NOBEL VERGİSİ
Siz düşünürsünüz ki, yüksək nailiyyətlərinə görə Nobel mükafatı alan alimlər həmin
məbləğdən vergi ödəmirlər? Elə ödəyirlər ki! 1986-cı ildən bu mükafat pul hədiyyəsi
kateqoriyasına aid edilmişdir və müvafiq olaraq vergiyə cəlb olunur. Amma istisnalar
da var: əgər laureat mükafatı xeyriyyəçiliyə və ya dövlətin məsləhət bildiyi hər hansı
məktəbin, yaxud kollecin ehtiyaclarının ödənməsinə sərf edirsə, ondan vergi tutulmur.
DUZ VERGİSİ
İlk baxışda bu vergidə qəribə bir şey yoxdur - duz vergisidir də… Ancaq tarixdə bu
vergi ilə bağlı elə böyük hadisələr baş verib ki, eşidəndə heyrətlənməyə bilmirsən! Çin
imperiyası məhz bu vergiyə görə süquta uğramışdır, Fransada isə duz vergisi (the
gabelle) inqilabı sürətləndirmişdir. Hindistanda duza vergi tətbiq olunması əleyhinə
keçirilən nümayişlərdə hətta Mahatma Qandi özü iştirak etmişdir. Yeri gəlmişkən, İn-
giltərənin Hindistanda tətbiq etdiyi duz vergisinin dərəcəsi… 4000 faiz olmuşdur və
təsadüfi deyildir ki, bu, irimiqyaslı etiraz dalğası doğurmuşdur. Əgər bir dövlətdə inqi-
laba ehtiyac varsa, duz vergisi tətbiq etmək və bir az gözləmək kifayətdir.
SAQQAL VERGİSİ
Bu vergini Birinci Pyotr 1689-cu ildə tətbiq etməyə başlamışdır. Saqqallar hətta müx-
təlif tiplərə ayrılırdı - tacir saqqalı, əyan saqqalı, kəndli saqqalı və s. Kəndli öz kəndində
saqqalı pulsuz saxlaya bilərdi, amma şəhərə gələndə 1 qəpik ödəyirdi. Saqallılar dik
yaxalıqlı xüsusi kaftanda gəzməyə məcbur idilər. Belə geyimdə olmayanlar cərimə
ödəyirdilər. Özü də hər dəfə bu cür görünəndə! Cəriməni ödəyə bilməyənləri sürgünə
göndərirdilər.
QUL AZADLIĞI VERGİSİ
Qədim Romada sərbəstlik vergisi (manumission) mövcud idi. Bu vergi ağa öz qulunu
azad edərkən ödənilməli idi. Bəzi hallarda vergini ağa özü ödəyirdi; düşünürdülər, o,
yetərincə zəngindir ki, qulunu azadlığa buraxır. Əksər hallarda isə azadlığa çıxan qul
özü vergini ödəyirdi. Təsəvvür edin: qul böyük məbləğdə pul verib azad işçiyə çevrilirdi
və bu zaman məlum olurdu ki, o, azadlığına görə Roma dövlətinə də pul ödəməlidir!
SUBAYLIQ VERGİSİ
Keçmiş SSRİ-də 1941-ci ilin noyabr ayından subaylıq vergisi tətbiq olnurdu ki, bu
da əməkhaqqının 6 faizini təşkil edirdi. Bu vergini 20-50 yaşınadək uşaqsız kişilər və
20-45 yaşınadək uşağı olmayan ərli qadınlar ödəyirdilər.
AZƏRBAYCANIN VERGİ XƏBƏRLƏRİ. 3/2011.
94
Vergilərlə bağlı maraqlı olaylar
MARAQLI FAKTLAR
ANOMAL SVİTÇ - (ingiliscə - switch
- keçid) - bazar konyukturunun anomal,
gözlənilməz dəyişkənliyinə nəzərən in-
vestisiyaların bir qiymətli kağızdan
digərinə keçirilməsi.
ANONS - elan, bildiriş.
ANTOQONİST OYUN - mübarizə
aparan, rəqabətdə olan, maraqları qarşı-
qarşıya duran, iqtisadi situasiyanı model-
ləşdirən oyun.
ANTİDEMPİNQ RÜSUMU - daxili
bazarı qorumaq məqsədi ilə xaricdən gəti-
rilmiş əmtəələrə qoyulan gömrük rüsumu.
ANTİİNHİSAR QANUNVERİCİLİ-
Yİ - rəqabətə sövq edən, inhisarçı struk-
turların yaranmasına imkan verməyən və
inhisarçı hərəkətləri məhdudlaşdıran qa-
nunlar və digər dövlət aktları.
ANTİİNFLYASİYA SİYASƏTİ - in-
flyasiyanın qarşısını almaq və onu tənzim-
ləmək məqsədini güdür. Bunun üçün iki
üsuldan: inflyasiyaya uyğunlaşmaq və sərt
tədbirlər həyata keçirmək üsullarından is-
tifadə edilir. Birinci üsul məhsulların
qiymətlərinin artmasına müvafiq olaraq
əhali gəlirlərinin artırılmasını, ikinci üsul
isə güzəştli kreditlərdən istifadə olun-
masını, dövriyyəyə əlavə pul buraxıl-
masının məhdudlaşdırılmasını və s.
nəzərdə tutur.
ANTİSİPASİYA - (latınca - antici
patio) - 1) hadisənin mümkün gedişinə
öncədən təyinat vermə, demə; 2) hər hansı
bir hadisənin vaxtından əvvəl baş verməsi.
ANTREPRENER - (fransızca - entre-
preneur - sahibkar) - sahibkar, biznesmen,
icarəçi, şəxsi tamaşa (teatr, sirk, orkestr və
s.) müəssisəsi sahibi və təşkilatçısı.
ANDERKLAS - (ingiliscə - under-
class - aşağı qat, «sosial dib») - sosial
iyerarxiyanın dibində olanlar, insanı
simasını itirmişlər (narkomanlar, əyyaşlar
və s.)
ANOMİYA - (fransızca - anomia - qa-
nunun olmaması) - qanunsuzluq, cəmiy-
yətdə böhran zamanı təsbit olunmuş
normalara zidd davranış.
APARSERİYA - (ispanca - aparseria,
latınca - partia-rius - iştirakçı) - İspani-
yada və Latın Amerikası ölkələrində
qalmış icarə növü. İcarəsi müvəqqəti
olaraq torpaq və ya davar alaraq mülkiy-
yətçiyə bundan əldə etdiyi məhsulların bir
hissəsini (adətən yarısını) verir.
APELLYASİYA - (latınca - appellatio
- müraciət) - qanunsuz və ya ədalətsizlik
hesab edilən qəbul olununmuş qərarlardan
şikayət vermə. Apelyasiya qərar qəbul
edəndən yuxarı instansiyaya verilir.
APORTLAR - (ingiliscə - contribu-
tion of capital) - səhmdar cəmiyyətə müəs-
sisənin səhmlərə görə təyin edilmiş pul
məbləğinə bərabər olan daxil olmuş
əmlak. Belə ödənişlər bir qayda olaraq,
əmlakın real dəyərinin şişirdilməsi,
bununla da daha çox səhm əldə edilməsi
və ya səhmlərin toplum məbləğinin təqdim
olunmuş əmlakın dəyərinə uyğun gəlmə-
məsi səbəbi ilə müəsisələrin təsisçi-
lərindən götürülür.
APROBASİYA - (latınca - approbatio
- bəyənmə, tanıma) - nəzəri qoyuluşlu
metodların, hesablamaların, sxemlərin,
iqtisadi proses modellərinin təcrübədə,
real şəraitdə yoxlanılması.
İqtisadi terminlər lüğəti
95
AZƏRBAYCANIN VERGİ XƏBƏRLƏRİ. 3/2011.
TERMİNOLOGİYA
Dostları ilə paylaş: |