AZƏRBAYCAN XVIII ƏSRİN İKİNCİ YARISINDA. XANLIQLAR DÖVRÜ
URMİYA XANLIĞI
XVIII əsrin ortaları
Azərbaycanın xanlıqlara, sultanlıq və məlikliklərə parçalanması
XVIII əsrin ortalar
Urmiya xanlığının yaranamsı. Xanlığın mərkəzi əvvəl Urmiya sonra isə Təbriz şəhəri olmuşdur
XVIII əsrin II yarısı
Xanlıqlar dövrü. Bu dövrdə Azərbaycan, IX-XI əsrlərdə olduğu kimi feodal dağınıqlığı dövrünü yaşayırdı
XVIII əsrin 50-ci illəri
İranda və Azərbaycanda mərkəzi hakimiyyət uğrunda Fətəli xan Əfşar, Kazım xan Zənd və Məhəmmədhəsən
xan Qacarın mübarizə aparması
1747-1763
Urmiya xanlığının banisi Fətəli xan Əfşarın hakimiyyəti
1751
Urmiyalı Fətəli xanın müttəfiqi Azad xanı İrəvan xanlığı üzərinə yürüşə göndərməsi. Lakin İrəvan xanı Mir
Mehdi xan Kartli çarı II İraklinin köməyi ilə Azad xanın qoşununu geri oturtdu
1752
Kərim xan Zəndin Azərbaycana hücum etməsi
1752
Qəşmə döyüşü. Döyüşü nəticəsində Kərim xan Zənd Fətəli xan Əfşara məğlub olaraq cənuba – Fars vilayətinə
qaçdı
1752
Miyanə döyüşü. Döyüşü nəticəsində Fətəli xan Əfşarın qoşunu yenə də qalib gəldi və Kərim xanın qardaşı
İsgəndər xan əsir alınaraq edam edildi
1753
Məhəmmədhəsən xan Qacarın Kərim xan Zəndi məğlub etməsi
1753-1754
Fətəli xan Əfşarın hakimiyyətini Mərkəzi və Cənubi İrana yayması. Bu illərdə Fətəli xanın idarə etdiyi
ərazilərin sərhədləri İranın cənubuna qədər uzanırdı. Lakin İran hakim dairələrinin Kərim xana köməyi
sayəsində əvvəlcə Şiraz, sonra isə İsfahan əldən çıxdı. Bununla da, Fətəli xanın mərkəzi hakimiyyət uğrunda
mübarizəsi zəiflədi
1756 mart
Məhəmmədhəsən xanın İsfahan və Rəşti tutaraq Qarabağ xanlığı üzərinə yürüş etməsi. Məhəmmədhəsən xan
Qarabağ xanlığının mərkəzi olan Şuşanı bir ay mühasirədə saxlasa da, onu tuta bilmədi və geri çəkildi. Geri
çəkilərkən Təbrizi, sonra isə Urmiyanı tutdu
1755 yazı
Məhəmmədhəsən xan Qacarın Zəndlər üzərində qələbə çalması.
1759 fevral
Məhəmmədhəsən xan Qacarın öldürülməsi. Fətəli xan Əfşarın Təbrizə qayıdaraq hakimiyyətini
möhkəmləndirməsi və birləşdirmə siyasətini davam etdirməsi
1759 yaz
Urmiyalı Fətəli xan Əfşarın Qarabağ xanlığına hücum edərək özündən asılı vəziyyətə salması. Qarabağ
xanlığından başqa, Ərdəbil və Maku xanlıqları istisna olmaqla Cənubi Azərbaycan xanlıqları da bir müddət
Fətəli xan Əfşardan asılı vəziyyətdə qalmışdı
1760 payız
Kərim xan Zəndin Azərbaycanın cənubuna hücum edərək Təbrizi dörd ay mühasirədə saxlaması
1761 yay
Qaraçəmən döyüşü. Kərim xan Zəndin yenidən Urmiyalı Fətəli xana məğlub olması
1763 oktyabr
Kərim xan Zəndin 9 aylıq mühasirədən sonra Urmiya şəhərini tutması
1763
Kərim xan Zənd tərəfindən “Şiraz qonaqlığı”nın təşkil olunması. “Şiraz qonaqlığı”nda Qarabağ xanı Pərahəli
xan, Xoy xanı Şahbaz xan, Qaradağ xanı Kazım xanı və başqaları iştirak edirdilər. “Şiraz qonaqlığı”nda Kərim
xanın məqsədi xanları vətənlərindən uzaq salmaq və bu yolla onları özündən asılı vəziyyətə salmaq idi. Lakin,
“Şiraz qonaqlığı” gözlənilən nəticəni vermədi
XOY, TƏBRİZ, QARADAĞ VƏ ƏRDƏBİL XANLIQLARI
XVIII əsrin ortaları
Əmiraslan xan tərəfindən Təbriz xanlığının əsasının qoyulması. Əmiraslan xan Nadir şahın dövründə III Sam
Mirzənin üsyanını yatırmış, onun özünü isə edam etdirmişdi. Nadir şahın ölümündən sonra isə müstəqil dövlət
yaradaraq qısa vaxtda Təbriz, Xalxal, Ərdəbil xanlıqlarını özünə tabe etdi və Adil şahın hakimiyyətini tanımadı
XVIII əsrin ortaları
Kazım xan tərəfindən Qaradağ xanlığının əsasının qoyulması
XVIII əsrin ortaları
Bəbir xan Şahsevən tərəfindən Ərdəbil xanlığının əsasının qoyulması. Bəbir xan hakimiyyəti dövründə xanlığı
siyasi cəhətdən möhkəmləndirdi
XVIII əsrin ortaları
Şahbaz xan tərəfindən Xoy xanlığının əsasının qoyulması
1747-1783
Ərdəbil hakimi Nəzərəli xanın hakimiyyəti. Nəzərəli xan hakimiyyəti dövründə zəndlərlə və qacarlarla
münasibətləri kəskinləşdi, nigah diplomatiyası vasitəsilə qarabağlı İbrahim xanla dostluq əlaqələri yaratdı,
həmçinin Lənkəran xanlığı ilə mehriban qonşuluq münasibətləri qurdu
1748-1752
Qaradağ hakimi Kazım xanın hakimiyyəti. Kazım xan mərkəzi hakimiyyətin zəifləməsindən istifadə edərək,
Qaradağ xanlığının əsasını qoymuş, Şəki xanı Hacı Çələbiyə qarşı ittifaqına qoşulmuşdur
1748
Nadir şahdan sonra hakimiyyətə gələn Adil şahın öz qardaşı İbrahim Mirzə tərəfindən hakimiyyətdən
uzaqlaşdırılması
1748
İbrahim Mirzənin Təbriz hakimi Əmiraslan xanı məğlub edərək Təbrizi tutması. Lakin Məşhəd və İsfahanda
baş vermiş üsyan İbrahim şahın Təbrizdən geri çəklməsinə səbəb oldu və Məşhəddəki döyüşdə həlak oldu
1748
Fətəli xan Əfşarın Təbrizə yürüş etməsi. Yürüş nəticəsində Fətəli xan Təbriz şəhərini ələ keçirərək şəhərin
idarəsini Nəcəfqulu xan Dünbuliyə tapşırdı. Beləliklə, Təbriz xanlığı Urmiya xanlığından asılı vəziyyətə düşdü
1748-1763
Təbriz xanlığının Urmiyalı Fətəli xan Əfşardan asılı vəziyyətdə qalması
1759-1763
Qarabağ xanlığının Urmiya xanlığından asılı vəziyyətdə qalması
1763
Fətəli xan Əfşarın öldürülməsi və Təbriz xanlığının yenidən müstəqil olması
1763-1786
Xoy hakimi Dünbuli Əhməd xanın hakimiyyəti. Əhməd xan hakimiyyəti dövründə Urmiya xanlığını tabe
etməyə çalışdı, bir müddət İrəvan, Naxçıvan və Qaradağ xanlıqlarını özündə asılı vəziyyətə saldı, Azərbaycanın
bir sıra xanlıqları və Kartili çarlığı ilə diplomatik əlaqələr saxladı, Cəfərqulu xanı Naxçıvan xanlığında
hakimiyyətə gətirdi
1782
Qaradağ xanlığının Xoy və Qarabağ xanlarının birləşmiş qüvvələri tərəfindən işğal olunması və müstəqilliyini
itirməsi
1783
Təbriz yaxınlığında döyüş. Təbriz xanı Xudadad xanın Əhməd xanla birləşərək Urmiyalı İmamqulu xan Əfşar
və onun müttəfiqi sərablı Əli xan Şəqaqi üzərində qələbə qazanması
1783-1808
Ərdəbil hakimi Nəsir xanın hakimiyyəti. Nəsir xanın hakimiyyəti dövründə Qubalı Fətəli xan xanlığa yürüş
etdi, həmçinin Ərdəbil xanlığı qacarlardan asılı vəziyyətə düşdü
1791
Qaradağ xanlığının Ağa Məhəmməd xan Qacara tabe olması
ŞƏKİ XANLIĞI
1743-1744
Şəki ərazisində Nadir şah əsarətinə qarşı Hacı Çələbinin başçılığı ilə üsyan baş verməsi
1743
Hacı Çələbinin Şəkini müstəqil xanlıq, özünü isə xan elan etməsi
1743-1819
Şəki xanlığının mövcud olması
1743-1755
Şəki hakimi Hacı Çələbi xanın hakimiyyəti
1748
Hacı Çələbi xanla Qarabağ hakimi Pənahəli xan arasında “Bayat savaşı” baş verməsi
XVIII əsrin 50-ci illəri
Hacı Çələbi xanın II İrakli üzərində qələbəsindən sonra İlisu sultanlığı istisna olmaqla, digər sultanlıqların
(Qazax, Şəmşəddil, Ərəş, Qəbələ) və Car-Balakən camaatlığının Şəki xanlığından asılı vəziyyətə düşməsi
1751
Şəki xanlığı ilə gürcülər arasında döyüş baş verməsi. Döyüş nəticəsində Hacı Çələbi xanın gürcüləri məğlub
etməsi
XVIII əsrin ortaları
Qarabağ, Gəncə, Qaradağ və Xoy xanlıqlarının Şəki xanı Hacı Çələbiyə qarşı ittifaq yaratması
1752 mart
“Qızılqaya xəyanəti”. Gürcü çarı II İraklinin hərbi dəstələrinin Gəncə yaxınlığında Qızılqaya adlanan yerdə
düşərgə salmış xanların üzərinə hücum edərək onları əsir götürməsi. “Qızılqaya xəyanəti”nin təşkilatçısı II
İrakli bu işi törətməklə xanlıqları özündən asılı vəziyyətə salmaq məqsədi güdürdü. “Qızılqaya xəyanəti”ndə
Qaradağ (Kazım xan), Gəncə (Şahverdi xan), Naxçıvan (Heydərqulu xan), İrəvan (Hüseynəli xan) xanlıqları
iştirak edirdi. “Qızılqaya xəyanəti” isə bir daha göstərdi ki, Azərbaycan xanları birləşməli və ümumi düşmənə
qarşı vahid cəbhədə mübarizə aparmalıdılar
1752
Şeyx Nizaminin qəbri yaxınlığında döyüş. Döyüş nəticəsində Hacı Çələbi xan gürcü qoşunlarını məğlub edərək
əsir alınmış Azərbaycan xanlarını azad etdi, Qazax və Borçalı ələ keçirilərək xanın oğlu Ağakişi bəy buraya
hakim təyin edildi
1752 yaz
Gürcü çarı II İraklinin hərbi dəstələrinin Cara hücum etməsi. Bu zaman Hacı Çələbi xan Car camaatının
köməyinə gəldi və gürcü çarını əvvəlkindən daha ağır məğlubiyyətə uğratdı
1755
Hacı Çələbi xanın vəfat etməsi və onun Şamaxı xanlığını Şəkiyə tabe etmək planının baş tutmaması
1755-1767
Şəki hakimi Ağakişi bəyin hakimiyyəti
1763
Usta Abbasqulu tərəfindən Şəki xan sarayının inşa edilməsi
1767
Qubalı Fətəli xanın Şəki xanlığına müdaxilə etməsi. Bu müdaxilə nəticəsində Məhəmmədhəsən xan Şəkidən
qovuldu, Hacı Çələbinin nəvəsi Hüseyn xan Şəki xanı elan edildi və Şəki xanlığı Quba xanlığından siyasi
asılılığı qəbul etməli oldu
1767-1779
Şəki hakimi Hüseyn xanın hakimiyyəti
1779-1789
Şəki xanlığının Quba xanlığından asılı vəziyyətdə qalması
1779
Məhəmmədhəsən xanın Şəki xanlığında yenidən hakimiyyətə gəlməsi
1779-1795; 1797-1805
Şəki hakimi Məhəmmədhəsən xanın hakimiyyəti
1785
Qubalı Fətəli xanla Məhəmmədhəsən xanı arasında döyüş baş verməsi. Döyüşdə Fətəli xan Məhəmmədhəsən
xanı məğlub etdi və Şəki xanlığı Fətəli xandan asılı vəziyyətə düşdü
1788
Şamaxı yaxınlığında döyüş. Döyüş nəticəsində Fətəli xan Məhəmmədhəsən xanı məğlub etdi və Şəki xanlığı
yenidən Fətəli xandan asılı vəziyyətə düşdü
1789
Qubalı Fətəli xanın vəfat etməsi və Məhəmmədhəsən xanın Quba xanlığının asılılığından çıxaraq Şəkinin
müstəqilliyini bərpa etməsi
1795-1806
Şəki hakimi Səlim xanın hakimiyyəti
1795
Ərəş sultanlığının ləğv edilərək mahal kimi Şəki xanlığına birləşdirilməsi
ŞAMAXI XANLIĞI