12
2.3. Çin mədəniyyəti
Çinin sivilizasiyası tarixi minillikləri əhatə edəm qədim mədəniyyətlərdən bi-
ridir. Çinlilərin özlərinin təsdiq etdikləri kimi, ölkənin tarixi e.ə.III minilliyin son-
larına gedib çatan Yao, Şunya, Yuya hakimlərinin hökmranlıq dövründən başlayır.
Çin sivilaziyasının uzun illəri əhatə edən inkişaf yolu dünya mədəniyyəti
tarixində mədəniyyətin tamamilə yeni unikal tipini yaratdı. Qərb və qonşu hind
mədəniyyətlərindən fərqli olaraq Çin sivilizasiyası daha rasional və praqmatik
səciyyə kəsb etmiş və edir. Hər bir çinli üçün ilk növbədə sosial etika və inzibati
praktika müstəsnalıq kəsb edirdi.
Çin mədəniyyətində bir çox adət-ənənələr buddizmlə bir əlaqədardır.
Məsələn, çay və çayiçmənin təşəkkülü haqqındakı əfsanə buna aiddir. Bu əfsanəyə
görə buddaçılar etiqada zamanı gümrah olmalı, bir çox saat ərzində hərəkətsiz
qalmalıdır. Bu zaman mürgüləmək və ya yuxuya getmək – böyük günah, eyib
hesab edilirdi. Lakin bir dəfə görkəmli patriarx Bodxidxarma etiqada prosesində
özü də bilmədən yatır. Oyandıqdan sonra hiddətlənən patriarx öz kipriyini kəsir.
Bu zaman yerə düşən qan damlalarından çay kolunun yarpaqları yaranır. Ondan
hazırlanan içki isə insana gümrahlıq verir. Bu bir əfsanə olsa da onun mahiyyətində
böyük bir hikmət vardır.
Qədim çin mədəniyyətinin ən geniş yayılmış sənət növlərindən biri də
dekorativ-tətbiqi incəsənət idi. Bu sənət aşağıdakı sahələr üzrə inkişaf edirdi: matal
üzrə iş, toxuculuq, kağız, rəngli fanar, süni çiçəklərin, lak-şirəli məhsulların, kağız
ilanların hazırlanması.
Nefrit, fil sümüyü üzərində oyma, nəqş işləməli dünya miqyasında tanınmış
sənət növləridir.
Çini və keramika Çinin ən qədim kəşflərindən biridir.
Beləliklə, qədim sivilizasiyanın mühüm tərkib hissəsini təşkil edən çin
mədəniyyətinin çox möhtəşəm yeri vardır. Öz unikallığı və humanizmi ilə
fərqlənən qədim çin mədəniyyəti sonrakı tarixi dövr və mərhələlər üçün zəngin irs
qoymuşdur.
13
stifadə
olunmuş
ə
də
biyyat
Azə
rbaycan dilində
1. Azərbaycan tarixi I c. (Z.Bünyadov, Y.Yusifov). B., 1994
2. Əliyev R. Azərbaycan VII-XIV əsrlərdə. B., 1980
3. Mahmud smayıl. Azərbaycan Tarixi. B., 1997
Rus dilində
4. Азимов К. Ценностный мир человека в религиозно-философской
доктрине
зароастризма. Б., 1991
5. Алпатов. Всеобшая история исскуства. М-л, 1948
6. Введение в культурологию (под.ред.Е.В.Попова). М., 1995
7. Есин. . Введение в культурологию. 1999
8. История древного мира. М., 1997
9. Культорология. Краткий тематический словар. Ростов – на-Дону. 2001
10. Бонгард-Левин Г.М.Древнеиндийская цивилизация. М., 1980, 1993
11. Всемирная история. В 13 т.м. 1955-1983
12. Дмитриева Н.А. Виноградова П.А. Искусство древнего мира. М.,
1986
13. Любимов. Искусство древнего мира. М., 1971
14. Матье М. Искусство Древнего Египта. М., 1970
14
3. Antik dövr mədəniyyəti
3.1. Qə
dim Yunanıstan mə
də
niyyə
ti. Krit-Miken dövrü
Mədəniyyət tarixində hər bir dövr özünə görə qiymətli və təkrarolunmazdır.
Tədqiqatçlar bu faktı təsdiqləyərək Qədim Yunan mədəniyyətinə xüsusi əhəmiyyət
verirlər. Antik yunan mədəniyyətinə müasir ədəbiyyat janrları və fəlsəfə sistemi,
sütunlu arxitektura və heykəltəraşlıq, astronomiyanın əsasları, riyaziyyat və
təbiətşünaslıq daxildir. Qədim yunan mədəniyyətinin ən başlıca nailiyyəti isə
insanın kəşfidir. Allahıın yaratdığı insan ən ecazkar, mükəmməl və ali bir varlıqdır.
Avropa tarixinə və mədəniyyətinə güclü təsir göstərən antik mədəniyyət, müasir
dövrün tarixçilərinə “Yunan möcüzəsi”ndən danışmağa imkan yaradır.
B.e.ə. I minillikdə qədim şərq sivilizasiyası sönməyə başlayır və öz yerini
Aralıq dənizində yerləşən regionların mədəniyyət ocağına verir. B.e.ə.VI əsrdən
başlayaraq bu bölgənin mədəniyyət mərkəzi Yunanıstan olur. Yunan
mədəniyyətinin inkişafında etnik və coğrafi şəraitin rolu böyük idi.
Yunanları kosmosdan gələn ağıllı, ilhamlı, məqsədyönlü və hər bir qarışıqlığa
qarşı duran kimi qiymətləndirirdilər. Artıq dünyaya, təbiətə və kainata baxış estetik
kateqoriyaların yaranmasına səbəb olur. Bu ,Qədim Yunan mədəniyyətinin
tərkibinə daxil olub incəsənətdə xüsusi inkişaf – gözəllik, ölçü və harmoniyanı
yaradır.
Qədim Yunan bədii mədəniyyəti üç əsas mənbədən qidalanır.
1. Egey dənizinin adasında yerləşən əhalinin qədim krit-miken incəsənəti. Bu
özünü zəngin arxitekturaya malik olan Krit, Miken və Tirinf iqamətgahlarında
göstərir, həmçinin rəsmlərində, keramika və qızıl əşyalarında büruzə verirdi.
2. Aralıq dənizi sahilindəki Kiçik Asiya və Finikiyalılar tərəfindən daxil olan
kompozisiyalı arxitektura, Qədim Misirin incəsənəti də güclü təsir göstərirdi.
3. Dori tayfalarının incəsənəti. Şimaldan gələn Doru tayfalarının incəsənəti və
özləri ilə gətirdikləri həndəsi üslub da Yunan mədəniyyətinə təsir göstərir.
Öz inkişaf tarixində Qədim Yunan mədəniyyəti bir neçə mərhələdən keçib.
Bunlardan birincisi Krit-Miken mədəniyyətidir.