_____________ Milli Kitabxana_____________
74
“Valmiki dahisi” dramının sujeti ənənəvidir: Bilik
və Sənət himayədarı tanrıça Sarasvati öz ilahi
qüvvəsilə Valmikiyə şairlik dühası bəxş eləyir. Heç
şübhəsiz ki, sujet xəttinə Taqorun şəxsi həyatının
hadisələri də təsir göstərmişdir. Belə ki, Rabindranatın
atası öz oğlunu vəkil sifətində görmək istəyirdi. Taqor
doğma atasının arzusu əleyhinə gedərək bütün
ömrünü ədəbiyyata və sənətə həsr etmişdir. Təbii ki,
burada “Valmiki dahisi”lə analogiya qaçılmazdır.
Buna baxmayaraq “Valmiki dahisi”nin qəhrəmanı
heç də tanrının fərqləndirdiyi adam deyildi: o, adi
öləri insan idi. Bu əsərin sujeti əfsanə ilə reallığın
sərhəddində qurulub. Valmikinin meşədə azmış qıza
yazığı gəlir. Ancaq onun dostları bu balaca qızcığazı
tanrıça Kaliyə qurban gətirmək fikrindədirlər. Valmiki
ikinci dəfə də qızın həyatını xilas edir. Bu zaman
pyesə başqa bir motiv də daxil olur: qarşısı alınmış şər
yenicə törədilmiş günahla əvəzlənir. Ovçular ailə cütü
yaratmış iki ağ quşu izləyirlər. Axırı ki onlardan biri
oxunu atıb quşu öldürür. Amma qətl bununla bitmir:
möcüzəli ox geriyə qayıdıb ovçunun özünü məhv edir.
Hər bir qətl bu həyatda cəzalanmalıdır. Böyük qüssə
və şərə nifrət hissi Valmikini əsl şairə çevirir.
Əsər hind ənənəvi teatr formalarına uyğun şəkildə
vokal partiyaları üzərində qurulmuşdur. Lakin Taqor
burada yalnız bəstəkarlıqla kifayətlənməmişdir. O,
pyesin musiqi kompozisiyasinı hazırlayarkən bir
aranjemançı kimi də çıxış etmişdir. Belə ki,
_____________ Milli Kitabxana_____________
75
Rabindranat Taqor Avropa xalqlarının
melodiyalarından da bəhrələnmiş, onları milli musiqi
mədəniyyəti kontekstində yenidən işləyib
səsləndirmişdir. Əlbəttə ki, Taqorun milli mədəniyyət
şəbəkəsində inqlabi fəaliyyətinin məğzini təkcə Avro-
pa mahnılarının aranjemanı təşkil etmir. Taqor
səhnədə musiqi obrazının yaradılması prinsipini
dəyişir. O, xanəndə-vokalçı üçün hind ənənəvi
musiqisinin nəzərdə tutduğu improvizə spektrini
azaldıb minimuma endirir. Taqorun musiqili teatrında
əsas məsələ müəllif fikrinin tamaşaçıya dəqiq
çatdırılmasıdır.
Musiqili dram yaradıcılığını davam etdirən
R.Taqor 1882-ci ildə özünün növbəti “Faciəli ov”
(“Kalmriqayya”) pyesini sona yetirir. 1888-ci ildə
üçüncü pyes “Təsəvvür oyunu” (“Mayyar khela”)
meydana gəlir. Taqor bu musiqili dramını Kəlküttənin
“Şakti samiti” adlanan qadın klubunda səhnələyir.
Hİnd mədəniyyətində Rabindranat Taqorun
maarifçilik fəaliyyətinin misli-bərabəri yoxdur. O,
1901-ci ildə Şantiniketon şəhərində bir eksperimental
məktəb açır. Düz 20 ildən sonra bu məktəb
Vişvabharati universitetinə çevrilir. Bura Hindistanın
milli mədəniyyətlərinin öyrənilməsi və yayılması
universitetidir. Universiteti eyni zamanda “aşram” da
adlandırırlar. Aşram “müqəddəs ocaq” deməkdir,
hind mədəniyyətinin müqəddəs ocağı. Hind rəqqaslıq
sənətinin inkişafında da Taqorun xidmətləri böyükdür.
_____________ Milli Kitabxana_____________
76
Rəqs onun dramlarında müşayətçi statusu qazanır.
Odur ki, Rabindranat Taqor daha çox Manipuri tipli
yüngül rəqslərə, rəqslərin sintezinə üstünlük verərdi.
Bir xoreoqraf kimi də Taqorun gördüyü işlər böyük
tarixi və elmi-praktiki əhəmiyyət kəsb edir. XX əsrdə
Hindistanın avropatipli teatrı məhz Rabindranat
Taqorun musiqili teatrından impuls alıb intişar edir.
Və ya: Avropa teatrı Hindistana Rabindranat Taqorun
musiqili teatrı formasında gəlib təşəkkül tapır və bu
teatr özündə hər iki mədəniyyətin leksik vahidlərini
bir cədvəldə birləşdirməyə səy göstərir.
_____________ Milli Kitabxana_____________
77
II FƏSİL
YAPON TEATRI TARİXİ
Yapon teatrının tarixi, tanınmış dahi şərqşünas Nikolay
Konradın fikrincə, mərhələ-mərhələ üç teatr janrı ilə əlaqədar
olub öz xarakterini onların təbiətində, hüsnündə, xislətində
eyhamlaşdırmış, obrazlaşdırmışdır. Qədim Nara (VIII-IX y.)
dövrü bu nisbi bölgüdən kənarda qalır. Teatrşünaslar Yapon
teatrının ənənəvi formalarının inkişaf tarixini beş mərhələ üzrə
paylaşdırırlar. Belə ki, onların hər biri özünə uyğun teatr
forması, teatr janrı yaradıb.
NARA
çağlarından sonra başlayan xronologiyada 1-ci dövr
Yapon siyasi tarixinin
XƏYAN (IX-XII y.)
mərhələsidir, zatən
kübar olanların yaşayış tərzini, hakimiyyətini və mədəniyyətini
özüdə qapsayır. Qaqaku janrı bu tarixi zamanın törəməsidir.
Milli rəqslərə köklənmiş musiqili tamaşalara Yaponiyada
“ QAQAKU”
deyirdilər. Sonrakı əsrlərdə qaqaku artıq musiqi
janrı kimi təşəkkül tapacaq. Bu məqamlarda ilkin teatr
formaları musiqi və rəqs müstəvisində gəlişirdi. Qaqaku yalnız
kübar zadəganların zövqünü oxşaya bilərdi.
KAMAKURA (XIII-XIV y.)
2-ci dövrdür, Yaponiya
tarixində feodalizmin təşəkkül çağlarıdır, zadəganların sosial
pilləkəndən aşırılması məqamıdır. Bu əsrlərdə “təmiz” teatr
janrlarının bünövrəsi müəyyənləşib formalaşır, dramatik
mətnlər sujetli pyeslər şəklinə düşür.
3-cü dövr yapon feodalizminin ikinci həddi
“MUROMATİ”
və ya
“ASİKAQA”
adlanır. Bu mərhələ tarixin
XIV-XVI yüzillərini əhatə edir. Tarix səhnəsində yeni tipli
zadəganlar aşkara çıxır. Bunlar samuraylardır. Samuraylar
Noh teatr janrının qeyri-rəsmi müəllifləridir, bu janrın
ideoloqlarıdır. Noh teatrının yaranması, təşəkkülü və inkişafı
Muromati mərhələsinin zaman hüdudlarında gerçəkləşir.
Dostları ilə paylaş: |