8
Əsasnaməsi”ndə də məktəbin vəzifəsi belə müəyyənləşdirilmişdir:
“Ümumtəhsil məktəbinin əsas vəzifəsi fərdin təbii imkanlarını
inkişaf etdirmək, ona elmin əsaslarını öyrətmək, fiziki, əqli,
intellektual imkanlarını, meyl, maraq və idrak qabiliyyətlərini
nəzərə alaraq, onun şəxsiyyətini formalaşdırmaq, həyatda və cəmiy-
yətdə səmərəli fəaliyyətə hazırlanmasına, müstəqil, yaradıcı
düşünən, ümumi mədəniyyətə malik milli mənəviyyatlı şəxsiyyətin
yetişdirilməsinə xidmət etmək, şüurlu olaraq peşə seçməyə
hazırlamaq, Azərbaycanın inkişafı naminə fədаkarcasına çalışan
vətəndaş tərbiyə etməkdən ibarətdir.” (Azərbaycan Respublikası
Orta Ümumtəhsil Məktəblərinin Nümunəvi Əsasnaməsi. 12 mart,
1994-cü il, Nazirlər Kabinetinin 109 saylı qərarı)
Bu nöqsanlı cəhət Təhsil naziri M.Mərdanovun Qax rayo-
nunda təhsil işçiləri ilə keçirdiyi müşavirə zаmаnı məruzəsində
xüsusi vurğulanmışdır. Qeyd olunmuşdur ki, PİZA adlı qurumun
nümayəndələri 63 ölkədə, o cümlədən Azərbaycanda 15 yaşlı
şagirdlər arasında riyaziyyatdan və ana dilindən imtahan
götürmüşdür. Şagirdlərimiz bilik üzrə 4-cü, bacarıq üzrə isə 30-cu
yeri tutmuşlar. Təsadüfi deyil ki, nazir bunu məktəblərin şagirdlərə
yalnız bilik öyrətməyə çalışması ilə izah etdi. Halbuki müasur
həyatda, böyük uğur qazanmaq üçün bacarıq daha vacibdir. Ona gö-
rə də təhsil sistemində şagirdlərə biliklə yanaşı bacarıq və vərdişlər
də öyrədilməlidir. («Azərbaycan müəllimi» qəzeti, № 4, 9 noyabr,
2007-ci il)
Elm inkişaf etdikcə, təcrübə artdıqca təhsil anlayışı geniş
məna kəsb edir, həyatın onun qarşısında qoyduğu yeni tələblər
nəticəsində vəzifələr optimallaşır.
XXI əsrin təhsil prosesi qarşısında qoyduğu mühüm yenilik-
lərdən biri də təhsil prosesinin subyekt – obyekt münasibətlərinin
subyektlər münasibətinə çevrilməsidir. Təsadüfi deyil ki, hələ 1999-
cu ildə “Təhsil sahəsində İslahat Proqramında “təhsil alanın şəx-
siyyət kimi formalaşdırılmasını, onun təlim-tərbiyə prosesinin əsas
subyektinə çevrilməsini başlıca vəzifə hesab edən yeni təhsil
sisteminin yaradılması”qeyd edilirdi. (Təhsil sahəsində İslahat
Proqramı, səh 7). Bu çağırış – şagirdlərin prosesin subyektlərinə
çevrilməsi – təhsil prosesinin idarə olunmasına yeni münasibət
9
formalaşdırır. Təhsil müəssisəsi rəhbərləri ardıcıl olaraq bu tələbin
həyata keçirilməsinə diqqəti artırmalıdırlar, çünki şagirdin subyekt
funksiyası təhsildə keyfiyyətin əldə edilməsi ilə əlaqədardır. Bu
həqiqəti təhsil müəssisəsi rəhbərlərinə, ümumiyyətlə, oxucularımıza
izah etmək üçün şagirdin subyektlik funksiyasının təhsilin keyfiy-
yəti ilə bağlı olmasının elmi əsaslarının ardıcıllıqla açıqlanması
yerinə düşər.
Bu gün təhsil işçilərinin bu problemə münasibətləri – şagird
şəxsiyyətinə, onun əxlaqına və fəaliyyətinə münasibət kimi məktə-
bin mövqeyindən açıqlanır. Müxtəlif səviyyələrdə təhsili idarə
edənlər yeni konsepsiyalar, standartlar, kurikulumla dərslik və
proqramlar, təlim vasitələri və s. yaratmağa çalışırlar. Təhsili idarə
edənlər, müəllimlər və valideynlər uşaqların əvəzinə onların gələcək
həyatlarının istiqamətlərini layihələşdirməyə çalışırlar. Belədirsə,
biz düşünməliyik:
- Uşaqlar yaşlılar tərəfindən arzu və istəkləri nəzərə alınmadan
layihələşdirilmiş təhsil müəssisələrində özlərini nə dərəcədə
komfort şəraitdə hiss edirlər.
-
Uşaqları təhsil məkanında yaşlılar tərəfindən təklif edilən
fəaliyyət istiqamətləri təmin edirmi?
-
Proqramlar, dərsliklər uşaqların xoşuna gəlirmi, axı onları
bu vasitələrlə tərbiyə edir, həyata hazırlayırlar?
-
Nəhayət, dövlət təhsil standartları bütün məktəbliləri təmin
edirmi?
(Mənə belə gəlir ki, təhsil müəssisələrinin rəhbərləri bu
məsələləri müəllimlərlə, tərbiyəçilərlə, hətta şagirdlərlə belə müza-
kirə etsələr, onlarda təhsilə yeni münasibət formalaşar).
İllər keçdikcə aydın olur ki, xarici mühit böyüməkdə olan
nəslə qarşı nə qədər diqtəedici mövqe tutacaqsa, böyüyən şəхs bir o
qədər subyektə çevrilməyəcək. Bunun nəticəsidir ki, müəllim,
şagird və psixoloqların əlaqəli fəaliyyəti nəticəsiz qalır. Çünki
yüksək təhsil nəticələri o zaman əldə olunur ki, uşaqların öz
təhsilləri sahəsində maraqları müəllim, tərbiyəçi və bütövlükdə
məktəbin maraqları ilə üst-üstə düşsün.
Buradan belə bir nəticəyə gəlmək olar ki, XXI əsr məktəbində,
keçmişdən fərqli olaraq, təhsilin anlanılması məntiqi tam dəyişəcək.
10
Bu, uşağa xarici təsirin yox, uşağın özünün fəaliyyətinin nəticəsinə,
mürəkkəb bir prosesə çevriləcəkdir. Bu zaman təhsil anlayışı,
şəxsiyyətin təhsili anlayışı ilə əvəz olunacaqdır. Belə olduqda təhsil
bir proses kimi şəxsin qayğısının nəticəsi olacaq. Ona görə də bu
zaman şəxsi məsuliyyət, həm şəxsi müvəffəqiyyət, həm də
müvəffəqiyyətsizlik kimi qəbul ediləcəkdir. Belə münasibət, anlam
şəxsiyyətin fərdi inkişafının nəticəsi olacaq, onun əxlaqını
müəyyənləşdirəcək.
Bir nəticə kimi qeyd etmək yerinə düşər ki, uşaq inkişaf et-
dikcə təhsil özünütəhsilləndirməyə keçəcəkdir. Belə olarsa, yaxşı
müəllim sadəcə olaraq uşaq şəxsiyyətini formalaşdıran, bu proses
üçün şərait yaradan mütəxəssisə çevrilməlidir. Bir sözlə, insan öz
gələcəyinin yaradıcısı olmalıdır. Belə izahatdan aşağıdakı anlayışlar
formalaşır:
- Şəxsiyyətin təhsili məktəbə qədər başlayır, məktəbdə və
məktəbdən kənarda davam edir, təhsil ömür boyu onu müşayiət edir
(Fasiləsiz təhsil, yaşlıların təhsili).
- Orta təhsil üçün lazımi şərait yaradılmayıbsa, (maddi-texniki
baza, yüksək səviyyəli və öz peşəsini sevən müəllimlər və s.
məktəblilərin fərdi özünütəhsili həyata keçirilməyirsə, təhsildə
yüksək nəticə əldə etmək qeyri-mümkündür.
- Məktəbin başlıca vəzifəsi şagird şəxsiyyətinin özünütəhsili,
şəxsiyyətinin inkişafı üçün maksimum xoş şəraitin yaradılmasıdır.
- Məktəb ictimaiyyəti tərəfindən çox mühüm, ancaq yeganə
olmayan, inkişafda olan uşaq və gənclərin gələcəyinin təminatçısı
olmalıdır. (Əlbəttə, burada ailənin və uşaqların özlərinin fəaliyyəti
unudulmamalıdır. Məktəb ümumxalq işi olmalıdır. Belə olmazsa,
bir çox ümumi məsələlər, təsərrüfat, maddi-texniki baza, gənclərin
məktəbə cəlbi, bəzən hətta küçələrin yığışdırılması, təsərrüfat
işlərinə kömək və s. məktəb kollektivini əsas vəzifələrin həyata ke-
çirilməsindən uzaqlaşdırar).
- Təhsilin nəticələrindən danışdıqda isə məktəb təhsilinin
nəticələri ilə şəxsiyyətin həyatda aldığı təhsilin nəticələri fərqlən
Dostları ilə paylaş: |