G. Q. Abdurahmanova

i.f.d., prof. M.A.Ikramov
1-savol. B2B marketing o’zi nima sizning tushunchangiz bo’yicha?
2-savol. Integral lokalizatsiya ko’rsatkichlari nima sababdan keltirilgan?
3-savol Qaysi marketing konsepsiyalaridan foydalandingiz?
Z.V.Usubjonov. Savollaringiz uchun katta rahmat ustoz!
Z.V.Usubjonov.
1-savolga javob. B2B marketing deganda “biznes to biznes” deyiladi ya’ni ikki biznes tashkiloti o’rtasida savdoni tashkil etish, bunda tovar yakuniy iste’molchiga emas balki ikkinchi biznes tashkilotiga sotiladi.Ushbu jarayonni tashkil etishning ilmiy asosi B2B marketing hisoblanadi.
2-savolga javob. Integral lokalizatsiya koeffisenti deyilganda, integral bu yig’indi degan ma’noni beradi ya’ni bunda hududlarda qurilish materiallariga ixtisoslashganlik ko’rsatkichlari yig’indisi tahlil etilgan. Namangan viloyatida qurilish materiallari va xizmatlari klasterini shakllantirish imkoniyatini tahlil etish maqsadida ushbu ko’rsatkichdan foydalanilgan.
3-savolga javob. Tadqiqot ishini amalga oshirish jarayonida biz marketing konsepsiyalaridan ishlab chiqarishni takomillashtirish, sotishni faollashtirish va raqamli marketing konsepsiyasidan keng foydalanganmiz.
Rais: Marhamat, savol berish navbati i.f.d., prof. Sh.Dj.Ergashxodjaevaga beriladi.
i.f.d., prof. Sh.Dj.Ergashxodjaeva.
1-savol. Konsepsiya deganda nimani tushunasiz? Marketing konsepsiyasi nima?
2-savol. Qurilish materiallari bozoriga aynan qanday omillar ta’sir ko’rsatadi?
Z.V.Usubjonov. Savollaringiz uchun katta rahmat ustoz!
Z.V.Usubjonov.
1-savolga javob. Konsepsiya lotincha «сonception» so’zidan olingan bo’lib, majmua, tizim degan ma’nalarni anglatadi. Konsepsiya bu biror bir sohaga oid qarashlar tamoyillar tizimi, fakt va hodisalarni tushunish anglash va izohlashning muayyan usulidir. Keng ma’noda konsepsiya so’zi biror bir faoliyatning samarali amalga oshirilishi uchun zarur bo’lgan qarashlar tizimidir. Marketing konsepsiyasi bu korxonaning bozordagi faoliyati natijalari va ushbu natijalarga erishish bo’yicha ilmiy asoslangan tushunchalar tizimidir. Marketing konsepsiyasi tashkilotning ilmiy asoslangan g’oyasi, loyixasi hisoblanib, tadbirkorlikni amalga oshirishda korxonaning samarali yo’nalishini ham anglatadi.