Akoff hesab edir ki, planlaşdırma prosesinin özü çox vaxt onun nəticəsindən daha vacib
olur. Əgər kimi isə iştirakçıların sırasına daxil etmək mümkün olmayıbsa, onda onu
məsləhətçi qismində bu işə cəlb etmək lazımdır, amma bu zaman, Akoffun qeyd etdiyi
kimi, könüllü iştirak prinsipinə riayət etmək lazımdır.
Akoffun sosial sistem ideologiyasında mərkəzi yeri beş mərhələdən ibarət olan
―interaktiv‖ planlaşdırma metodologiyası tutur:
1.
Təşkilatın durumunun və onun problemlərinin analizi.
2. korporasiyanın gələcəyinin ―ideallaşdırılmış‖ variantlarının işlənib hazırlanması;
3. Məqsədə nail olmaq üçün üsulların işlənib hazırlanması. Bu mərhələdə 2-ci
mərhələdə təklif olunmuş əlçatmaz variantların
bir hissəsi kənara qoyulur;
4. Əldə olunan resusrların (materialların, avadanqlıqların, personların, maliyyə
ehtiyatlarının)
bölüşdürülməsi;
5. Tətbiq olunacaqların planlaşdırılması.
Akoffun metodologiyası nəzərdə tutur:
Planlaşdırmanın bütövlüyü – plan sistemin bütün hissə və səviyyələri üçün dərhal,
eyni zamanda hazırlanır;
Planlaşdırmanın fasiləsizliyi - planda hər şeyi qabaqcadan nəzərə almaq mümkün
deyil, buna görə də əhəmiyyətli dəyişikliklər baş verən kimi planı təshih etmək zəruridir.
Aydındır ki, ―interaktiv‖ planlaşdırmanın metodologiyası bütövlükdə cəmiyyət
səviyyəsində tətbiq oluna bilməz, bu, təşkilatın fəaliyyətini mikrosəviyyədə
təkmilləşdirmək üçündür. Akoffun ―Korporasiyanın gələcəyinin planlaşdırılması‖
monoqrafiyasında (rus dilində 1985-ci ildə nəşr olunmuşdur) bu
metodologiya kifayət qədər
müfəssəl şəkildə izah olunmuşdur.
Akoffun ―planlaşdırın, yoxsa sizi planlaşdırarlar‖ devizi, eləcə də onun demokratik
(partisipativ) idarəçilik ideyaları Qərbdə getdikcə daha çox tərəfdar tapır və praktikada
getdikcə daha çox tətbiq olunur. Qeyd edək ki, Akoffun bir çox təşəbbüsləri praktiki uğur
qazanıblar (bax paraqraf 2.5).
2.3. P.Çeklendin “yumşaq” sistemlər metodologiyası
Ingilis alimi P.Çeklend ―yumşaq‖ sistemlərin öyrənilməsinin metodologiyasına həsr
olunmuş ilk işini 1972-ci ildə nəşr etmişdir. Həmin vaxtdan xeyli keçmişdir, amma
Çeklendin yanaşması inkişaf etməkdə və yeni ideyalarla zənginləşməkdədir. Ayrı-ayrı
metodoloji aspektlərin paradoksallığı bu vaxta qədər alimlər arasında mübahisələrə səbəb
olur, hətta onun tərəfdarları arasında da diskussiyalar səngimir. Çeklend tərəfindən irəli
sürülmüş ideyalarının özünəməxsusluğu və perspektivliyi elmin qonşu sahələrinin
mütəxəssislərinin diqqətini özünə cəlb etməyə başlamışdır (8) və buna görə də 4-cü fəsildə
biz bu yanaşmanın bəzi müddəalarının müzakirəsinə bir daha qayıdacayıq.
Çeklend sistem təfəkkürün təbiətini və əhəmiyyətini izah edən iki alternativ
paradiqma ilə diqqət çəkmişdir. Bir halda gerçəklik sistem kimi (sistemlər təbiət
və ya insan
tərəfindən yaradılmışdır) nəzərdən keçirilir və sistematik olaraq öyrənilir. Digər halda
dünya problemli – çox guman ki, sistemli, amma zəif strukturlu, bir çox interpretasiyalara
açıq olan kimi nəzərdən keçirlir. Belə tipin reallığı da sistematik olaraq öyrənilir.
Beləliklə, ―yumşaq‖ sistem metodologiyasında (YSM) sistem real dünyanın bir
hissəsi kimi deyil, onun öyrənilməsinin sistemli təşkilinin bir prosesi kimi nəzərdən
keçirilir. Bu zaman sistem ideyaları potensial olaraq faydalı hesab olunur, ona görə ki,
bizim dünya haqqında intuitiv biliklərimiz bizə belə hesab etməyə yol verir ki, dünyanın
bütün elementləri əhəmiyyətli dərəcədə qarşılıqlı şəkildə bir-biriləri ilə bağlıdır, onun
stabilliyini, aramsız dəyişmələrini sistematik olaraq öyrənmək olar.
Çeklend YSM-nı insanı əhatə edən real dünyanın mürəkkəbliyinin öhdəsindən
gəlməyə yardım göstərən sistemli istiqamətverici dərslik kimi işləyib hazırlamışdır, bu
zaman qeyd olunur ki, insanın üzləşdiyi problemlər birdəfəlik və əbədilik həll oluna bilməz.
Çeklendin yanaşması ―sərt‖ və ―yumşaq‖ sistemlər arasındakı fərqlərin dərin analizinə
əsaslanır. Bir qayda olaraq, sistemotexniklər və əməliyyatların tədqiqi üzrə mütəxəssislər
sistemli yanaşmadan sistemlərin fəaliyyətini daha səmərəli etmək üçün istifadə edirlər. Bu
zaman həlli zəruri olan məsələlər kifayət qədər aydındırlar və əsas problem daha çox
effektiv olan qərarların seçilməsindədir. ―Yumşaq‖ sistemlərdə aktyorlar müxtəlif baxışlara
malik ola bilərlər və uyğun olaraq, onların fikrincə bu situasiyada həll olunmalı olan çoxlu
müxtəlif məsələni irəli sürürlər.
Ənənvi sərt sistem təfəkkürü müşahidəçinin istər-istəməz məcbur edir ki, öyrənilən
sosial situasiyada sistem axtarsın, sosial obyektə dəqiq sistem terminləri (struktur –
funksiya, məqsəd – vasitələr) vasitəsilə baxsın. Bir çox hallarda sistem ―əngəlləri‖ real
situasiyanı xeyli təhrif edə bilər. Sərt yanaşma ictimai hadisələrin öyrənilməsində qeyri-
adekvat ola bilər, ona görə ki, sosial sistemlərin tərkibində qərar və fəaliyyətlərin seçimini
müəyyən edən şəxsi məqsədləri, baxışları, istiqamətləri olan fərdlər və qruplar kimi aktiv
elementlər vardır.
Çeklend aktiv sistem anlayışını (human activity system) elmi dilə daxil edir, bu
zaman aktyorlar öz diskusiyalarının mənzərəsinə uyğun, həmin dünyada qəbul olunmuş
qaydalar və təcrübələr çərçivəsində hərəkət edirlər.
Bir çox mübahisəli situasiyaları müxtəlif mədəniyyətlərin formalaşdığı
interpretasiyaların konflikti kimi nəzərdən keçirmək olar. Mədəniyyət bu halda geniş
mənada – P.Sorokinin mədəni sistemi kimi (bax fəsil 1.) başa düşülür. Sosial hadisələrin
interpretasiyası əsaslı şəkildə fərqlənə bilərlər – yəni eyni bir hadisə həm terrorizm kimi,
həm də azadlıq uğrunda mübarizə kimi də qəbul oluna bilər. Yeni əmtəənin buraxılmasını
firmanın rəhbərliyi, menecerləri, təchizata, istehsala və satışa cavabdeh olanlar və rəqiblər,
təchizatçılar, istehlakçılar tamamilə müxtəlif
cür görürlər
(Cədvəl-şəkil 2.1). (1.
Struktursuz
problem
situasiya
7.
Situasiyanı
yaxşılaşdıran hərəkət,
3. uyğun sistemlərin
əsas
təriflərin
hazırlanması
6.Arzu
olunan,
mümkün
dəyişikliklərin seçimi,
2.
Problem
situasiyanın təhlili 5. 4
və 2 –nin müqayisəsi
4.
konseptual
modellərin
hazırlanması, Real aləm Sistem təsəvvürlər)
Aktiv sistemlər nəzəriyyəsi bir sıra alimlər tərəfindən inkişaf etdirilir. O, cümlədən
bu nəzəriyyənin inkişafına V.N.Burkovun və onun həmkərlarının (4,5) işlərinin böyük
töhfəsi olub.
―Yumşaq‖ sistemlər metodologiyası müxtəlif nöqteyi-nəzərlərin aşkara çıxarılması
və qarşılıqlı anlaşmaya tədricən nail olunması üçün nəzərdə tutulub. Onun ənənəvi sərt
yanaşmadan köklü fərqi məhz bundan ibarətdir, bu yeni sistem paradiqmasının
yaranmasından danışmağa yol verir (18). Çeklend YSM-nı yeddi mərhələdən ibarət (şəkil
2.1) təhsil prosesi kimi şərh edir.