Yakuniy attestatsiya
Ta’lim oluvchi xodim uzluksiz kasbiy rivojlantirish (malaka oshirish) kurslari o‘quv reja va dasturlari tarkibiga kiruvchi har bir o‘quv modulini o‘qib-o‘zlashtiradi, hududiy markaz direktorining imzosi hamda hududiy markazning gerbli muhri bilan tasdiqlanadigan ma’lumotnomani “Uzluksiz kasbiy ta’lim” maxsus elektron platformasiga (shaxsiy kabinetiga) yuklaydi va Elektron platforma tomonidan baholanadi (kredit ballari qo‘yiladi).
Uzluksiz kasbiy rivojlantirish (malaka oshirish) kurslari o‘quv reja va dasturlari tarkibiga kiruvchi har bir o‘quv moduli bo‘yicha dars mashg‘ulotlarida qatnashgan tinglovchiga tegishli o‘quv moduli uchun belgilangan kredit ballari taqdim etiladi. Tinglovchining barcha o‘quv modullari bo‘yicha kredit ballari jamlanadi hamda unga kursni muvafaqqiyatli tugatganligi haqida Davlat namunasidagi elektron generatsiya qilingan va elektron raqamli imzo yoki uning muqobil shakldagi hujjatni tasdiqlovchi vositalar (QR-kod, shtrixkod) bilan tasdiqlangan hujjat (sertifikat) shakllantiriladi.
O‘quv moduli mashg‘ulotlariga uzrli sabablarga ko‘ra qatnasha olmagan tinglovchiga mazkur o‘quv modulini boshqa guruhlar bilan o‘zlashtirishiga imkoniyat beriladi.
MAVZU: ALOHIDA TA’LIM EHTIYOJLARIGA EGA O‘QUVCHILARGA TA’LIM-TARBIYA BERISHNING PSIXOLOGIK JIHATLARI
REJA:
1.Inklyuziv ta’lim va uning mohiyati.
2.Inklyuziv ta’limning O‘zbekistonda joriy etilishi va ahamiyati.
3.Imkoniyati cheklangan bolalarning ijtimoiylashuvida inklyuziv ta’limning o‘rni.
4.Imkoniyati cheklangan o‘quvchilarni ta’lim olishlarida qo‘llab-quvvatlash yo‘llari.
5.Inklyuziv ta’limga kiritishning asosiy tamoyillari va ularning mazmuni
Respublikamizda olib borilayotgan barcha islohotlarning maqsadi davlatimz kelajagiga mustahkam poydevar qurishdan iborat. Bu poydevor sog‘lom, yetuk va barkamol shaxslarni tarbiyalab voyaga yetkazish natijasida yaratiladi. Shuning uchun ham «Kadrlar tayyorlash milliy dasturi» va «Ta’lim to‘g‘risida»gi Qonun qabul qilindi. Ta’lim sohasidagi bu islohotlar bugungi kunda o‘z samarasini bermoqda. Mazkur huquqiy me’yoriy hujjatlar doirasi maxsus ehtiyojli bolar ta’lim-tarbiyasini ham qamrab olgan.
Imkoniyati cheklangan yoki maxsus ehtiyojli bolalar ta’lim tarbiyasi masalasi bugungi kunda eng dolzarb masalalar sirasiga aylanib bormoqda. Inkyuziv ta’lim imkoniyati cheklangan bolalar uchun ta’lim tizimi sifatida rivojlangan. Ushbu ta’lim imkoniyati cheklangan bolalarning ehtiyojlarini umumta’lim muasasalarida qondirib bo‘lmaydi degan taxminlar asosida qurilgan. Inkyuziv ta’lim butun dunyoda maktab yoki internat shaklida, shuningdek umumta’lim maktablarining katta bo‘lmagan qismlari sifatida faoliyat yuritadi. Maxsus ehtiyojli bolalarning maxsus ta’lim tizimda o‘qitilishi ularning maktabni tugatgach ijtimoiy jamiyatga moslashib ketishlarini qiyinlashtiradi. Shuningdek ularning o‘z oilasidan uzoqda bo‘lishlariga majbur qiladi. Bu toifa bolalar boqimandalikka o‘rganib qoladilar, o‘z-o‘ziga xizmat qilishlarida qiyinchiliklarga duch keladilar. Bundan tashqari juda ko‘plab maxsus ehtiyojli bolalar ta’limdan chetda qolib ketmoqdalar. Hozirgi kunda Respublikamizda alohida yordamga muhtoj bolalarni rivojlanish darajasi, imkoniyati nuqson xususiyatlari va qobiliyatlariga ko‘ra maxsus yoki umumta’lim tizimida ta’lim olishini amalga oshirish maqsadida inklyuziv ta’lim siyosati amalga oshirilmoqda.
Biroq inklyuziv ta’limning mazmun mohiyati to‘g’risidagi bilim va ma’lumotlar hali jamiyatda yetarli emas. «Inklyuziv» va «integratsiyalashgan»
atamalari ko‘pincha bir xil ma’noda ishlatiladi. Shunga qaramasdan falsafada ushbu tushunchalar orasida juda katta farq bor. Nogiron bolani oddiy sharoitga joylashtirish integratsiyaga qarab qo‘yilgan birinchi qadamdir. Integratsiyalashgan ta’lim bu-diqqat markazida bolaning aynan maktabga kelib ketish muammosi turgan, maxsus ehtiyojli bolaning maktabga qatnash jarayonidir. Integratsiyalashgan ta’limda bolaga muammo sifatida qaraladi. Bu ta’lim tizimining quyidagicha shakllari mavjud:
Dostları ilə paylaş: |
