18
çevrilmişdi. Odur ki, onun məqalələrinə məhz bu bucaq altında nəzər yetirməliyik.
Məhəmməd Əminin fikrincə, milli azadlıq sosial azadlığın müqəddəm şərtidir.
Milli azadlıq olmayan yerdə sosial azadlıqdan danışmaq cəfəngiyyatdır. O, hətta
Rusiya – Yaponiya müharibəsi zamanı Rusiyanın məğlubiyyətini demokratiyanın
olmaması ilə əlaqələndirirdi. Sosial azadlığı da sosial tərəqqinin təməl daşı hesab
edirdi. ―Bu günkü günlər‖ məqaləsində onun azadlıq problemini şərh etməsi bu
dediklərimizi bir daha təsdiq edir. Müəllif burada mütləqiyyətin irticaçı
mahiyyətini açıb göstərir, onun xalqa yabançı siyasət yeritdiyini sübuta yetirirdi.
Yeri gələndə, çarizmin xalqa azadlıq vədinin ölkədə nə qədər böyük əks – səda
yaratdığını da bildirirdi. Söhbət əlbəttə, 1905-ci ildə verilmiş 17 oktyabr tarixli
fərmandan gedir. ―Əvət 17 oktyabr fərmani – aliyyəsinin xəbəri bugünkü gün
Bakıya çatmışdır. Bu günü xatırlayanlar söz, ictimai, ittifaq, mətbuat və şəxs
azadlığını təmin edən fərmanın xalq arasında hüsulə gətirdiyi şadlığın dərəcə və
göstərişlərini əlbəttə unutmamışlar‖ (―Açıq söz‖ qəzeti, 1915, № 13.).
Onu deyək ki, məqalə 1915-ci ildə verilən və xalqa azadlıq vəd edən ali
fərmanın on illiyi münasibəti ilə yazılmışdır. Deyildiyi kimi, M.Ə.Rəsulzadə
məqalədə əsasən azadlıq probleminə toxunur və azadlığı tərəqqinin başlıca
şərtlərindən biri adlandırırdı. O, ―rus xəlqi fərmani – ali mucibincə kəndisinə
verilən hürriyyətlər sayəsində məmləkətin idarəsinə qarışacaq‖ kəlməsi ilə
zəmanəsini qabaqlamış və irticanın tuğyan etdiyi dövrdə demokratik quruluşu
təbliğ etməkdən çəkinməmişdir. M.Ə.Rəsulzadə yazırdı: ―Bugünkü gün bütün
Rusiya sevinirdi. Bütün demək olmasa da, cəsarətlə Rusiyanın böyük bir qismi
sevinirdi demək olar. Sevinirdi, çünki Rusiyanın əzəmətini, tərəqqi etməsini,
mədəni olub da sair Avropa millətləri gibi ayaq tutub tərəqqi yoluna düşməsini
hürriyyətlərin paydar olmasında görürdü. Bugünku gündə söylənilən nitqlər
Mancuriya səhralarında məğlub olan qüvvətin rus olmayıb rus haqsızlığı olduğunu
söyləyor və artıq məğlub olmamaq üçün xəlqin azad olmasına lüzum göstərirdi.
Rus xəlqi fərmani – ali mucibilə kəndisinə verilən hürriyyətlər sayəsində
məmləkətin idarəsinə qarışacaq, cəmaətin etimad və etibarına malik milli hökümət
vücudu gətirəcək, arada mövcud olan bütün haqsızlıqlar qalxacaq. Rusiya bütün
əskiklərini düzəldəcək həqiqi bir məşrutiyyət qazanacaqdır‖ (―Açıq söz‖ qəzeti,
1915 № 13).
Göründüyü kimi, məqalə açıq – aşkar demokratik ruhla yazılmışdır.
Məqalədə sosial azadlıq problemi müxtəlif səmtlərdən araşdırılır. Müəllif sosial
azadlıqla yanaşı şəxsiyyət azadlığı, söz azadlığı, təşkilat azadlığı, mətbuat azadlığı,
vicdan azadlığı və sairəyə də toxunur. Burada Rusiya imperiyasında yaşayan qeyri
– rus xalqların fərmana münasibəti ilə əlaqədar maraqlı fikirlər söylənilir. Heç
şübhəsiz, Rusiyada yaşayan və ən adi sosial hüquqlardan məhrum edilmiş qeyri –
rus xalqlar fərmandan daha çox şey gözləyirdilər. Fərmanda millətlərə azadlıq vəd
edilirdi. Az saylı millətlərə isə azadlıq hava və su kimi lazım idi. Çünki milli və
dini azadlıq millətlərə tərəqqi yolunu, səadət yolunu açırdı. ―Rusiyada sakin olan
19
bütün millətlər, bütün siniflər sevinirdi. Hürriyyəti – vicdan elan olunduqdan,
insanın hüququ qəbula keçdikdən sonra biltəb məzhəb və milliyyət yüzündən
təzyiqata uğrayanlar olmayacaq və böyük Rusiyada yaşayan qeyri – rus xalqlar da
milliyyətlərinin bəqa və tərəqqisi üçün su və hava gibi lazım olan təbii müsaidələri
alacaqlar‖ (yenədə orada).
O, ―bəqa və tərəqqisi üçün su və həva gibi lazım olan təbii musaidlər‖
dedikdə, şübhəsiz ki, ikl növbədə milli azadlığı nəzərdə tuturmuş. Milli azadlıq
onun nəzərində millətlərin təbii hüququdur. Hər millət azad və şən yaşamalıdır.
Əlbəttə, Məhəmməd Əmin Rəsulzadə çar fərmanı ilə əlaqədar sadəcə olaraq
arzularını bildirmişdir. Lakin bir şey vardır ki, bu arzular onun bir mütəfəkkir kimi
ictimai – siyasi və fəlsəfi baxışlarını ifadə edirdi.
M. Ə. Rəsulzadə yuxarıda adı çəkilən azadlıqların kağızda qaldığını
söyləyərək çarizmin ikiüzlü siyasətini cəsarətlə qamçılamışdır. Lakin məqalədən
göründüyü kimi, o, çarizmin yalançı vədlərini tənqid etsə də, ondan ümidini də
hələ də tam üzməmişdi. Əlbəttə, mətbuatda camaatı açıq – açığına mövcud
quruluşa qarşı silahlı üsyana çağıra bilməzdi. Heç M. Ə. Rəsulzadə özü də bunun
istəmirdi. O, çoxlu haqsızlıq və mərhumiyyətlərdən cana doymuş doğma xalqını
azadlığa çıxartmaqdan ötrü demokratik yollardan istifadə etməyi üstün tuturdu.
Mütləqiyyətin əsl simasını ifşa edərkən yazırdı: ―Fəqət bu sevinc günləri çox
çəkmədi, keçdi. O gündən bu günə qədər tam on yıldır. Bu günə qədər fərmani –
aliyyədə vəd olunan hürriyyətlər həman bir arzu halında qalmaqdadır. Mətbuat
qanunu bu günə qədər meydana gəlməmiş. Hürriyyəti – şəxsiyyə hala idareyi –
urfiyyələrə qurban olunmaqda. İctimai və ittifaq azadlıqları da onların kökündə‖
(―Açıq söz ‖ qəzeti, 1915, № 13).
Rəsulzadə müstəmləkəçilik siyasətinin hakim millətə də böyük ziyan
vurduğunu açıb xatırladırdı ki, millətin dini və mədəni təməssulu hər şeydən əvvəl
müstəmləkəçi ölkə üçün olduqca ziyanlıdır. Hakim millət məzlum milləti ―Həzm
edə‖ bilmədiyindən‖ vücudu zəhərlənir. Başqa sözlə, hakim millətin özü istər –
istəməz tərəqqidən geri qalır. Çünki təmsil etmək istədiyi məhkum millətlər tərəqqi
yolunda ağır bir yük kimi ona mane olurlar. M. Ə. Rəsulzadə ―Getdiyimiz yol‖
məqaləsində yazır: ―Fəqət millətlərdəki ―bənlik‖lər cameyyətlərdəki xüsusiyyətlər,
irq, din və dildəki təsirat nə qədər böyük və ölməz qüvvələrdir ki, onları nə qədər
qüvvətli mədə olda da, həzm edəmmiyor. Mənəviyyatı təşəxxüs etmiş millətlərlə
zində mədəniyyətlərin təmsili əksərən imperializm zəhərlənməklə nəticələnir ‖
(―Açıq söz‖, 1916, № 299).
O, burada ictimai inkişafın qarşısıalınmaz proses olduğunu söyləyir.
Millətlərin əvvəl – axır azadlığa çıxacağına dərin inam bəsləyir. Məhəmməd Əmin
Rəsulzadə müsəlman millətlərin mənafeyi baxımından deyil, həm də hökümət və
dövlətin mənafeyi baxımından da sərfəli olduğunu söyləyir. Onun fikrincə, əgər
azadlıqda qalan məhkum millətlər azad inkişaf edib irəliləyirsə, bundan dövlət də
qazanır. O, fikrini bu cür ifadə edir: ―Qaranlıq və əvamlıqdan qaçan xəlqimizin