.
80
üçün çox zəhmət və səbr tələb edən elmi qayda-qanunlara
yiyələnmək vacibdir.
Sosioloji tədqiqatın aparılması elmi araşdırmalar
və əməliyyatlarla zəngin olan bir prosesdir. Tədqiqatın
etibarlı nəzəri əsaslarının və ümumi məntiqinin işlənilmə-
si, məlumatların toplanması üçün metodik sənədlərin
hazırlanması və s. bu sahəni yaxşı bilən mütəxəsislərdən
həm də böyük məsuliyyət və çavabdehlik tələb edir.
Tədqiqat qrupunun yaradılıb formalaşdırılması işi də məhz
bu prosesə aiddir. Təşkilati və maddi-texniki təminatı qa-
baqcadan nəzərə almaq, əmələ gələn problemli məsələləri
yerindəcə operativ şəkildə həll etmək tədqiqatcının həm
də şəxsi məsuliyyət hissini artırır.
Sosiologiya - ailə büdcəsi, uşaq və məktəblilərin
asudə vaxtı, prezidentin reytinqi, işsizlərin sayı, ölkənin
iqtisadi vəziyyəti, seçicilərin rəyi, ölkədə doğum sayının
vəziyyəti, əhalinin mədəni fəaliyyətinin təşkili və s. haq-
qında daha dolğun ststistik məlumatları əldə etmədən
mövcud ola bilməz. Bu prosesdə tədqiqatçı ilk növbədə
jurnallarda, bülleten və məruzələrdə dərc edilən rəsmi
statistikadan istifadə edir. Kifayət etməyən informasiya-
ları, insanların (sorğuda onları respondent adlandırırlar)
subyektiv fikirlərini qeyd olunan sosioloji sorğuda topla-
yır. Cavablar riyazi yuvarlaqlaşdırılır, ümumiləşdirilmiş
məlumatlar statistik qrafiklər, cədvəllər və sxemlər şək-
lində təqdim edilir, qanunauyğunluqlar çıxarılır və izah
olunur. Son nəticə isə elmi nəzəriyyənin qurulmasıdır ki,
gələcək hadisələri qabaqcadan xəbər verməyə və praktik
tövsiyələri hazırlamağa imkan verir.
Sosial proqnozlaşdırma sosioloji tədqiqatlar vasitəsi
ilə yerinə yetirildikdə gələcək sosial-iqtisadi və mədəni
.
81
quruculuq proseslərinin inkişaf dinamikası müəyyənləşir.
Eyni zamanda əhalinin iqtisadi və mənəvi tələbatlarının
öyrənilməsi prosesi reallaşır. Təbii ki, sosial layihələşdir-
məyə və sosial proqnozlaşdırmaya bir ictimai quruluşun,
digər bir quruluşla əvəz olunduğu halda daha böyük
ehtiyac duyulur.
“Sosial layihələşdirmənin əsas mahiyyəti qarşıya
qoyulmuş məqsədə çatmaq üçün aşkar edilmiş vəzifə və
problemləri həll etməyə imkan verən vasitələri quraşdır-
maqdan ibarətdir. Bu vasitələr iki formada mövcud olur:
1) layihələşdirilən obyektin sosial parametrlərinin
sistemi və onların cəmiyyət göstəriciləri kimi;
2) layihələşdirilən göstəricilərin həyata keçirilmə-
sini təmin edən konkret tədbirlərin məcmuyu və gələcək
obyektin keyfiyyət xarakterləri kimi.
6
Qeyd olunan layihələşdirmənin əsas mahiyyəti və
məzmunu idarəetmə prosesini sivil şəkildə cəmiyyət həya-
tına tətbiq etməkdir. Sosioloji tədqiqatlar burada məhz
konkret elmi metodologiya əsasında aparılır. Elmi meto-
dologiya əsaslanaraq ilk mərhələ tədqiqatın hazırlıq işləri
ilə bağlıdır. Hazırlıq mərhələsində tədqiqatların proqramı,
iş planı tərtib olunur və yardımçı sənədlər müəyyən-ləş-
dirilir.
Sosioloji tədqiqatların proqramı konkret obyektin,
hadisə və ya prosesin öyrənilməsinə qərar verildikdən son-
ra işlənib hazırlanır. Təbii ki, tədqiqat obyekti metodoloji
və nəzəri cəhətdən əsaslandırılır, onun ictimai əhəmiyyəti,
aktuallığı müəyyənləşdirilir. Tədqiqat obyektinin bütün
sahələri mütəxəssis təhlilindən keçir. Yalnız bundan sonra
6
Sosiologiya. Bakı, “Təbib”, 1994, səh.104.
.
82
sosioloji tədqiqatın dərin düşülünmüş proqramı işlənilir.
Proqram tədqiqatın bütün mərhələlərini əhatə edir, onu
son nəticəyə qədər istiqamətləndirir. Elə bu cəhətinə görə
də sosioloq alimlər proqramı tədqiqatın strateji sənədi
adlandırırlar. Çünki yalnız dəqiq hazırlanmış proqram əsa-
sında sosioloji tədqiqatın vahid bir konsepsiyasına nail
olmaq mümkündür. Mövzusundan asılı olmayaraq hər bir
tədqiqat obyekti formula edilir və problemin əhəmiyyəti
baxımından əsaslandırılır. Ilk növbədə sosioloji obyektin
informasiya tələbatı öyrənilir. Eyni zamanda, tədqiqat ob-
yektinə daxil olan hadisələrin, problemlərin sosial səviy-
yəli ziddiyyətləri nəzərdən keçirilir və bu ziddiyyətlərin
aradan qaldırılması yolları, vasitələri dəqiqləşdirilir. Lakin
aparılan tədqiqat prosesində əngəllərdən qaçmaq üçün
problemin yığcamlığına xüsusi diqqət yetirmək lazımdır.
Çünki problemin olduqca geniş miqyasda öyrənilməsi
istəyi bir çox çətinliklər yarada bilər. Xüsusilə, tədqiqat
planı olduqca lakonik olmalı, müəssisənin imkanlarına
uyğunlaşdırılmalıdır.
Sosioloji tədqiqat prosesində bəzən bir çox prob-
lemlərin cavablarının müəyyənləşdirilməsinə daha çox
təsadüf edilir. Buna “çox problemli” tədqiqat deyilir. “Çox
problemli” sosioloji tədqiqatlar hadisələrin, inkişafa mane
olan səbəblərin daha obyektiv şəkildə öyrənilməsi prose-
sini çətinləşdirir. Bir neçə problemin vahid tədqiqat prose-
sində öyrənilməsi fəaliyyət mexanizmini mürəkkəbləşdi-
rir, xüsusilə əldə olunmuş sosioloji informasiyanın məz-
mununa dağınıqlıq gətirir. Bu isə öz nəticəsində həmin
materiallar üzərində məntiqi ümumiləşdirmələr aparmağı
çətinləşdirir.
Dostları ilə paylaş: |