I FƏSİL. CİNAYƏT PROSESİNİN ANLAYIŞI, MAHİYYƏTİ VƏ VƏZİFƏLƏRİ
onun tərbiyəvi təsirini artırır, qanunçuluğun və hüquq qaydalarının
möhkəmləndirilməsinə əlverişli təminat yaradır.
Hökmün icrası prosessual hüquq elminin xüsusi bir institutu
olmaqla, cinayət prosesinin müstəqil mərhələsini təşkil edir. Bu mərhələ
onu prosesin digər mərhələlərindən fərqləndirən bir sıra özünəməxsus
prosessual xüsusiyyətlərə malikdir. Məhz, həmin xüsusiyyətləri nəzərə
almadan hökmün icrasını praktiki olaraq həyata keçirmək bir sıra
çэtinliklərlə üzləşməklə bərabər, bəzi konkret hallarda isə qeyri-
mümkündür.
Kassasiya qaydasında işlərə yenidən baxılması və yeni açılmış
hallara görə işlərin təzələnməsi cinayət prosesinin müstəsna
mərhələləridir. Əsas mərhələlərdən fərqli olaraq cinayət işi xüsusi
hallarda bu müstəsna mərhələlərdən keçir.
Məhkəmə kassasiya qaydasında işlərə yenidən baxılması
mərhələsində birinci instansiya məhkəmələrinin qanuni qüvvəyə
minmiş hökmlərinin, qərardadlarının və qərarlarının, habelə apellyasiya
və yuxan məhkəmələrin apellyasiya və kassasiya qaydasında çıxartdığı
qərardadlann və qərarların qanuniliyini və əsaslılığını yoxlayır. Bu
zaman işə yenidən baxılmasına cinayət prosesinin müvafiq iştirakçıları
və ya vəzifəli şəxslərin protesti səbəb ola bilər.
Yeni açılmış hallara görə işlərin təzələnməsi isə qanuni qüvvəyə
minmiş hökmün qanunsuz çıxarılmasına səbəb olan və məhkəməyə işin
istintaqı və məhkəmə baxışı zamanı məlum olmayan yeni halların aşkar
edilməsi ilə əlaqədar olaraq baş verir.
Hər bir cinayət işinin bütün hallarda yuxarıda göstərilən mərhələlərin
hamısından keçməsi heç də vacib deyildir. Cinayət işinin hər hansı
mərhələsində iş üzrə icraatı istisna edən hallardan birinin aşkar edilməsi
həmin mərhələdə işin xitam edilməsi ilə nəticələnir. Bir sıra işlər üzrə
ibtidai istintaqın aparılması heç də məcburi deyildir. Əgər məhkəmənin
hökmündən apellyasiya şikayəti və ya protesti verilməmişsə, iş
apellyasiya icraatı mərhələsindən keçmir.
m
Mirağa Cəfərquliyev
§ 5. Cinayət-prosessual hüquq və onun
digər hüquq sahələri ilə əlaqəsi
Cinayət-prosessual hüququn hüququn müstəqil sahəsi olması heç də
onun hüququn digər sahələri ilə əlaqəsini qırmır. Cinayət-prosessual
hüquq hüququn bir sıra başqa sahələrinə aid olan normalan özündə
nəzərdə tutur. Məsələn, Azərbaycan Respublikası Konstitusiyasının 25,
32, 45,46, 55, 61, 63, 67, 127 və digər maddələrində nəzərdə tutulmuş
amillər Cinayət-Prosessual Məcəllənin 10-13,15,19,21,23- 28, 32, 38,
47 və başqa maddələrində təsbit olunmuşdur.
Cinayət-prosessual hüquqda bundan əlavə də hüququn başqa
sahələri ilə qarşılıqlı əlaqəsi açıq şəkildə nümayiş olunur. Lakin
hüququn başqa sahələrində olan bütün belə əlaqə cinayət-prosessual
hüququn müstəqil sahəsi kimi fəaliyyət göstərməsinə heç də ziddiyyət
təşkil etmir. Eyni zamanda, qeyd etmək lazımdır ki, cinayət-prosessual
hüquq hüququn digər sahələrinin normalannı heç də tam miqyasda
təkrar etmir, hüququn digər sahələrindən asılı olmayaraq
cinayət-prosessual hüququ təmsil edən bütün amillər cinayət-prosessual
qanunvericiliyin normaları ilə tənzimlənir.
Beləliklə, qeyd etdiyimiz kimi, cinayət-prosessual hüquq hüququn
müstəqil bir sahəsi olmaqla digər hüquq sahələri ilə də sıx əlaqədardır.
Belə sıx əlaqə xüsusilə cinayət-prosessual hüquq ilə «Respublika
hüquq-mühafizə orqanları», «Cinayət hüququ», «Mülki proses»,
«Prokuror nəzarəti» fənləri arasında daha aydın öz ifadəsini tapmışdır.
Cinayət-prosessual hüququ ilə Hüquq-mühafizə orqanları fənni
arasında qarşılıqlı əlaqə hər şeydən əvvəl hər iki elmin öyrəndiyi
sahələrin biri-birinə daha yaxın olması ilə izah edilir. Hüquq-mühafizə
orqanları fənni istintaq, təhqiqat, prokurorluq və məhkəmə orqanlan-
nın quruluşu və təşkili prinsiplərindən, həmin orqanların səlahiyyət və
vəzifələrindən bəhs edir. Cinayət-prosessual hüquq isə cinayətlərin
istintaqı, məhkəmədə baxılması və həll edilməsi üzrə həmin orqanların
fəaliyyətini tənzim edir.
Məhkəmə, prokurorluq, təhqiqat və istintaq orqanlarının təşkili
məsələləri həmin orqanların fəaliyyəti ilə üzvi surətdə bağlıdır.
Məhkəmə quruluşu haqqında qanunvericilik məhkəmənin təşkili
prinsipləri ilə yanaşı onun fəaliyyətinin əsas prinsiplərini də müəyyən
edir.
I FƏSİL CİNAYƏT PROSESİNİN ANLAYIŞI, MAHİYYƏTİ VƏ VƏZİFƏLƏRİ
Cinayət işləri üzrə dövlət orqanlarının fəaliyyətini tənzim edən
cinayət-prosessual hüquq da öz növbəsində məhkəmənin təşkilinə aid
əsas müddəalan əks etdirir.
Məhkəmənin Respublika Konstitusiyası ilə müəyyən edilmiş təşkili
və fəaliyyət prinsipləri hər iki sahənin - həm məhkəmə quruluşunun,
həm də cinayət prosesinin prinsipləridir. Məsələn, hakimlərin
müstəqilliyi və onlann ancaq qanuna tabe olması eynilə həm məhkəmə
quruluşunun, həm də cinayət prosesinin prinsiplərindən biridir. Bu
prinsip məhkəmə quruluşu qanunu ilə yanaşı, cinayət-prosessual
qanunvericilik ilə də nizama salınır.
Cinayət-prosessual hüquq cinayət hüququ ilə də üzvi surətdə
bağhdır. Hər iki hüquq sahəsi qarşılıqlı əlaqədə olub bir məqsədə xidmət
edir və bir-birini tamamlayır.
Cinayət-prosessual hüquq cinayətlərin təhqiqatında və istintaqında
təhqiqat orqanlannın, müstəntiqin və məhkəmənin fəaliyyətlərinin
qaydalarını və formalannı müəyyən edir, bu yolla qanunçuluğun və
vətəndaşların hüquqlarının qorunması təmin edilir.
Cinayət-prosessual hüquq ilə cinayət hüququnun yaxın əlaqəsi həm
də onunla bağlıdır ki, təhqiqat, istintaq zamanı xeyli dərəcədə sübut
etmə predmeti cinayət hüquq normaları ilə müəyyən edilir. Cinayət-
prosessual hüquq da, öz növbəsində cinayət hüququ qiymət vermənin
əsası kimi çıxış edən, aşkar edilən faktların rəsmi tanınma qaydalarını
təsbit edir. Bu mənada müstəntiq və hakim tərəfindən müəyyən edilən
bütün hallann deyil, ancaq cinayət-prosessual hüquq normalarına uyğun
olaraq müəyyən edilən halların cinayət hüquqi əhəmiyyəti vardır.
Cinayət-prosessual hüquq - cinayət hüququnun tətbiqi formasıdır
(57.S.5-6).
Cinayət hüququ və cinayət hüquq münasibətləri cinayət-
prosessual hüquq və cinayət-prosessual hüquq münasibətləri vasitəsilə
həyata keçirilir.
Cinayət-prosessual hüquq dövlət orqanlarından cinayətin edildiyini
göstərən kifayət qədər əsaslar olduqda cinayət işi başlamağı və
istintaqın aparılmasını tələb edir.
Cinayət prosesini həyata keçirən dövlət orqanlarının bütün
prosessual fəaliyyəti müvafiq cinayət hüquq normasını tətbiq etmək
məqsədi ilə cinayətin açılmasına, cinayəti etmədə təqsiri olan şəxslərin
ifşa edilməsinə yönəldilmişdir. Bu baxımdan cinayət prosesi olmadan ci
Dostları ilə paylaş: |