45
1. Çıxan aorta tərəfindən yaranan- düz sol üst ürək sərhədi – xarakteristik görüntüdür.
2. L-TGA VSD –ilə birlikdə olan xəstələrdə kardiomeqaliya
və pulmonar damar
kölgələrində artma vardır.
3.Ciddi sol AV qapaq regurgitasiya mövcuddursa , pulmonar venoz
okklüziya
və sol
atrial genişlənmə görüləbilir.
Exokardioqrafiya
Seqmental yanaşmailə L-TGA diaqnozu qoyulabilir. Mövcud olan digər anomaliyaları
görüb , dəyərləndirmək mümkündür.
1.Parasternal uzun əks baxışda , normal ürəkdən fərgli olaraq daha
dik və sola doğru
görütü əldə olunur. Arxadakı ventrikuldan çıxan aortanın AV qapaqla fibroz davamlılığı
yoxdur.
2.Parasternal qısa əks müayinədə , normal “ dairə və sosis ” görüntü yerinə, iki dairə
görülür. Arxa dairə, koronar arteriyası olmayan –pulmonar arteriyadır. Aorta
ümumiyyətlə -pulmonar arteriyanın önündə və solundadır. İki ədəd yaxşı inkişaf etmiş
papilyar əzələsi olan sol ventrikul- öndə və sağda görülür. Xarakteristik “balıq ağzı”
görüntüsü olan mitral qapaq ilə əlaqəlidir.
47
ÜRƏYİN İŞEMİK XƏSTƏLİYİ:
EPİDEMİOLOGİYA, KLİNİKA, DİAQNOSTİKA
ATEROSKLEROZ
Epidemiologiyası. Ateroskleroz, elastik arteriyaların (aorta, yuxu və qalça
arteriyaları), orta və böyük diametrli əzələvi arteriyaların (tac arteriyalar və periferik
arteriyalar) divarının zədələnməsi nəticəsində yaranan xronik və proqressiv xəstəlikdir.
Ateroskleroz, öz ağırlaşmaları ilə birlikdə hələ də dünyada ən çox ölümə səbəb olan
xəstəlikdir. Amerika Birləşmiş Ştatlarında yaşlı insanlarda ölümlərin 42%-ni təşkil edir.
Bütün bunlara baxmayaraq, son 20 ildə müasir müalicə metodlarının və xəstəliyin
profilaktikasına yönəldilmiş ciddi tədbirlərin tətbiqi nəticəsində aterosklerozla bağlı ölüm
(koronar arteriya xəstəliyindən – 40%, serebrovaskulyar xəstəlikdən – 50%) azalmışdır.
Diqqətəlayiq digər bir məqam isə,qərb ölkələrində aterosklerozla bağlı (miokard infarktı,
insult) ölümlərin azalması fonunda ürək çatışmazlığı olan xəstələrin sayının ciddi şəkildə
artmasıdır.
Patogenezi. Ateroskleroz proqressiv xəstəlik olub, uşaq yaşlarından başlayır və
adətən orta yaşlarda özünü klinik əlamətlərlə biruzə verir. Ateroskleroz əsasən elastik
arteriyaların intima təbəqəsinin xəstəliyidir. Bəzi damarlar ateroskleroza daha meyillidirlər.
Bunlara ürəyin tac arteriyaları, böyrək, yuxu, beyin arteriyaları və aorta aiddirlər. Səbəbi
tam bilinməsə də, daxili döş arteriyası(a. thoracica interna) demək olar ki, aterosklerotik
prosesə məruz qalmır. Bu xüsusiyyət onu aorto-koronar şuntlama əməliyyatında konduit
kimi istifadə etməyə imkan verir.
Aterosklerozun əmələ gəlməsinin izahına həsr edilmiş əsas nəzəriyyə "zədələnmiş
endotelə cavab" hipotezidir. Damarların haçalanma (bifurkasiya) yerlərində və divar
stresinin çox olduğu yerlərdə ateroskleroza daha çox rast gəlinir. Müxtəlif səbəblərdən
zədələnmiş endotel təbəqəsinin keçiriciliyinin pozulması nəticəsində monositlər
subendotelial hissəyə keçir və makrofaqlara çevrilir. Endotel zədələnməsi nəticəsində lipid
keçiriciliyi artır və oksidləşmiş LDL parçalarının makrofaqlar tərəfindən udulması
nəticəsində “köpüklü hüceyrələr” əmələ gəlir. Köpüklü hüceyrələrin damar divarında
toplanması ilə piy ləkələri əmələ gəlir. Daha sonra proses irəlilədikcə aterosklerotik
düyünün mərkəzi nekroza məruz qalır. Xemotaksik faktorların təsiri ilə saya əzələ
hüceyrələri subendotelial hissəyə miqrasiya edir. Böyümə faktorlarının da təsiri nəticəsində
düyün fibroz kapsulla örtülür. Daha sonrakı mərhələlərdə isə düyünlərdə xoralanma,
kalsifikasiya, eroziya, tromboz əmələ gələ bilər (şəkil 1). Damar divarında aterosklerotik
düyünün əmələ gəlməsi 3 əsas bioloji prosesin nəticəsidir:
1. Damar divarında saya
əzələlərlə bərabər, makrofaq və T-limfositlərin yığılması;
2. Proteoqlikan, kollagen və elastik liflərdən ibarət olan birləşdirici toxuma
matriksinin toplanması;
3. Hüceyrənin daxilində və xaricində sərbəst xolesterol və xolesterol esterlərinin
48
toplanması.
Şəkil 1. Aterosklerozun
inkişaf
mərhələləri
Əmələ gəlmiş düyün damar mənfəzini proqressiv daraldaraq və ya üzərini örtən
kapsulun yırtılması nəticəsində tromboz əmələ gətirərək, ürəyin işemik xəstəliyinin
müxtəlif klinik formalarının yaranmasına səbəb olur.
Son illərdə aterosklerotik düyünün xüsusiyyətlərinin öyrənilməsi göstərmişdir ki,
düyünün ölümcül nəticə vermə riskinin dərəcəsi onu təşkil edən hüceyrə tiplərindən
asılıdır. Belə ki, daha çox iltihabi dəyişikliyi olan düyünlər daha təhlükəlidir. Həmçinin
çalışmalarda statinlərin (-HMG-CoA inhibitorları), aterosklerotik düyünün ölçüsünə
təsiretmə xüsusiyyətindən asılı olmayaraq, klinik hadisələrin yaranma ehtimalını azaltdığı
göstərilmişdir. Bütün bunlar aterosklerozun dinamik, iltihabi, düzgün müalicə ilə
düzəldiləbilən bir hadisə olduğunu göstərir.
Aterosklerozun inkişafında iltihab markerlərinin iştirakı. Ateroskleroz iltihabi
proses olduğundan qanda C reaktiv protein (CRP) səviyyəsi ilə klinik hadisələr arasında
əlaqə olduğu göstərilmişdir. CRP ilk dəfə 1930-cu ildə pnevmokokk pnevmoniyası ilə
xəstələnmiş xəstədə streptococcus pneumonia-nın C polisaxarid hissəsilə presipitasiya
reaksiyasına girdiyi aşkarlanmışdır. Lakin sonralar CRP-nin pnevmokokka spesifik marker
olmadığı və iltihabi proseslərdə, hamiləliyin son trimestrində, hormon müalicəsi alan
xəstələrdə qanda səviyyəsinin yüksəlməsi bildirilmişdir. Qanda CRP-nin təyini üzrə daha
həssas metodların tətbiqindən sonra, onun aterosklerotik xəstəliyin proqnostik amilikimi
istifadəsinə başlanılmışdır. CRP-nin səviyyəsi yüksək (3mg/dl) olan xəstələrdə
kardiovaskulyar hadisələrin CRP səviyyəsi normal olan insanlara nisbətən 1,45 dəfə artdığı
bildirilmişdir. Lakin aparılan metaanalizlərin nəticələrinə əsasən asimptomatik xəstələrdə
rutin olaraq CRP səviyyəsinin ölçülməsi tövsiyə olunmamışdır.
Tədqiqatlardan birində ST elevasiyalı miokard infarktı ilə müraciət etmiş xəstələrdə
CRP səviyyəsi araşdırılmışdır. Məlum olmuşdur ki, yüksək CRP səviyyəsi işemiya riskini