11
4-ma`ruza
4-Mavzu: Ijtimoiy tizimda yuzaga keladigan turli darajadagi konfliktlar
Reja:
1.
Shaxslararo konfliktlar: pedagogik jarayonda, oilada
2.
Konflikt tuzilishi: tashkiliy, ishlab chiqarish, mehnat innovatsion konfliktlar
3.
Konfliktlarni boshqarish xususiyatlari
Tayanch tushunchalar:
Shaxslararo konfliktlar, pedagogik jarayonda konfliktlar, oiladagi konfliktlar, konflikt tuzilishi-
tashkiliy, ishlab chiqarish, mehnat innovatsion konfliktlar, konfliktlarni boshqarish
xususiyatlari
4.1.Shaxslararo konfliktlar: pedagogik jarayonda, oilada
Shaxslararo konfliktlarga aniq bir izoh berish juda qiyin masala. Lekin, biz konflikt haqida
gapirar ekanmiz bizning ko`z oldimizga ikki insonning dunyoqarashlarining to`g`ri kelmasligi
natijasida kelishmovchiligi keladi.
Shaxslararo konfliktlar o`zlarining o`zgacha alohida xususiyatlari Bilan ajralib turadi, bular
quyidagicha.
1. Shaxslararo konfliktlarda insonlar o`rtasidagi qarama-qarshilik birdaniga, hozir vash u
erda, ularning shaxsiy motivlarining to`xnashuvi natijasida paydo bo`ladi. Soperniklar yuzma-
yuz to`xnashadi.
2. Shaxslararo konfliktlarda ma`lum bir sabablarning umumiy spektri ko`rinadi: umumiy va
xususiy, ob`ektiv va sub`ektiv.
3. Shaxslararo konfliktlar konfliktga moyil sub`ektlar uchun o`ziga xo sbir poligon vazifasini
bajaradi, ya`ni bu erda ularning xarakterlarini, temperamentlarini, qobiliyatlarini, intellektini,
irodasini va boshqa individual-psixologik xususiyatlarini aniqlash mumkin.
Shaxsning muloqotga bo`lgan ehtiyojinining to`la qondirilishi uning ish faoliyatiga ham
ta`sir ko`rsatadi. Odamlar, ularning borligi, shu muhitda o`zaro gaplashish imkoniyatining
mavjudligi fakti ko`pincha odamni ishlash qobiliyatini ham oshirarkan, ayniqsa, gaplashib o`tirib
qilinadigan ishlar, birgalikda yonma-yon turib bajariladigan operatsiyalarda odamlar o`z oldida
turgan hamkasbiga qarab ko`proq, tezroq ishlashga kuch va qo`shimcha iroda topadi. To`g`ri, bu
hamkorlikda o`sha yonidagi odam unga yoqsa, ular o`rtasida o`zaro simpatiya hissi bo`lsa, unda
odam ishga “bayramga kelganday” keladigan bo`lib qoladi. Shuning uchun ham amerikalik
sotsiolog hamda psixolog Jon Moreno asrimiz boshidayoq ana shu omilning unumdorlikka
bevosita ta`sirini o`rganib, sotsiometrik texnologiyani, ya`ni so`rovnoma asosida bir-birini
yoqtirgan va bir-birini inkor qiluvchilarni aniqlagan va sotsiametriya metodikasiga asos solgan
edi.
12
4.2.Konflikt tuzilishi: tashkiliy, ishlab chiqarish, mehnat innovatsion konfliktlar
Shunday qilib, muloqot odamlarning jamiyatda o`zora hamkorlikdagi faoliyatlarining
ichki psixologik mexanizmini tashkil etadi.Qolaversa, hozirgi yangi demokratik munosabatlar
sharoitida turli ishlab chiqarish qarorlarini yakka tartibda emas, balki kollegial – birgalikda
chiqarish ehtiyoji paydo bo`lganligini hisobga olsak, odamlarning muomala madaniyati va
muloqot texnikasi mehnat unumdorligi hamda samaradorlikning muhim omillaridandir.
Muloqotning shakllari va bosqichlari mavjud bo`lib, dastlabki bosqich – odamning o`z-
o`zi bilan muloqotidir. T.Shibutani “Konfliktologiya” darsligida: “Agar odam ozgina bo`lsa ham
o`zini anglasa, demak, u o`z-o`ziga ko`rsatmalar bera oladi” – deb to`g`ri yozgan edi. Odamning
o`z-o`zi bilan muloqoti aslida uning boshqalar bilan muloqotining xarakterini va hajmini
belgilaydi. Agar odam o`z-o`zi bilan muloqot qilishni odat qilib olib, doimo jamiyatdan o`zini
chetga tortib, tortinib yursa, demak u boshqalar bilan suhbatlashishda, til topishishda jiddiy
qiyinchiliklarni boshdan kechiradi, deyish mumkin. Demak boshqalar bilan muloqot –
muloqotning ikkinchi bosqichidir.
A.N.Leont`ev o`zining “Psixika taraqqiyotidan ocherklar” kitobida muloqotning uchinchi
shakli – avlodlar o`rtasidagi muloqotning ahamiyati to`g`risida shunday deb yozadi: “Agar
barcha katta avlod o`lib ketganida, insoniyat turi yo`q bo`lib ketmasdi, lekin jamiyatning
taraqqiyoti ancha orqaga surilibgina emas, balki yo`qolib ham ketishi mumkin edi”. Haqiqatan
ham, avlodlararo muloqotning borligi tufayli har bir jamiyatning o`z madaniyati, madaniy
boyliklari, qadriyatlari mavjud bo`ladiki, buning ahamiyatini tushungan insoniyatning eng ilg`or
vakillari uni doimo keyingi avlodlar uchun saqlad keladilar hamda ta`lim, tarbiya va kundalik
muloqot jarayonida uni avloddan-avlodga uzatadilar.
4.3.Konfliktlarni boshqarish xususiyatlari
Muloqotning hayotimizdagi shakl va ko`rinishlariga kelsak uni har bir shaxsning hayotiy
vaziyatlarga mos keladigan, o`sha vaziyatlardan kelib chiqadigan ko`rinishlari va turlari haqida
gapirish mumkin. Lekin umumiy holda har qanday muloqot yo rasmiy yoki norasmiy tusda
bo`ladi. Agar rasmiy muloqot odamlarning jamiyatda bajaradigan rasmiy vazifalari va xulq –
atvor normalaridan kelib chiqsa, masalan, rahbarning o`z ko`l ostida ishlayotgan xodimlar bilan
muloqoti, professorning talaba bilan muloqoti va hokazo, norasmiy muloqot – bu odamning
shaxsiy munosabatlariga tayanadi va uning mazmuni o`sha suhbatdoshlarning fikr-o`ylari, niyat-
maqsadlari va emotsional munosabatlari bilan belgilanadi. Masalan, dustlar suhbatdoshi,
poezdda uzoq safarga chiqqan yo`lovchilar suhbati,tanaffus vaqtida talabalarning sport, moda,
shaxsiy munosabatlar borasidagi munozaralari. Odamlarning asl tabiatlariga mos bo`lgani uchun
ham norasmiy muloqot doimo odamlarning hayotida ko`proq vaqtini oladi va bunda ular
charchamaylilar. Lekin shuni ta`qidlash kerakki, odamda ana shunday muloqotga ham