Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Сечилмиш ясярляри 87 KƏNDİM MƏNİM Səhərləri xoruz banlı, Meşələri moruq qanlı Bulaqları «soyuqqanlı» Talam, bərəm, bəndim mənim - kəndim mənim. Ulduz yağar gecəsinə, Layla axar küçəsinə… Bir beşikdir neçəsinə Ata-baba rəddim mənim - kəndim mənim. Yoxuşunda yorulmuşam, Bulağında durulmuşam, Bir qızına vurulmuşam, Çoxalıbdır «dərdim» mənim - kəndim mənim. 1975 Адил Ъямил 88 YOLUMA ÇIXAN GECƏ Bugünkü səfərim yaxındır yaman, Bir yaxın şəhərə yol gedirəm mən. Qəribə bir aləm axtardığımdan Özümü yollarda ləngidirəm mən. Tor çəkir gözümə axşam toranı, Sıxır əllərimi bəyaz bir gecə. Başlayır göylərin ulduz «boranı», Kaş mən də ulduza dönəm indicə… Belə gecələrdə boylanmışam mən Torpağın səmayla yaxınlığına. Belə gecələrdə inanmışam mən İşığın zülmətlə qohumluğuna. Bu gecə ulduz yox, od bələyiblər Göylərin yeddi qat qalınlığına. Elə bil günəşi dənələyiblər, Səpiblər gecənin qaranlığına. 1978 Сечилмиш ясярляри 89 *** Qara gecə qatıbdılar Günəş gözlü gündüzümə. Tale keçib namərdliyə, Mən salmışam mərd üzümə. Pis olmaram pis günümdə, Günəşlidir çiskinim də, İşıqlıdır nisgilim də, İşıq salır dərd üzümə… Əyriürək, «düz» üzlülər Min hiyləli, yüz üzlülər, Nərmənazik qızüzlülər Baxa bilməz sərt üzümə… Yolum, izim tilsim olsa, Bir əsimlik hirsim olsa, Bu şəhərə «təslim» olsam Heç baxarmı kənd üzümə?.. Qılıncımı qoysam qına, Ulu dünya məni qına… Sən də “oğul” demə, ana, Gətir örpək ört üzümə. 1982 Адил Ъямил 90 BİR AZ Bu dumanlı zirvələrdə Kaş kəhərim yorta bir az. Dağlar mənə nəfəs verə, Seyrək havam arta bir az. Qayalarda yazılarım - Uşaqlığın arzuları… Otaraydım quzuları, Təpinəydim qurda bir az… Boylanıram yal-yamaca, Yollar yoxuş, zirvə haça. Qoy söykənim bir ağaca Nəfəs alım burda bir az. Gözüm qartal yuvasında, Könlüm yaylaq obasında. Bu dağların havasında İsti imiş qar da bir az… Ürəksizə ürək olam, Uçuq evə dirək olam. Nə zamansa gərək olam Doğulduğum yurda bir az… 1980 Сечилмиш ясярляри 91 KÜR BOYUNDA DÜŞÜNCƏLƏR Dayanmışam sahilində Bozdağın Göy üzündən göyümsovdu Kür üzü. Hər dalğanın «budağında», «qolunda» Puçurlayıb bir balığın kürüsü… Karvanına qoşub dalğa-dəvənin Xəyal çıxır səfərinə dünənin… Dəli Kürü dəli kimi sevənin Axtarsalar elə mənəm birisi… Damarımda al qanım da kürləşib, Ürəyimdə Araz ilə birləşib… Hara getsəm gözlərimə dirəşib, Hara baxsam mənə baxıb bir üzü… Xoş anında gül həvəsi göyərdər, Daşqınında qum təpəsi göyərdər… Bir vaxt gələr Kür ləpəsi göyərdər Məndən sonra mənə qalan bir izi… Gec görüşsək sarmaşıbdı dizimə, Qəhər olub yığışıbdı gözümə… Bir gümüşü çaya dönüb, özünə Ürəyimdə yer eləyib Yer üzü! 1981 Адил Ъямил 92 GÖRÜNMƏZ Ömrümü-günümü varaqlayaram, Alnıma yazılan tale görünməz. Mənzilim uzaqdır, yüküm ağırdır, Çiynimi çökəldən şələ görünməz. Məni iki yerə bölməyin üstdə Hissim ağlım ilə hey bəhsəbəhsdə… Özüm azad ikən qəlbim qəfəsdə, Tələyə düşmüşəm, tələ görünməz. Mənim yollarıma yol qatmayın siz, Zəhər qismətimə bal qatmayın siz. Mənim gözlərimi aldatmayın siz, Görmək istədiyim hələ görünməz. Daş töküb tikdiyim qala görünməz, Yaş töküb çəkdiyim bəla görünməz. Baş tapa bilmirəm özüm, özümdən — Niyə görünürəm belə görünməz… 1982 Сечилмиш ясярляри 93 SƏN GEDƏLİ Nənəm Nabatın əziz xatirəsinə Səninkiydi sən doğulan məmləkət - Eli evə bölümünü görmədim. Sən gedəli getdi xeyir-bərəkət, Gedərginin gəlimini görmədim. Sən gedəli dünya başqa avazda, Yayın günü yaylağımız ayazda… Qızıl inək qısır çıxdı bu yaz da, Süd gətirən yelinini görmədim. Sən gedəli hey gəlirsən yuxuma, Uzaqları yuxu çəkir yaxına… Çox yer gəzdim, nənə dedim çoxuna, Vallah, səntək həlimini görmədim… Barmaqların öyrəşmişdi bəzəyə, Sığışmazdın yoxsa kəndə-kəsəyə. Neçə yerdə baxdım neçə muzeyə Sənin xalça-kilimini görmədim. Harayına verəmmədim hay, nənə, Mən günahsız… sən — günahkar say, nənə. Ölməyinə inanardım, ay nənə, Nə yaxşı ki, ölümünü görmədim… 1981 Yüklə 1,18 Mb. Dostları ilə paylaş:
|