783
– Mən elə bilirəm ki, o tezliklə qayıdıb gələcək.
Demişdi ki, özümü çaya yetirəcəyəm.
– O yenə də qulluq üçün çalışır?
– Bəli, qulluq indi heç şübhəsiz olacaq. – Sonra fikirli
halda əlavə etdi: – Gərək ki, bu gün onun getməsi heç lazım
deyildi, sabah da gedə bilərdi.
– Bəs niyə gedib?
– Ona görə gedib ki, mən məktub almışam...
Nataşa bir az susduqdan sonra təkrar sözə başladı:
– Vanya, o məndən ötrü o qədər narahat olur ki, bu
hətta mənə iztirab verir. O elə bil yuxuda da ancaq məni
görür. Mən əminəm ki, o ancaq bir şey düşünür: mən
necəyəm, necə yaşayıram, nə barədə fikirləşirəm, bundan
başqa onun özgə fikri yoxdur. Mənim hər bir qəmim onun
qəlbində əks olunur. O bəzən çox bacarıqsız bir halda özünü
məcbur etməyə çalışır, göstərmək istəyir ki, guya mənim
dərdimi çəkmir, özünü şən göstərir, çalışır ki, özü də gülsün,
bizi də güldürsün. Mən bunu aydın görürəm. Anam da bu
saat heç özündə deyil, o da onun gülüşünə inanmır, ah
çəkir... – gülərək əlavə etdi: – Anam belə şeylərdə elə
downloaded from KitabYurdu.org
784
bacarıqsızdır ki... Çox sadəlövhdür! Bu gün mən məktub
alan kimi, atam mənimlə göz-gözə gəlməmək üçün, dərhal
çıxıb getdi... Vanya, mən onu dünyada hamıdan çox
sevirəm, özümdən də çox sevirəm. – Sonra başını aşağı
dikdi, əlimi sıxıb dedi: – Hətta səndən də...
Biz bağı iki dəfə dolandıqdan sonra o danışmağa
başladı:
– Masloboyev bu gün bizə gəlmişdi, dünən də
gəlmişdi.
– Bəli, axır vaxtlar o sizə çox tez-tez gəlir.
– Bilirsən niyə gəlir? Anam ona yaman inanır. Anam
elə güman edir ki, o bu şeyləri, yəni qanunları-filanı, çox
yaxşı bilir, onun əlindən hər şey gəlir. Sən necə bilirsən, indi
anam nə fikirdə ola bilər? O öz ürəyində mənim knyaginya
olmamağıma çox təəssüf eləyir, bu ona çox əzab verir. Bu
fikir onu rahat qoymur, özü də deyəsən, bu şeylərin hamısını
açıb Masloboyevə deyib. Atamla bu barədə danışmağa
qorxur, fikirləşir ki, bəlkə Masloboyevin bu işdə bir köməyi
dəydi, bəlkə o, qanunla bir iş görə bildi. – Sonra Nataşa
downloaded from KitabYurdu.org
785
gülümsəyərək əlavə etdi: – Masloboyev də, deyəsən, onun
sözünə zidd getmir, anam onu da çaxıra qonaq eləyir.
– Bu dələduzdan xata əskik olmaz. Bunu sən haradan
bilirsən?
– Anam özü çaşıb bunu mənə dedi... Özü də eyhamla...
– Nelli necədir?
Nataşa məzəmmətlə dedi:
– Vanya, mən sənə təəccüb edirəm: sən bu vaxta qədər
onu soruşmamısan.
Bu evdə hamı Nelliyə pərəstiş edirdi. Nataşa onu son
dərəcə sevirdi, Nelli də axırda bütün qəlbilə onu sevdi.
Yazıq tifil! O heç də belə adamlara rast gələcəyini, bu qədər
seviləcəyini gözləmirdi. Mən görürdüm ki, onun qəzəblə
dolu qəlbi yumşalmışdır, bütün könlü bizim hamımızın
qarşısında açılmışdır, mən buna sevinirdim. Nelli əvvəlki
vəziyyətin əksinə olaraq, əhatə olunduğu bu ümumi sevgiyə
bir növ iztirab duyulan bir hərarətlə cavab verdi, əvvəlki
vəziyyət onda şübhə, qəzəb və inadcıllıq hissi əmələ
gətirmişdi. İndi də o xeyli inad göstərdi, qəlbində toplaşan
dərdini bizdən xeyli gizlətdi, bizimlə barışmaq istəmədi,
downloaded from KitabYurdu.org
786
axırda bizə tamamilə təslim oldu. Əvvəl Nataşanı, sonra da
qocanı bərk sevdi. Hətta mən onun üçün elə zəruri bir şey
oldum ki, bir-iki gün gəlməyəndə xəstəliyi artırdı. Çoxdan
bəri qurtarmadığım bir işi yazıb başa çatdırmaq üçün ondan
iki gün ayrılmalı idim, bundan ötrü mən onu, sonuncu dəfə
olaraq, müxtəlif yollarla xeyli dilə tutub razı salmalı oldum.
O hələ də öz hisslərini mənə tamamilə açıq bildirməkdən
utanırdı...
O bizim hamımızı çox düşündürürdü. Heç bir söhbət
olmadan, sözsüz-filansız qət olunmuşdu ki, o həmişəlik
Nikolay Sergeiçin evində qalsın, lakin Nataşagilin getmək
vaxtı yaxınlaşırdı, onun halı isə get-gedə xarablaşırdı. Biz
Nikolay Sergeiçgilə gələn gündən o xəstələnmişdi. Axı mən
bunu niyə deyirəm? O həmişə xəstə olmuşdur. Onun
xəstəliyi əvvəllər də artırdı, indi isə daha sürətlə inkişaf edir.
Mən onun xəstəliyinin necə bir xəstəlik olduğunu müəyyən
edə bilmirəm. Doğrudur, onun ürəkgetməsi əvvəlkindən bir
qədər çoxalmışdır. Lakin məsələ burasındadır ki, o get-gedə
zəifləyir, gücdən düşürdü, həmişə titrədib-qızdırırdı, gərgin
bir vəziyyətdə olurdu, bu da onu elə bir hala salmışdı ki, son
downloaded from KitabYurdu.org
787
günlərdə heç yataqdan qalxa bilmirdi. Qəribədir, xəstəliyi
şiddətləndikcə o bizimlə daha mülayim, daha mehriban,
daha açıq olurdu. Üç gün bundan əvvəl onun çarpayısının
yanından keçəndə əlimdən tutub məni özünə tərəf çəkdi.
Otaqda heç kəs yox idi. Üzü qızdırmadan od kimi yanırdı (o,
yaman arıqlamışdı), gözləri parıldayırdı. Əsəbi bir ehtirasla
mənə tərəf dartındı, mən ona tərəf əyiləndə, qarabuğdayı,
arıq qollarını boynuma bərk-bərk dolayıb məni öpdü, elə o
saat da Nataşanı öz yanına çağırtdırdı, gedib Nataşanı
çağırdım. O istəyirdi ki, Nataşa onun çarpayısında oturub
ona baxsın...
– Mən özüm sizə baxmaq istəyirəm, – dedi. – Dünən
sizi yuxuda görmüşəm, bu gecə də görəcəyəm... Siz tez-tez
mənim yuxuma girirsiniz... hər gecə...
Görünür, o nəsə demək istəyirdi, qəlbindəki hisslər onu
narahat edirdi, lakin o özü də öz hisslərini başa düşmürdü,
bilmirdi onları necə ifadə etsin...
Nikolay Sergeiçi hamıdan çox istəyirdi, bircə məndən
başqa... Bunu da demək lazımdır ki, Nikolay Sergeiç də onu,
az qala öz qızı Nataşa qədər istəyirdi. Nikolay Sergeiç onun
downloaded from KitabYurdu.org
Dostları ilə paylaş: |