________________________Milli Kitabxana________________________
81
SON SÖZ
Sən ey mədən torpağından qüvvət alıb gülən diyar,
gid ərlər meydanısan, qəhrəmanlar yuvasısan.
Səndə sönməz bir əməlin göylər qədər mənası var.
Sən inqilab ocağısan, əməkçilər obasısan.
Qarlı dağlar şahid durur keçirdiyin dövranlara,
Çox zamanlar zülm elinin bir kölgəsi sayılmısan.
Dənizlər dalğalandiqca, səs düşdükcə ormanlara,
Xoş baxışlı bir günəşin gülüşündən ayrılmısan...
Ancaq unutma bir şeyi, unutma ki, bu dünyada
Ehtiyatsız bir gözəli qara yellər tez soldurar.
Burjua qanlı bir dəniz, sən ortalıqda bir ada,
O dalğalar zaman-zaman sənə coşar, səni vurar.
Gözəl ölkəm! Sən gözəlsən, gözəlsən öz əməlinlə.
Zəncirlərdən azad olan bir dünyanı yapasısan.
Bu da mənim son sözümdür, dinlə məni, bir az dinlə:
Sən bu sağlam şüurunla qoca Şərqin qapısısan.
1929
________________________Milli Kitabxana________________________
82
DOSTLAR XƏBƏR
Bir xəbər almışam dostlar əlindən:
Əğ
yarın başına dünya dar olub.
Gedibdir əlindan hər ixtiyarı,
Pozulub şövkəti tarımar olub.
Mən demişdim ona: eşit, ey insan!
Qalmayacaq sənə sürdüyün dövran.
Bilir Azərbaycan, bilir Dağıstan,
Dərdim el içində bir şüar olub.
Arif ol, ey Vurğun, uyma şöhrətə,
Alışdır özünü barı möhnətə;
Bir bax tarixlərə, bax təbiətə
Ağ günlərin sonu ahu-zar olub.
Artıq bu sözlərin nə mənası var?
Başımda bir köhnə qəm havası var.
Onun Vurğun kimi mübtəlası var,
Bir baxın ki, gedib kimə yar olub?..
1929, 16 sentyabr
________________________Milli Kitabxana________________________
83
ÖLÜMÜN MƏHKƏMƏS
Soyuq bir qış axşamında süzərək kainatı,
O, mənalı baxışlarla tərk elədi həyatı...
Acımadan gəncliyinə parlaq əməllərinə,
Həyatmı qurban verdi öz qatil əllərinə.
Sayğısız bu yaramazlıq, ömrün bu iyrəncliyi
Gələcək günlər eşqinə düşündürdü gəncliyi;
B i r i n c i s ə s
O bizim kəndliydi, ta çocuqluqdan
Birlikdə çalışar, əkin əkərdik;
Yaşıl yamaclarda, dağlar başında
Bir deyib, bir gülüb ləzzət çəkərdik.
Uğursuz bir gündə acı bir külək
Dağları, daşları bir yerə qatdı;
O soyuq ruzgardan xəstələnərək,
Yazıq il yanından ziyadə yatdı.
O gündən bəridir təbiətində,
Doğrusu, düşkünlük ağırlıq vardı;
Seyrək eşitdiyim hər söhbətində
Ölüm düşünərdi, ölmək arardı.
k i n c i s ə s
O çox mütəfəkkir, çox xəyalpərvər,
Həyata, hər şeyə biganə idi.
Görüb düyduğumu söyləsəm əgər,
Bəlkə bir sayğısız divanə idi.
Ömründə bir dəfə gülməzdi üzü,
Çünki dumanlıydı düşüncələri.
O bir qarşılardı gecə-günduzü
Dadlı xəyallara uyandan bəri ...
________________________Milli Kitabxana________________________
84
Ü ç ü n c ü s ə s
Ə
srin geniş addımları sürət tapandan bəri
Çoxlarına çətin gəlir mübarizə günləri;
Axan sellər qarşısında aciz, miskin qalırlar.
Sonra sonsuz bir heçlikdən dönüb "ilham" alırlar.
Həyatı bir kölgə kimi, röya kimi duyanlar,
Çətinlikdən çəkinib də hər xəyala uyanlar
Yeniliklər dünyasına yummaq istər gözünü,
Anlamaz ki, bu gedişlə o aldadır özünü ...
1929
________________________Milli Kitabxana________________________
85
ÇÖRƏK DOSTU
Bir az yeyər, içər keyfi durular,
açılar rəngi,
Sonra sərməst olub, qızar gözləri.
Onun sözləri
O qədər mənalı olur ki, inan,
Hər duyan insan
Fəxr edər bəşərin bu övladilə,
O da insanlığın böyük adilə,
Bizi alqışlar,
nitqlər başlar:
" çək bu bakalı o sağlığa ki,
Xəyalı yüksəkdir, qəlbi ləkəsiz,
Ə
yilməz bir kəsə qalsa əkməksiz
*
".
Yazıq üzülüncə meyxanalardan
Büsbütün dəyişər, dönər ahəngi,
açılmaz rəngi...
Təəccüb gəlməsin sizlərə bu iş,
Onu danışdıran meyxana imiş.
[1929]
*
Çörəksiz
________________________Milli Kitabxana________________________
86
VƏTƏN HƏSRƏT
Elindən, günündən ayrılan könül,
Arabir vaxt tapıb ağlasın gərək.
Ə
ziz kimsələri qırılmış kimi,
Yas tutub qaralar bağlasın gərək.
Demirəm incidib üzsün özünü,
Ə
l üzüb dünyadan yumsun gözünü.
Nə qədər olsa da Vətən sözünü,
Duysun ürəyində, anlasın gərək.
Bir şikəstə neyəm, bir qırıq kaman,
Görmədim bir bəla-həsrətdən yaman,
Vurğun ellər deyib ağlar hər zaman,
Onun qaydasıdır, ağlasın gərək.
1929
Dostları ilə paylaş: |
