Qovşaq – bir-biri ilә öz aralarında yiv, pәrçim, qaynaq vә ya digәr birlәşmә
ilә birlәşәn bir sıra detal yığımıdır.
Mexanizm – öz aralarında hәrәkәtli birlәşәn, hәrәkәt vә sürәti çevirәn detallar
vә ya qovşaqlar yığımıdır.
Aqreqat – bütöv halda birlәşmiş bir neçә mexanizmdir.
Sistem – iş zamanı müәyyәn olunmuş funksiyanı yerinә yetirәn, qarşılıqlı
tәsirdә olan mexanizm, cihaz vә digәr quruluşlar yığımıdır.
Bütün mexanizmlәr, aqreqatlar vә sistemlәr avtomobilin әsas tәrkib hissәlәri
olan üç hissәsini tәşkil edir: mühәrrik, kuzov vә şassi.
Mühərrik avtomobilin hәrәkәtini tәmin edәn mexaniki enerji mәnbәyidir.
Mexaniki enerji mühәrrikdә digәr növ enerjinin (yanan yanacağın enerjisi, elektrik
enerjisi, qabaqcadan sıxılmış havanın enerjisi vә sairә) çevrilmәsi hesabına әldә
edilir. Qeyri-mexaniki enerji mәnbәyi, adәtәn birbaşa avtomobildә olur vә vaxtaşırı
doldurulur.
Müasir avtomobillәrdә enerji mәnbәyi kimi neft mәnşәli maye yanacaqla
(benzin vә dizel yanacağı) vә ya qazla işlәyәn porşenli daxili yanma mühәrriklәri
daha geniş yayılıb.
Kuzov sürücü, sәrnişinlәr vә baqajın yerlәşdirilmәsi vә onların xarici
tәsirlәrdәn (külәk, yağış, çirk vә s.) qorunması üçün nәzәrdә tutulur. Yük
avtomobilinin kuzovu mühәrrikin arxasında vә ya mühәrrikin üstündә
yerlәşdirilmiş sürücü kabinәsindәn vә yük platformasından ibarәtdir. Minik
avtomobillәrindә vә avtobuslarda sürücü yeri vә sәrnişin salonu bir yerdә olur.
Bәzi hallarda kuzov aparan hissә funksiyasını da özündә birlәşdirir (aparan
kuzov). Avtomobilin digәr sistemlәrinә daxil olmayan qovşaqların, aqreqatların, alt
sistemlәrinin (xarici işıqlanma cihazları, salonun iqlim quruluşları, sürücü vә
sәrnişinlәr üçün bәzi tәhlükәsizlik quruluşları vә sairә) «kuzov» sisteminә daxil
olunması qәbul edilib.
3
Şassi mexanizm, aqreqat vә sistemlәrin yığımı olub avtomobilin hәrәkәtini vә
idarә olunmasını tәmin edir. Şassiyә aparan hissә (çәrçivә, qabaq vә arxa asqılar,
tәkәrlәr, körpülәr), transmissiya, idarә mexanizmlәri (sükan idarәsi vә tormoz
sistemlәri) daxildir.