11
Mənənələr köçəri və oturaq həyat tərzi keçirməklə 2 qrupa
bölünürlər. Taxıl sahəsinə zərər vuran mənənələrin əksəriyyətinin
oturaq həyat tərzi sürməsi onların taxıl bitkiləri üzərində kütləvi
sürətdə artıb, çoxalmasına şərait yaradır. Mənənələrin qanadsız
fərdləri partogenetik yolla, diri bala doğmaqla çoxalırlar. Bir ildə
14-18 nəsil verə bilirlər. Payızda taxıl bitkiləri üzərində öz yumur-
talarını qoyur və yumurtalar orada qışlayır. Erkən yazda yumurta-
lardan çıxmış sürfələr taxıl bitkilərinin sünbüllərinin, gövdəsinin
və yarpaqlarının şirəsini sormaqla böyük zərər vururlar. Kütləvi
inkişaf etdiyi illərdə 10-15% məhsul itkisinə səbəb olur.
Mübarizə tədbirləri. Aqrotexniki mübarizə məqsədi ilə taxıl
sahələrində məhsul yığılan kimi sahələrdə 20-25 sm dərinlikdə
şum aparılmalıdır. Sahənin ətrafında olan kövşənliklər də
şumlanmalı və alaq otlarından təmizlənməlidir.
Torpaq altına fosfor və kalium gübrələri bölgə üçün nəzərdə
tutulmuş normada verilməlidir.
Növbəli əkin sisteminin tətbiq edilməsi mənənlərin yayıl-
masının qarşısını 70-80% alır.
Təbiətdə mənənlərin təbii düşmənləri çoxdur. Onlardan Para-
bizən böcəyi və onun sürfələri (Coccinella septempunctata L),
Qızılgözün müxtəlif növləri (Chrisopa vulqaris), bərabərqanad-
lıların Sirphus cinsinə aid olan bəzi nümayəndələrini misal
göstərmək olar. Bu tüfeyli həşəratlar mənənələrin təbiətdə po-
pulyasiya sıxlığını minimuma endirir və onların inkişafının
qarşısını alırlar. Aparılan kimyəvi mübarizə işlərində təbii düş-
mənlərin qorunması nəzərə alınmalıdır.
Kimyəvi mübarizə. Taxıl əkinlərində mənənələrin inkişafı və
yayılması kütləvi hal aldıqda insektisidlərdən istifadə edilməlidir.
Bu məqsədlə Ccomrasol Gil SC 708 (İmidakloprid) 0,25 litr/ha
məsarif normasında 300 litr/ha işçi məhlulu sərf etməklə çiləmə
aparılmalıdır. Azərbaycanda son illərdə sınaqdan keçirilmiş insek-
tisilərdən 2,5%-li Bulkodun 0,4 litr/ha, Dinqo (B58) (Dimethoate)
2,5 litr/ha, Hekthionex 36 EC (Endosulfan) 1,5-2,5 litr/ha, 20%-li
Totem (Fenozaxirı 20%) 1,5 litr/ha məsarif normalarında tətbiq
etməklə, onların hər hansı biri ilə səmərəli mübarizə aparmaq olar.
12
Buğda Tripsi
Buğda tripsi (Haplothrips tritici Kurd) Azərbaycanın dəmyə
əkin zonalarında yayılmışdır.
1,5-2 mm ölçülərində qaramtıl rəngdə olub, qarıncığın axırıncı
buğumu borulaşaraq konusvari şəkil almışdır. Sürfələri yetkin
fərdə oxşayır, lakin rəngləri qırmızımtıldır (Şəkil 11).
Deşib-soran ağız aparatı tripsə taxılın yarpaqları və sünbül
dənlərinin şirəsini sormaqla qidalanmağa imkan verir.
Buğda tripsinin geniş yayıldığı illərdə məhsuldarlıq 15%-ə
qədər aşağı düşür, dənin keyfiyyəti pisləşir. Pulcuqlar rəngini
dəyişir, bəzən boş dənlik əmələ gəlir. Zədələnmiş iri yarpaqlar
büzüşür, cavan yarpaqlar isə açıla bilmir. Buğda tripsinin sürfələri
qidalandıqdan sonra torpağa düşür. Torpağın üst qatlarında və
buğdanın torpağa yaxın budaqlarının altında qışlayır.
Mübarizə tədbirləri. Torpaq məhsul yığımından sonra 20-25
sm dərinlikdə şumlanmalıdır. Məhsul yığımından sonra taxıl
sahəsi və kövşənliklər üzlənməli və dərin dondurma şumu aparıl-
malıdır.
Buğda tripsi gizli həyat tərzi keçirdiyinə və qış ehtiyatı
torpağın üz qatında olduğuna görə aqrotexniki mübarizə tədbir-
lərinin vaxtında və keyfiyyətlə yerinə yetirilməsi zərərvericilərin
90%-ə qədər məhv olmasını təmin edir.
Adi taxıl sovkası
Adi taxıl sovkası (Hadena basilinea Schift) Azərbaycanda ən
çox dəmyə şəraitində becərilən taxıl əkinlərində yayılmışdır. Taxıl
bitkilərinin cücərtiləri, ləpə yarpaqları və kök boğazlarını gəmir-
məklə qidalanır və zərər vururlar (Şəkil 12).
Taxıl sovkası qış dövrünü tırtıl fazasında keçirir. Kütləvi ya-
yılma illərində payızlıq taxıl əkinlərində seyrəklik çoxalır, bunun
nəticəsində isə müxtəlif xəstəlik, zərərverici və alaq otlarının
inkişafı sürətlənir. Nəticədə taxılın məhsuldarlığı və keyfiyyəti
pisləşir.
13
Yetkin kəpənəklər payızlıq taxıl əkinlərinin süd yetişmə
mərhələsində uçurlar. Kəpənəklər yumurtalarını sünbül saçaq-
larına, üst yarpaqlara və gövdə üzərinə qoyur. Yumurtadan çıxan
tırtıllar sünbül saçaqlarını, yetişməkdə olan dənləri yeyirlər. Taxıl
sovkası gecələr qidalanır. Gündüz vaxtlarında sünbül saçaqları,
yarpaq qoltuqlar və torpağın üst qatlarında gizlənirlər.
Taxıl sovkası qidalanmasını məhsul yığımına qədər davam
etdirir. Kütləvi yayılma illərində buğda əkinlərinə ciddi ziyan
vurur və məhsuldarlığın 20-25%-ə qədər aşağı düşməsinə səbəb
olur.
Mübarizə tədbirləri: Taxıl əkini sahələrində boruyaçıxma
fazasında müşahidələr gücləndirilməlidir. Əgər zərərvericinin
miqdarı iqtisadi ziyanlı həddi aşırsa ona qarşı aşağıda göstərilən
insektisidlərin biri ilə mübarizə aparılmalıdır. Hər kvadrat metrdə
5-7 ədəddən artıq sovka tırtılına rast gəlinərsə, bu zaman
- Bandero (Fenpropatrin) 1,5-2 litr/ha,
- Deltharin 2,5 EK (Deltamethrin), 0,5 litr/ha,
- Arrivo 25 EC (Sipermethrin 250 qr/l) 0,3 litr/ha,
- Santer OD 300 (Beta-cyflutyna) 0,4 litr/ha məsarif
normasında 300 litr işçi məhlulu sərf etməklə mübarizə apar-
malıdır.
Bölgədə əvvəlki illərdə taxıl sovkası müşahidə edilmişdirsə
taxıl səpinindən qabaq torpağın becərilməsi düzgün aparılmalı və
mineral gübrələr normada torpağa verilməlidir. Torpaq 20-25 sm
dərinliyində şumlanmalı, dişli mala ilə malalanmalıdır.
Səpin normasına əməl olunmalı, toxumun tez cücərməsi və
güclü olması üçün səpin dərinliyi nizamlanmalıdır.
Yüksək aqrotexniki qaydalarla becərilən sahələrdə taxıl sovka-
sının inkişafı minimuma enir. Taxılın kombaynlarla yığılması taxıl
sovkasının ehtiyyatını 75-80% azaldır.
Adi taxıl mişarçısı
Adi taxıl mişarçısı (Cephus pygmaeus L) Azərbaycanın taxıl
əkilən bölgələrində geniş yayılmışdır. Taxıl mişarçısı qara rəngli
Dostları ilə paylaş: |