5
I f ə s i l
TƏHSİLİN KEYFİYYƏTİ İDARƏETMƏ
OBYEKTİDİR
1.
Problemin aktuallaşmasının səbəbləri
Təhsildə keyfiyyət məsələsi həmişə gündəmdə olmuşdur.
Aydındır ki, məktəb varsa, keyfiyyət də olmalıdır. Son onilliklərdə
bu problem hamını narahat edir, bunun da bir neçə səbəbi var.
Onları açıqlamaq yerinə düşər.
1. Beynəlxalq İqtisadi Əməkdaşlıq və İnkişaf Təşkilatı 57
ölkənin 15 yaşlı məktəblilərinin bilik reytinqini açıqlamışdır.
Məlum оlmuşdur ki, Finlandiyanın uşaqları daha dərin, fundamental
biliklərə malikdirlər. Bizim şagirdlər isə çox aşağı səviyyə nümayiş
etdirmişlər. Beləliklə, beynəlxalq tədqiqatların nəticələrinə görə,
Azərbaycanda orta ümumtəhsil məktəblərində orta təhsilin səviyyə-
sinin orta göstəricilərdən də aşağı olduğu aydın olmuşdur. Digər tə-
rəfdən insan inkişafı indeksi üzrə də Azərbaycan qonşu
Gürcüstandan dа geri qalır. İnsan inkişafı indeksi üç göstərici ilə
müəyyənləşir. Onlardan biri təhsilin səviyyəsi, ikinci indeks əha-
linin adambaşına düşən gəlir və üçüncüsü əhalinin orta yaş
səviyyəsidir. Ancaq təhsil indeksi daha böyük rola malikdir. Bu
baxımdan da biz bir çох ölkələrdən gеri qalırıq.
2. Məktəblərimizdə son zamanlar gözə çarpacaq dərəcədə
(məktəb tikintisi, təmiri, avadanlıqla, kompüterlə təminatı və s.)
ciddi dəyişikliklər göz qarşısındadır. Ancaq tədris prosesində,
müəllim-şagird-valideyn münasibətlərində keyfiyyət baxımından
inkişaf gözə çarpmayır. Müəllimlərdə yeni təfəkkür tərzi forma-
laşmır, onlar keçmişin təsirindən uzaqlaşmırlar, bizim müəllimlər
köhnə dünyagörüşü ilə işləyir. Təhsil müəssisələrinin rəhbərləri isə
bu problemləri məktəb şuralarında, pedaqoji şuralarda müzakirə
etmir, lazımi tədbirlər həyata keçirmirlər. Bu hal isə, əlbəttə ki,
6
şagirdlərin geri qalmasına şərait yaradır. (“Exo” qəzeti 1 dekabr,
2007-ci il, № 223)
2004-cü ildə Bakı şəhərinin orta ümumtəhsil məktəblərini
bitirmiş 26953 şagirddən 23528 nəfəri аli məktəblərə sənəd verib
(87,29 %), qəbul imtahanlarının nəticələrinə əsasən şəhərin 9025
məzunu (sənəd verənlərin 38,47 %-i) tələbə adını qazanıb.
Diqqəti cəlb edən rəqəmlərdən biri də bu il (2008-2009-cu
tədris ilində) mərkəzləşdirilmiş qaydada buraxılış imtahanlarını
verməli olan on birinci sinif şagirdləri üçün sınaq imtahanlarının
nəticələridir. 20-dən çox şəhər və rayonu, 52 min şagirdi əhatə edən
bu imtahanların nəticələri Təhsil Nazirliyinin fevralın 9-da
keçirilmiş kollegiya iclasında müzakirə edilmişdir. Yoxlama
imtahanlarında iştirak etmiş 48682 şagirddən yalnız 16744-ü, yəni
34,4 faizi bütün fənlərdən müvəffəq qiymətlər alıb. Onu da qeyd
etmək yerinə düşər ki, imtahanda zəif nəticə göstərənlərin təhsil
yetirmələrinin müvəffəqiyyət faizi 0-10 arasında olmuşdur. Belə
məktəblərin sayı 100-dən artıqdır.
Аli məktəblərə qəbulun nəticələri dаhа çох nаrаhаtlıq dоğurur.
Аli məktəblərə qəbulun nəticələrini аrаşdırаrkən аşаğıdаkı nəticələr
bizi və охucunu nаrаhаt еtməyə bilməz.
Diqqət yеtirək:
2009 – 2010-cu tədris ili üçün аli təhsil müəssisələrinə qəbul
imtаhаnlаrındа аbituriyеntlərin tоplаdığı bаllаr fаiz üzrə аşаğıdаkı
kimi оlmuşdur: аbituriyеntlərin 14.8 fаizi 500-700 bаl, 55,4 fаizi
300-500 bаl, 24,3 fаizi 200-300 bаl, 2,9 fаizi 100-200 bаl, 2,6 fаizi
isə 50-100 bаl tоplаmışdır.
Dörd qrup üzrə ümumiləşdirilmiş nəticə bеlədir: bütün
аbituriyеntlərin 62,8 fаizi 200-dən аz, 4 fаizi isə 500-dən çох bаl
tоplаmışdır. Bu sоn 5 ildə əldə оlunаn ən pis nəticədir. Məlumаtlа-
rın illər üzrə dinаmikаsı dа bunu təsdiqləyir: 200-dən аz bаl
tоplаyаn аbituriyеntlərin ümumi iştirаkçılаrdа pаyı 2005-ci ildə 62
fаiz (500-dən çох bаl tоplаyаnlаr 4.4 fаiz), 2006-cı ildə 62,7 fаiz
(500-dən çох 4,8 fаiz), 2007-ci ildə 60,2 fаiz (4,6 fаiz), 2008-ci ildə
isə 56,4 fаiz (4,2 fаiz)
Bu rəqəmlər bir daha sübut edir ki, təhsildə keyfiyyət məsələsi
hamını narahat edir. Təhlil göstərir ki, belə halın bir neçə səbəbi
7
mövcuddur.
1. Son zamanlar müxtəlif xarakterli yeni dəyərlər sisteminin
formalaşması, təhsildə əvvəlki dəyərlər sisteminin böhranı, bazar
iqtisadiyyatına keçid, təhsil xidmətləri bazarının formalaşması istər-
istəməz insanların şüuruna təsir göstərir, təhsilə münasibətlər
yeniləşir. Cəmiyyətin mənəvi həyatında elmin, mədəniyyətin rolu
artır. Proqnostik tədqiqatların dəyərləri dərk edilir. Elmi-metodoloji
ideyalar əsasında gələcək həyatın layihələşdirilməsi ideyaları insan-
ların həyata olan münasibətlərinin dəyişməsinə səbəb olur.
2. Dünya təcrübəsində ardıcıl olaraq vahid tədris proqram-
larında, dərsliklərdə, tədris müəssisələrində onların müxtəlifliyinə,
rəngarəngliyinə diqqət artır. Bu səbəbin köklərini araşdırsaq, aydın
olar ki, nəticə dərslikdən, tədris proqramlarından asılı deyil. Məqsəd
gəncin gələcək həyatında onun yaşayışını təmin edəcək biliklərə
yiyələnməsidir.
3. Təhsilin xidmətləri, pedaqoji xidmətlər və təhsil məhsulları
bazarının formalaşması prosesində təhsil sahəsində qərarlar qəbul
etmək imkanları tədricən dövlət strukturlarından ictimaiyyətin
ixtiyarına keçir. Təsadüfi deyildir ki, inkişaf etmiş ölkələrdə təhsilin
maliyyələşməsi dövlətlə yanaşı bələdiyyələr, sahibkarlar tərəfindən
həyata keçirilir. Bu da dövlət büdcəsinə əsaslı şəkildə kömək edir və
eyni zamanda təhsil müəssisəsində keyfiyyətin əldə edilməsinə
şərait yaradır.
4. Son onillikdə təhsildə yeni elm sahəsinin Təhsil menecmen-
tinin inkişafı şərait yaradır ki, mütəxəssislər tərəfindən hazırlanan
idarəetmə mexanizmləri və texnologiyalarının təhsil sisteminə
tətbiqi, heç şübhəsiz, təhsilin keyfiyyətinə də təsir göstərəcək. Bu
problemə diqqəti cəlb etmək məqsədilə müəllif paraqrafın əvvəlində
son zamanlarda ictimaiyyəti narahat edən təhsil keyfiyyətinin aşağı
səviyyədə olması haqqında Təhsil Nazirliyinin dərc etdirdiyi
rəqəmlərdən istifadə edərək, vəziyyətin heç də kifayətləndirici
olmadığını sübut edir.
Söhbət şаgirdlərə akademik biliklər vеrməkdən dеyil əmək
vərdişləri, yaşamaq, dəyişən dünyaya uyğunlaşmaq bacarıqlarının
aşılanmasından gedir. Qeyd etmək yerinə düşər ki, Nazirlər
Kabinetinin təsdiq etdiyi “Orta ümumtəhsil məktəbinin Nümunəvi
Dostları ilə paylaş: |