ÀÇßÐÁÀÉÚÀÍÛÍ ÝÅÎÑÈÉÀÑßÒÈ
67
dövlətlərin Cənubi Qafqaza olan maraqlarının əsasında geo-
siyasi və iqtisadi məqsədlər dayanırdı. İtaliya dövləti bu mə-
nada özünün iqtisadi maraqlarına görə xüsusi olaraq seçilirdi.
Böyük Britaniya Azərbaycan üzərində olan mandatından
imtina edərək onu İtaliyaya verdi. Lakin İtaliyada hakimiyyət
dəyişdiyindən, maliyyə və texniki imkanlar çatışmadığından və
müttəfiqlər ordu hissələri göndərməyə cəsarət etmədiklərindən
həmin mandatı həyata keçirmək mümkün olmadı. Mandat
hüququ böyük dövlətlərin Cənubi Qafqazda geosiyasi və
geoiqtisadi maraqlarını ifadə edirdi.
ABŞ-ın Qafqaz mandatına marağı Böyük Britaniya, Fran-
sa və İtaliyadan fərqli olaraq daha böyük idi. Bu maraq xüsusi
cəhətləri ilə fərqlənirdi. Hələ 1919-cu ilin may ayında Parisdə
ABŞ nümayəndələri ilə danışıqlar aparan Azərbaycan tərəfi
Amerikanın respublikanın müstəqlilliyinə xələl gətirməyəcəyi
və daxili işlərinə müdaxilə etməyəcəyi təqdirdə onun hima-
yəçiliyini qəbul etməyə razı olduğunu bildirmişdi.
1919-cu ilin ortalarında yaranmış beynəlxalq vəziyyət, o
cümlədən Kolçak və Denikin ordularının məğlub olması və
Rusiyada bolşeviklərin güclənməsi Azərbaycan hökumətini
getdikcə narahat etməyə başlayır. Vəziyyət çevik xarici siyasət
aparmağı və hansı şəkildəsə böyük xarici dövlətlərin, xüsusən
də ABŞ-ın yardımına nail olmağı, onlardan müstəqilliyin qo-
runması ilə bağlı qarantiya almağı tələb edirdi. Azərbaycan
əsas diqqətini ABŞ hökuməti ilə diplomatik, iqtisadi, siyasi və
hərbi münasibətlər yaratmağa yönəltmişdi ki, bunun da bir çox
səbəbləri var idi.
Əvvəla, müharibədə Antantanın qələbəsinə ABŞ xüsusi
töhfə vermişdi və onlar arasında da xüsusi çəkiyə malik idi.
Dünya müharibəsindən əvvəl özü borc alan Amerika mühari-
bənin gedişində, xüsusən də müharibədən sonra əsas borc
verən dövlətə çevrilmişdi. ABŞ-ın beynəlxalq aləmdə qısa
müddətdə nüfuzu yüksəlmiş və dünya siyasətində rolu qat-qat
ßËÈ ÙßÑßÍÎÂ
68
artmışdı. Avropanın böyük ölkələrinin demək olar ki, hamısı
ABŞ-a borclu idilər. Paris sülh konfransının və dünya mühari-
bəsindən sonrakı beynəlxalq münasibətlər sisteminin təməllə-
rini də məhz Vilsonun “14 maddəsi” təşkil edirdi. ABŞ prezi-
denti xarici siyasət fəaliyyətində təcridçilikdən imtina edərək
beynəlmiləlçi liberal xətt yeritməyə üstünlük verirdi ki, bu da
Azərbaycan tipli gənc dövlətləri fəaliyyətə ruhlandırırdı.
İkincisi, həmin vaxt Paris Konfransında qalib ölkələrdən
İngiltərə, Fransa və İtaliyanın real köməyini almaq ehtimalının
zəif olmasını yəqin edən, indiyə qədər ölkəmizə yardım edən
Türkiyəninsə öz problemlərinin yetərincə olduğunu görən
Azərbaycan hökuməti yeganə çıxış yolunun ABŞ-la siyasi və
iqtisadi əlaqələr yaratmaqda olduğu qənaətinə gələrək, ölkənin
müstəqilliyinin ABŞ tərəfindən tanınmasına ciddi-cəhdlə səy
göstərir. Bu məqsədlə, Topçubaşov sentyabrın 26-da prezident
V.Vilsona yazdığı məktubunda dostcasına onun diqqətinə
“ABŞ-ın Azərbaycanın müstəqilliyini qoruyacağına və ölkəyə
yardım göstərəcəyinə azərbaycan xalqının inandığını, gözlə-
diyini və umduğunu” çatdırırdı.
Bundan başqa, Azərbaycan tərəfinin ABŞ ilə yaxın müna-
sibətlər qurmaq istəyi ermənilərin ABŞ-da getdikcə fəallaşması
ilə də bağlı idi. ABŞ-da fəaliyyət göstərən “Müstəqil Ermənis-
tanın Amerika Komitəsi” bu ölkənin siyasi dairələrində Azər-
baycan haqqında böhtan və yalan yaymaq sahəsində xüsusi
məharət qazanmışdı. Bu mənfur fəaliyyət türkləri və Cənubi
Qafqazda müstəqillik uğrunda çalışan Azərbaycan xalqını göz-
dən salmağa, ABŞ-ın bu dövləti tanımasını və onunla hər hansı
əlaqə yaratmasına əngəl törətməyə yönəlmişdi. Azərbaycan
hökuməti erməni dairələrinin bu cür iyrənc məqsədlərini ifşa
etmək və Azərbaycanla bağlı həqiqətləri Amerika ictimaiyyə-
tinin diqqətinə çatdırmaq üçün bu ölkədə lazımi təbliğat
aparmağı vacib hesab etsə də buna heç cür nail ola bilmirdi.
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
69
Həmin dövrdə Azərbaycan hökumətinin razılığına əsasən,
Ə.Topçubaşov Nyu York şəhərindən olan hüquq məsləhətçisi
Valter Çandlerlə iki müqavilə imzalaya bilmişdi. Müqavilənin
şərtlərinə görə, V.Çandler Azərbaycan nümayəndə heyətinin
təbliğat məsələləri üzrə hüquq məsləhətçisi (əslində lobbi fəa-
liyyətndən söhbət gedirdi) təyin edildi. O, göstərilən müddət
ərzində ABŞ-da Azərbaycanın milli maraq və mənafelərini
müdafiə etmək missiyasını öz üzərinə götürürdü. Eyni zaman-
da, həmin dövrdə amerikalı iqtisadçı Maks Rabinov da Azər-
baycanın Paris nümayəndəliyində işə qəbul edildi. Bu şəxs
dünya qiymətlərinə uyğun olaraq, Azərbaycandan neft alınma-
sı və digər iqtisadi məsələlərlə məşğul olmalı idi. Azərbaycan
nümayəndə heyətinin bu hərəkəti xarici siyasətin doğru təbliğ
edilməsi və lobbiçilik sahəsində atılan ilk addımlar kimi
əhəmiyyət daşıyırdı.
Azərbaycan hökuməti Böyük Britaniya, Fransa və İtaliya
kimi dövlətlərlə də iqtisadi və ticarət əlaqələrinin yaradılması
istiqamətində mühüm addımlar atmağa başlayır. Belə addımlar
sırasında Fransa-Qafqaz Komitəsinin təşəbbüsü ilə 1919-cu il
oktyabrın 4-də keçirilən və Azərbaycan, Gürcüstan, Fransa iş-
güzar dairələrinin iştirak etdiyi Qafqaz konfransı xüsusi əhə-
miyyət daşıyırdı. Konfransdan sonra həmin ilin oktyabr ayında
Fransa Respublikasının Ticarət və Sənaye Nazirliyinin nüma-
yəndəsi Bakıya səfər edərək, Azərbaycanın xarici işlər naziri
Məmmədyusif Cəfərovla danışıqlar aparır. Görüş zamanı Fran-
sa tərəfinin nümayəndəsi öz ölkəsi ilə Azərbaycan arasında
dostluq əlaqələrinin yaradılmasının vacib olduğunu bildirir.
Həmin ərəfədə Azərbaycan hökuməti Böyük Britaniyanın
“Kosmos” kompaniyası ilə müqavilə imzalayır. Müqaviləyə
görə, bu kompaniya Azərbaycan neftinin Qara dəniz limanın-
dan daşınıb Avropaya satışını təşkil etməli idi. Bundan başqa
Azərbaycanla Fransanın teleqraf və telefon kompaniyası ara-
Dostları ilə paylaş: |