KİTABXANAŞÜNASLIQ VƏ İNFORMASİYA
№1 (22)
2017
• elektron sənədlərdən ibarət arxiv kağız sənədlərin toplanılmasından daha
ucuz başa gəlir.
Elektron sənəd dövriyyəsinin tətbiqinin həm taktiki,
həm də strateji
əhəmiyyəti vardır. Taktiki üstünlüyə sənədlərin arxivləşdirilməsinə sərf
olunan xərclərin kəskin azalması, kağız sənədlərin yerləşdirilməsi üçün
nəzərdə tutulmuş yerlərin boşalması, sənədlərin üzünün çıxarılmasına ayrılan
xərclərin ixtisarı, işçi heyət və avadanlıqlar üçün nəzərdə tutulmuş xərclərin
azalması və s. aiddir.
Sistemin strateji əhəmiyyəti dedikdə isə şirkətin və ya müəssisənin
işinin məhsuldarlığının artması ilə əlaqədar olaraq yeni üstünlüklərin meydana
çıxması nəzərdə tutulur. Bunlar əsasən aşağıdakılardan ibarətdir:
• sənəd üzərində kollektiv şəkildə işləmək imkanı;
• sənəd axtarışı və seçimi prosesinin əhəmiyyətli
dərəcədə sürətlənməsi;
• informasiya təhlükəsizliyinin yüksək səviyyədə təminatı (
elektron sənəd
dövriyyəsinin tətbiqi zamanı hər kəs yalnız öz səlahiyyətləri
daxilində olan
məlumatları əldə edə bilər);
• sənədlərin daha uzun müddət və daha rahat şəkildə qorunub saxlanılması;
• sənədlərin icrasına nəzarətin gücləndirilməsi;
• sənədin itməsi və korlanması riskinin azalması: istifadəçi sənədlərin
nüsxələri ilə işlədiyi üçün orijinal variantın itməsi və korlanması
mümkün
deyil;
• sənədə sanksiyalaşdırılmamış giriş riskinin azalması: kağız sənədlərlə
müqayisədə elektron sənədlərin etibarlılıq və təhlükəsizlik
səviyyəsi daha
yüksək olduğundan, onları daima nəzarətdə saxlamaq mümkündür.
• sənədlərin üzünün köçürülməsinə və eyni sənədin bir neçə nüsxədə
saxlanılmasına ehtiyacın qalmaması: razılaşdırılmış və imzalanmış
daxili
sənədlərin üzünün çıxarılmasına gərək olmadığı üçün xərclər bir qədər də
azalır;
• elektron sənəd arxivi üçün tələb olunan xərclərin
əvvəlki ilə müqayisədə
kəskin aşağı düşməsi və arxivdəki məlumatların operativ əldə olunması: daha
uzunmüddətli və etibarlı olan elektron daşıyıcılar nə boş yer,
nə əlavə fiziki
qüvvə, nə də böyük maddi vəsait tələb edir.
Elektron sənəd dövriyyəsi sistemi aşağıdakı imkanları yaradır:
• əməkdaşın iş vaxtının qeyri-məhsuldar hissəsini ixtisar etmək;
• sənədlərin itirilməsi və kommersiya sirlərinin sızdırılması ilə bağlı
maliyyə
itkilərini azaltmaq;
• verilmiş tapşırıqları istifadəçiyə xatırlatmaq funksiyası: elektron sənəd
dövriyyəsi istifadəçini yoxlamaların yaxınlaşması ilə bağlı öncədən xəbərdar
edir;
Dostları ilə paylaş: