məlum oldu ki, bunlar Şahların oğlu və xanımıdı.
Şahlar saat on birdə - mən çatandan təxminən üç
saat sonra gəlib çıxdı. Onu görən kimi xatırladım; on
il əvvəl Bakıda-oğlunun kiçik toy məclisində
gördüyüm bu adam o qədər sadə, gülərüz, mehriban
idi ki, beləsindən ötrü təmənnasız olaraq, dünyanın o
biri başından da gəlmək xoş idi.
Şahların ailəsindəki qonaqpərvərlik, mehribanlıq,
sadəlik könlümə rahatlıq və fərəh bəxş etmişdi. Bu
fərəh bir də onda birə-beş artdı ki, bura gəlişimdən az
sonra adımı, ifalarımı eşidən, üzümü görmək
arzusunda olan, ümumiyyətlə, məni tanımayan,
sadəcə, Azərbaycandan təşrif buyuran qonaq kimi
qəbul edən hər kəs Şahların evinə axışdı...
Şahlar, dördotaqlı geniş və rahat mənzilindəki
otaqlardan ən yaxşısını mənə ayırmışdı. Həm onun
ailəsinin, həm də öz rahatlığım üçün oteldə qalmaq
istəsəm də Şahlar razılaşmadı.
Sorağımı eşidib gələn adamlar bizdən ayrılıb
getmək istəmir, Azərbaycanla bağlı suallar verir, mənə
çox maraqla baxırdılar. Biri deyirdi, müğənnimiz tele-
viziya ekranında çox ucaboy görünür, sən demə elə də
ucaboylu deyilmiş; digəri deyirdi ki, guya, mən
həyatda efirdəkindən cavan görünürəm; başqa biri
səsimi, oxu tərzimi tərifləyir, səsimin, ifamın
bənzərsiz olduğunu deyir, bir başqası da mənim bu
uzaq diyara gəlib çıxdığıma inanmadığını söyləyirdi.
Çox söz dedilər. Onların ünvanıma yağdırdıqları
tərifli sözlərdən də mənə çox xoş olanı o adamların
sadəliyi, mehribanlığı idi.
Şahların bütün yaxınları gecə saat on ikiyəcən
sabahkı xoş günün şərəfinə (Şahların kiçik qardaşı,
bacanağı, qayınları da burda yaşayırdılar) deyib-
Milena
81
güldülər, yeyib-içib şənləndilər. Saat on ikidə Şahlar
bizmlə sağollaşıb getdi. Onun bu gecə vaxtı hara
getməsiylə bağlı marağımı hiss edən, əri tək gülərüz,
mehriban, qonaqsevər xanımı Dilarə dilləndi:
-Narahat olmayın, qardaş, Şahlar səhər tezdən evdə
olacaq!
“Hara getdi, niyə getdi?” - soruşmaq istəsəm də,
bunu ədəbsizlik hesab etdiyimdən dinmədim. Dilarə
xanım, deyəsən, bunu hiss edib:
-Aallah xaraba qoysun, türməyə getdi! - Ağrıyla
bildirdi.
-Necə?.. Türməyə?!.. Türmədə işləyir? - Bu dəfə
soruşdum.
-Türmədə işləsəydi, nə vardı ki!.. – Onun səsi
titrədi. - Yatmağa getdi!.. Əslində üç il gecə-gendüz,
günəgün yatmalı idi. Bu hesabla ev üzü görmə -
yəcəkdi. Allah yaxşı adamların canını sağ eləsin, pul-
dan-paradan verib bir ilə endirdik. İndi o bir ilin də,
cəmi bir günü - yəni bu gecəsi qalıb. Sabahdan, Allah
qoysa, tamam azad olacaq! Əslində, oğlumun doğum
günüylə yanaşı Şahların da azadlığını, Allah qoysa,
sabah bayram edəcəyik!
-Deməli, atanın azadlığı, övladın doğum gününə
təsadüf edir! - Fərəhlə dilləndim.
-Elədi... Qalan bir ili də, əslində, rahat başa vurdu...
Gözətçiyə görüm-baxım eləyib, razı sala bildik ki, heç
olmasa, Şahları səhərlər evə buraxsın. O vaxtdan da
gecəni türmədə yatır, gündüzləri evdə olur.
-Bəs gündüzlər dustaqlara nəzarət-zad olmur? –
Maraq məni bürümüşdü.
-Olur. Amma rəisin-zadın yoxlaması olmur.
Dustaqları, Şahların dediyinə görə, adətən gecələr bir-
bir yoxlayırlar, gündüzlər isə elə də ciddi yoxlamalar
Zəka Vilayətoğlu
82
olmur. Elə buna görə də nəzarətçi razılaşdı, yoxsa,
Şahlar yazıq gecə-gündüz türmədə çürüyəcəkdi!
-Bəs birdən gündüzlər azadlığa buraxılan dustaq
qaçıb aradan çıxsa?..
-Onlar hər adamı buraxmırlar ki!.. - Bir də, bizə elə
gəlir ki, gündüz evə buraxılan dustaq nəzarətsiz qalır,
heç də belə deyil...
-Nəyə görə həbs ediblər Şahları? – Çətin də olsa,
bu sualı verməkdən özümü saxlaya bilmədim.
-Burda belə bir qayda var, - ev sahibəsinin sifəti
kölgələndi, - qırmaq, doğramaq üçün, istəsən bir yox,
bir neçə hektar meşə sahəsi götürə bilərsən, özü də qa-
nuni müqaviləyə əsasən. Bir il ərzində həmin meşəni
qırıb qurtarmalısan. Əgər bu müddətdə qırıb qurtara
bilmədinsə, ödədiyin pulun məbləğindən asılı olma-
yaraq, bir daha həmin əraziyə girib, ağac kəsməyə
sənin ixtiyarın yoxdu, əks halda səni üçillik həbs
cəzası gözləyir. Şahlar da belə bir səhvin, lap açığı
tamahının qurbanı oldu. Əlimizdə olub-qalanı da
türmə yedi. İndi də bu gün düz bir il tamam olur ki,
gecələr gedir, gündüzlər evə qayıdır. Çox da ki,
gündüzlər evə qayıdır, evdən kənara bir addım da
atmağa ixtiyarı yoxdu... Şahlar yazığa olanlar bir
başqasına olsaydı, vallah, fikirdən-dərddən ürəyi
partlardı. Ali təhsil, diplom bir işə yaramadı... Bir
müddət işsiz qaldı. Sonradan sonraya Bakıda -
Əhmədlidə bir çörək sexi açdı, onu da işlətməyə
imkan vermədilər. Yerli-yersiz yoxlamalar onu boğaza
yığmışdı. Axır, baş götürüb Azərbaycandan çıxmaq
qərarına gəldi. O vaxtdan da taleyimiz gətirib bizi bu
meşənin içinə atdı. Biz bura gələndən bir il sonra
Şahların kiçik qardaşı da ailəsini götürüb yanımıza
gəldi. Neynəyək, görünür, qurban olduğum Allah
Milena
83
bizim çörəyimizi də bizə burda verməyi rəva bilib!..
İndi, Allaha şükür, - başımıza gələn, gətirilən bu
müsibətlərə baxmayaraq, - yenə də hər şeyimiz var.
Güzəranımız xoşdu. Qurbanı olduğum Allah bizi
darda qoymadı. Əgər Fərman adlı bir dostu, - illərlə
evimizdə çörək yeyib, haram xoşu olsun, iraq sizdən,
- ona ağır zərbə vurmasaydı, bəlkə də indi Şahlar mil -
yonçu idi.
Şahların xanımı, məni çoxdan və lap yaxından
tanıyırmış kimi, açıq ürəklə bütün dərdlərini, başlarına
gələn və gətirilən müsibətləri aravermədən danışırdı.
Hərdən mənə də elə gəlirdi ki, bu qadın bacımdır və
ya hansısa əziz-xələf qohumlarımdandır. Bəlkə də bu
yerlərə toy şənliyinə dəvət alıb gəlmiş hər hansı
məşhur Azərbaycan müğənnisi üçün Dilarə xanımın
söylədikləri bir o qədər də əhəmiyyət kəsb etməzdi,
ola bilsin ki, bu sadə adamlarla yaxınlıq edib, onlarla
kəlmə kəsməz, heç saatlarla da oturub qalmazdı.
Amma mənimçün insanların arasında olmaq, onların,
sevinciylə yanaşı dərd-qəmlərilə də yaxından tanış
olmaq həmişə vacib olduğundan maraqla, həm də
böyük həyəcanla bu sadə, mehriban, gülərüz və mənə
olduqca doğma adam təsiri bağışlayan qadının
söylədiklərinə biganə qala bilmədim, soruşdum:
-Nə baş verdi ki?!
-O baş verdi ki, həmin adam - dostu dediyi Fərman
Şahlara qarşı alçaqlıq elədi!.. – Dilarə xanım köksünü
ötürdü. – Bakıda - şəhərin ən yaxşı yerində bizə torpaq
almaq adıyla Şahlardan xeyli pul qopardı. Şahlar sağ
olmuş da nəyi vardı verdi Fərmana. Dedi, bu gün
əlimə yaxşı pul gəlir, sabahı bilmək olmaz, hər şey
əldən çıxar, fürsət varkən, Bakıdan torpaq alıb, ev
tikdirək, onsuz da gec-tez buralardan çıxıb, gedəcəyik,
Zəka Vilayətoğlu
84
Dostları ilə paylaş: |