-beyti!  Sizə  sevgi  bəsləmək 
Allahın  nazil  etdiyi  Quranda  fərz  buyrulub.  Sizin  dəyərinizin 
ucalığı  üçün  təkcə  bu  kifayət  edər  ki,  namazda  sizə  salam 
göndərməyənin namazı düzgün olmaz”. 
İmam  Əbu  Hənifə  (r.a.)  də  iki  il  İmam  Cəfəri-Sa-
diqdən  (ə)  dərs  almış  və 
“Bu  iki  il  olmasa,  Numan  həlak 
olardı 
)نامعنلا  كلهل  ناتنسلا  لا  ول(
”
  deyərək  Əhli-beyt  irsinin  əhə-
miyyətini vurğulamışdır. 
Oxuculara  təqdim  edilən  “Azərbaycan  və  Əhli-beyt 
irsi”  adlı  əsərin  əsas  məqsədi  ölkəmizin  dini,  ədəbi  və  sosial 
həyatında  tarixən  Əhli-beyt  irsinin  oynadığı  rolu  üzə  çıxar-
maqdır. On altı məqalədən ibarət olan topluda Əhli-beyt irsinin 
müxtəlif sahələrdəki təzahürləri tədqiq olunur. Məqalə müəllif-
lərinin əksəriyyətinin gənc mütəxəssislərdən ibarət olması ölkə-
mizin  artıq  ilahiyyat  sahəsində  kifayət  qədər  elmi  potensiala 
sahib olduğunu göstərir. Bu potensialın mövcudluğu ölkəmizdə 
dini  sahədə  tədqiqatların  çoxalmasına,  “Azərbaycan  və  Əhli-
beyt irsi” kimi  yeni qiymətli əsərlərin yazılmasına təkan verə-
cəyinə ümid verir.