Сечилмиш ясярляри
143
ÖMRÜMÜN BEŞ İLİ
İllərin
içində beş ilim gəzər -
Beş yol «fırlamışam papağımı» mən…
O illər atdığım addıma bənzər -
Beş addım atmışam sabahıma mən.
İllərin içində beş ilim gəzər,
Nazlanar nazəndə gəlinlər kimi.
Beş ildə olmayıb maraqlı əsər -
Bizim başımıza gələnlər kimi…
O illər məktuba «yığıbdı» məni -
Görüblər qanadlı qaranquşam mən.
Taleyim təzədən doğubdu məni;
Kəndimiz, elimiz, obamız üçün
Təzədən, təzədən yaranmışam mən.
O illər qürurtək qəlbimdən keçib,
Demişəm: - ləpəyəm, hələ nəyəm mən…
O
illər bəzən də cibimdən keçib,
Görmüşəm yenə də tələbəyəm mən…
Közərib sinəmdə odu, ocağı,
Beləcə boy atıb beş ilim mənim.
O illər ömrümə ana qucağı,
O illər ikinci beşiyim mənim.
Tapdığım cığırlar, seçdiyim yollar
Kövrək bir qələmin ucundan keçib.
O illər bilir ki, keçdiyim yollar
Anamın ağarmış saçından keçib…
1980
Адил Ъямил
144
GÖY ÜZÜ…YER ÜZÜ
İşığına
qovuşduğum Göy üzü
Günəşini, ulduzunu, ayını
Gözlərimə köçürdüm,
Sözlərimə köçürdüm;
Misralarım ulduz-ulduz közərdi -
Gördüm şerim gözəldi…
İnsanına qovuşduğum Yer üzü,
Sevincini, kədərini,
Gəldi-gedərini,
Ürəyimə köçürdüm…
Haçansa sən də məni
Xəyalından keçirəcəksən -
Bir ömrü daşıyan
bir misra kimi
Torpağına köçürəcəksən.
1981
Сечилмиш ясярляри
145
İLLƏRİN AYRICINDA
Hər bahar özüylə bar gətirməyir,
Hər qışın gəlişi qar gətirməyir,
Baxanda görürsən başqadır zaman,
Aldadır fəsillər, baş qatır zaman,
Aşır başımızdan qayğılarımız.
Daşır başımızda duyğularımız,
Qayığa dönürük qayğı içində,
Üzürük
üzülməz duyğu içində,
Gəlib dayanırıq yol ayrıcında,
Gəlib dayanırıq il ayrıcında -
Durub boylanırıq biz sağa, sola,
Köhnə il tələsir - salırıq yola,
Burnumuz göynəyir təzə il üçün –
Köhnədən qaçırıq təzəlik üçün…
31 dekabr, 1981
Адил Ъямил
146
MƏNİM YAŞIM
Dərdimin yaşı var
özümdən böyük.
Gözümün yaşı var —
gözümdən böyük.
Mənim yollar ölçən ayağım yekə,
Mənim qələm tutan əlim də böyük,
Buna
yaş neyləsin, yaş neyləsin ki?..
Saçlarım tökülür, ağara bilmir,
Ürəyim göynəyir, bağıra bilmir,
Buna yaş neyləsin, yaş neyləsin ki?
Alnımın qırışı fikir yoludur,
Qəlbimin yolları fikir doludur.
Gözümün yaşı da gözümdən böyük,
Böyüyüb olmuşam özümdən böyük –
Buna yaş neyləsin, yaş neyləsin ki…
1978
Адил Ъямил
148
GÖRÜNMƏZLİK
Göy üzündə sonsuz sayda
Görünməyən ulduzlar var…
İynə ulduzu boyda
İşığını, şəfəqini
biz görmürük.
Üzü gündoğan tərəfə
Boylanırıq
neçə dəfə
Üfüqlərin üfüqünü
biz görmürük.
Ana bətnində uşağa
Həyat qabaqcadan bəlli -
Ölümdən o yana nə var
biz görmürük.
Zaman-zaman ağlımızla,
Gözümüzlə öyünsək də,
Özümüzlə öyünsək də
Çox şeyləri düz görmürük.
Günəşdən savayı günəş
Bəlkə də var – biz görmürük…
1983
Сечилмиш ясярляри
149
KEŞİKDƏYƏM
Keşikdəyəm gecəyarı,
Azalıbdır
gözlərimin
Görə bilmək ixtiyarı
Bu gecənin qarasında.
Vətənimin sahilində
Qranittək bitirəm mən.
Yad gəlişin ləpirini
İstəmirəm itirəm mən
Qaranlığın arasında.
Ulduzları vətənimin
Ayrıcına səpəm gərək.
Mehdiləşən, Həziləşən
Səngərləri öpəm gərək
Aydınlığın aynasında.
Gecəm keçir, yuxum köçür…
Gül
balalar bal yuxuya
Batsın deyə mən yatmıram.
Ana vətən, ana torpaq
Yatsın deyə mən yatmıram…
1978