Makroslar – makrokomandalardır. Baza ilə işləyərkən tez-tez istifadə olunan hər
hansı əməliyyatlar ardıcıllığını, bir neçə komandaları bir makrosda qruplaşdırırlar və
onu klavişin bir düyməsinə mənimsədirlər.
Modullar – bu Visual Basic dilində yaradılmış proqram proseduralarıdır.
Bu gün ən geniş yayılmış VBİS verilənlərin relyasion modelinə əsaslanırlar. Bu,
digərləri ilə müqayisədə onların daha sadə anlaşılması və yüksək göstəricilərə malik
olması ilə əlaqədardır.
VB relyasion idarə sistemləri (VBRİS) idarə etdikləri VB-nin tutumu və istifadəçilər
sayına görə aşağıdakı kimi təsnifləndirilir:
Cədvəl 4. VBİS-in təsnifatı
№№
RVBİS
İdarə etdiyi
VB-nin tutumu
Eyni zamanda
ola biləcək
istifadəçilər
sayı
Nümayəndələri
1.
Yüksək
səviyyəli
RVBİS
Yüzlərlə-
minlərlə Gb
Minlərlə
ORACLE11,
ORACLE10,
ORACLE7, ADABAS
5.3.2., SQL
SERVER11.
2.
Orta səviyyəli
RVBİS
Bir neçə Gb
Yüzlərlə
IntelBase 3.3,
Informix-OnLine7.0,
Microsoft SQL Server
6.0.
3.
Aşağı səviyyəli
RVBİS
1 Gb
Yüzə qədər
NetWare SQL 3/0,
Gupta
SQL-Base
Server.
4.
Stolüstü RVBİS
1 Gb-dən az
1 nəfər
Microsoft ACCESS
5.
Verilənlər bazasının yaradılması mərhələləri
Təşkilati nöqteyi-nəzərdən ixtiyari VB-nın yaradılması ilə bağlı işlər aşağıdakı iki
rejimdə aparılır:
-
layihələndirmə;
- istismar və ya istifadəçi.
Layihələndirmə rejimində baza yaradıcıları, yəni proqramçılar və ya baza
administratorları bazada yerləşdiriləcək informasiyanın tərkibini öyrənir, onu cədvəllərə
ayırır, bu cədvəllərin strukturunu, cədvəllərarası əlaqəni, sorğuları, formaları, hesabatları
və s. müəyyənləşdirir, bazada yeni obyektlər (məsələn, cədvəl, sorğu, forma və s.) yaradır,
onun strukturunu verirlər. Onlar bazanın strukturunu işləyir və verilənlər bazasına daxil
olmağa, dəyişiklik etməyə tam hüquqları var. Bir verilənlər bazasının bir neçə yaradıcısı
(proqramçı) ola bilər.
Layihələndirmə rejimi aşağıdakı mərhələlərə ayrılır:
KitabYurdu.az
118
-
Konseptual layihələndirmə – verilənlərin yığılması, analizi və tələblərin redaktə
edilməsi;
-
Məntiqi layihələndirmə – verilənlərin strukturlaşdırılması;
-
Fiziki layihələndirmə – konkret VBİS əsasında VB-nin sxeminin hazırlanması.
Bu mərhələ onunla tamamlanır ki, verilənlər bazasının skeleti hazırlanır və pilot
versiyada iş nümayiş olunmaqla sifarişçiyə təqdim olunur.
İstifadəçi rejimi - bu mərhələ onunla başlayır ki, baza əvvəlcədən hazırlanmış
obyektlər (məsələn, formalar) əsasında informasiya ilə doldurulur (VB-nin sifarişçisi
tərəfindən), sonra isə bazadan verilənlərin alınması (məsələn, sorğular vasitəsilə
verilənlərin emalı və lazım olan nəticənin hesabatlar şəklində alınması) icra olunur. Bir
bazanın minlərlə istifadəçisi ola bilər.
Ədəbiyyat
1. T.Tиори, ДЖ.Фрай.Проектирование
структур баз данных, кн.1. М.: Мир, 1985.
-288 с.
2. T.Tиори, ДЖ.Фрай.Проектирование структур баз данных, кн.2. М.: Мир, 1985.
-320 с.
3. Коннолли Т., Бегг Каролин. База данных. М.: Вильямс, 2003.
4. Ə.Abbasov, M.Əlizadə, E.Seyidzadə, M.Salmanova. İnformatika və
kompüterləşmənin əsasları, Bakı, 2006, 880 s.
EKSPERT SİSTEMLƏRİ. BİLİKLƏR BAZASI
Mühazirə 8 (İİ hissə)
1.
Təbii intellekt və süni intellekt
2.
Ekspert sistemləri
3.
Ekspert sistemlərin ümumiləşdirilmiş funksional sxemi
4.
Biliklər bazası və
biliklərin təsvir modelləri
5.
Ekspert sistemlərin təsnifatı
6.
Ekspert sistemlərin yaradılma mərhələləri
1.
Təbii intellekt və süni intellekt
Intellekt
(intellectus (lat.) – anlama, dərk etmə) – ağıl, düşüncə, əqli bacarıqlar:
təcrübədən öyrənmək, yeni situasiyaya uyğunlaşmaq, adaptasiya olunmaq, biliyin ətraf
aləmin idarə olinmasında və ya abstrakt düşünmədə istifadəsidir. İntellekt, problemin dərk
edilməsi və həlli üçün fərdin ümumi bacarıqlarıdır ki, bu da duyğu, qavrama, yaddaş,
təsəvvür, təfəkkür, təxəyyül kimi bütün idrak (dərk etmə) bacarıqlarını birləşdirir.
Təbii intellekt – subyektin (insanın)
ağlı və psixikası ilə yerinə yetirilən davranış
hərəkətləri kompleksidir.
Analoji olaraq
süni intellekt də eyni ilə bu iki texnologiyaya – süni ağıl
texnologiyasına və süni psixika texnologiyasına əsaslanır.
Kibernetika və kompüterlərin meydana çıxması ilə “maşınlara düşünməyi öyrətmək”
məsələsinin reallaşmasına başlanıldı. Doğurdanmı maşınlar düşünə bilirlər? Bunun üçün
nə etməli?
Maşının düşünə bilməsi üçün insanın konkret bilik sahəsində biliklərinin məzmunu
aydın ifadə olunmalıdır, həmin biliklər formalizə olunmalıdır, çünki kompüter ancaq
KitabYurdu.az
119
formalizə olunan obyektləri tanıyır, biliyin elementləri (sərhədləri) kompüterin əsaslandığı
formalizmə uyğun olaraq formalizə -təsvir olunmalıdır.
Süni intellekt (Sİ) insan təfəkkürünün formalaşdırılması təşəbbüsləri ilə bağlı bir elmi
istiqamət olaraq uzun tarixə malikdir. Bu tarix Platon, Aristotel, Dekart, Leybnis, Bul və
bir çox başqa tədqiqatçıların adı ilə bağlıdır. Lakin Sİ-in inkişafında keyfiyyətcə yeni dövr
keçən əsrin 60-70-ci illərindən başlamışdı. Sİ texnologiyasının ilk istiqamətləri intellektual
oyunlar (maşın insanla şahmat, şaşki oynayır) və tərcümə sistemləri olmuşdu. Bu gün
süni
intellektin əsas istiqamətləri aşağıdakılardır:
İntellektual informasiya sistemləri və ya biliklərə əsaslanan sistemlər (BƏS). Belə
sistemlərin qurulmasında məqsəd praktikada rast gəlinən çətin formalizə olunan mürəkkəb
məsələlərin həlli üçün kvalifikasiyalı ekspertlərin biliklərinin araşdırılması, tədqiqi və
tətbiqindən ibarətdir. BƏS-in qurulmasında bu və ya digər məsələlərin həllində
ekspertlərin konkret qaydalar formasında topladıqları biliklərdən istifadə olunur.
BƏS konkret predmet sahəsinə aid bilikləri cəmləşdirən, məntiqi çıxarışı təmin edən
və həll edən intellektual proqramlardır. BƏS-in 90%-dən çoxu ekspert sistemlərdir (BƏS-ə
həm də intellektual kompüter oyunları auddir). ES-in ən vacib cəhəti məhz ekspert
biliklərinə əsaslanan bilik bazasına malik olmasıdır.
Təbii dil interfeysləri və maşın tərcüməsi. Sİ-də kompüter linqvistikası və maşın
tərcüməsi problemi 1950-ci ildən bəri işlənilir. Bu sistemlər bir təbii dildən digərinə
tərcümənin cəldliyini artırır. Belə sistemlər bilik bazasına (BB) malik olurlar, burada da
hər iki dilin müəyyən morfoloji, sintaksis və semantik qaydalarını özündə əks etdirən
qaydalar yerləşdirilmiş olurlar.
Nitqin generasiyası və tanınması. Kompüterə informasiyanın daxil edilməsi sürətinin
artırılması, göz və əlin işinin yüngülləşdirilməsi, kifayət qədər uzaq məsafədən nitqlə
təmasın təmin olunması üçün nitq təması sistemləri yaradılır. Belə sistemlərdə mətn kimi
(giriş informasiyası kimi) fonem mətndən, yəni səsləndirilən mətndən istifadə olunur.
Öyrədici sistemlər. Sİ-in bu istiqaməti verilənlərin analizi və ümumələşdirilməsi
prosedurasından istifadə etməklə biliklərin avtomatik toplanması və formalaşmasına
yönəlmiş modelləri, metodları və alqoritmləri özündə birləşdirir. Bu istiqamətə təzəcə
meydana çıxmış verilənlərin əldə olunması sistemləri (Data-mining) və kompüterin
verilənlər bazasında qanunauyğunluqların axtarışı sistemləri aiddir.
Obrazların tanınması. Obyektlərin tanınması obyektin hər hansı bir sinfə aid olmasını
təmin edən xüsusi riyazi aparatın istifadəsinə əsaslanmaqla həyata keçirilir ki, bu siniflər
də müəyyən yığın göstəricilərin qiymətləri ilə təsvir olunurlar.
Oyunlar və maşın yaradıcılığı. Maşın yaradıcılığı sistemlərinə musiqilərin, şerlərin
bəstələnməsi, yeni obyektlərin kəşfi üçün intellektual sistemlərin hazırlanması daxildir.
İntellektual kompüter oyunlarının yaradılması proqram təminatı sahəsində ən inkişaf etmiş
kommersiya istiqamətidir.
İntellektual robotlarlar. İntellektual robotların yaradılması robototexnikanın son
məsələsidir. Hal-hazırda birinci nəsil robotlar adlanan kəskin idarəetmə sxemli
proqramlaşdırılan monipulyatorlarından istifadə olunur. Bu istiqamətdə müəyyən
nailiyyətlər qazanılsa da hələ ki, intellektual avtonom robotlar dövrü başlanmayıb. Bunun
da səbəbi biliyin interpretasiyası, maşının görmək bacarığı, üç ölçülü vizual
informasiyanın adekvat saxlanması və emalı ilə bağlı problemlərin olmasıdır.
2.
Ekspert sistemlər
KitabYurdu.az
120